عنوان الموضوع : مشكلتي وايد اكتم المومة و الطفل
مقدم من طرف منتديات الضمير العربي

السلام عليكم خواتي
حبيت استشيركن قبل لا اواجه ريلي الله يسلمكن قبل 7 شهور اكتشفت ريلي يكلم وحده بقولكم كيف اكتشفت كنت حامل فالسابع وكل ما اقول له طلعني يقولي مو فاضي زين ابا بيت اهلي يقولي دقي لاخوج زين ابا اغراض روحي مع اخوج في عرس اخوه يقولي ردي مع اخوي المهممم وايد اشياء خلتني اشك وغير جي صار ما يحن علي ولا يقدرني كنت بدون خدامه وعندي 4 يهال والخامس بالطريج ما امدح عمري بس الحمدلله اعرف الله وجميله والحمدلله الله عوضني بعيالي المهم ياا يوم قلت خلاص لازم اعرف الريال ليش جي رحت وفتحت فونه الا واكتشفت انه يعرف وحده مت القهرر مع العلم من عرسنا دوم اكتشف واسكت ما اخبره لانه مره واجهته قالي انتي تبين مشاكل وهذا من زمان والى اخره ماصدقته بس اضطريت اصدق وعقبه يت ربيعته لبيتي المهم وصارت مشاكل وزعلت وعقب رضاني ورديت وعقبه بسنه زخيت رقم وحده واجهته ونفس شي مشاكل وعقب هديناا شوي حملت ويبت بنت وعقبه ولد وحسيته تغير انزين من اكتشفت علاقته الاخيره مت قهرر بكيت حره ودوم افكر يتني ايام حسيت نفسي
بموت لجأت لربي واستغفرت وغيرت من نفسي واهتميت بعيالي وبشكلي وقمت اداريه المهم واايد تغير لدرجه يتم فالبيت مايطلع وايد يلبي احتياجتنا من طلعه من تمشيه بس من 3 شهور قررت ما افتح فونه وحلفت ليومكم هذا مافتحته ماريد احرق نفسي بس انا متأكده انه يكلمها اول امس تضاربنا ع سبه الفون يقولي ماشاء الله عليج ع الواتساب ورديتي لعلاقتج مع ربيعاتج لانه قبل ماكانت اجتماعيه ابد بس شوي شوي رديت لعلاقتي الاجتماعيه عشان مايصير هو محور اهتمامي المهم الحين ابا اواجهه بس مابقوله فتشت فونك هو دوم يخلي فونه مع العيال ولدي الصغير يلعب فيه بقوله قبل سمعت صوت وحده ورقمها جي وانقهرت وماعرفت شو اسوي بحلفه انه يقولي الصدق ولا اسكت شوورن علي بموت من التفكير

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ونسيت اقوولكن من كثر غيرته شل فوني وقالي ما تلمسينه بموت من هالريال شوو اسوي تعبت

__________________________________________________ __________

>>>> الرد الثاني :
ها النوعية من الريايييل ما يتغيرون بسهولة
و ترى وايديات يعانون من نفس المشكلة مب انتي إلا

- تغيرين طريقتج فووراً وماله داعي تتصلين باخوج ابدا ولو كنتي في عرس لا ترجعين خلج موجودة لين ما يمر عليج ولو محتاجة اغراض للبيت لا تتصلين في اخوج .. عادي خلي الثلاجة فاضية لين ما يحس !

- ما ابغي اخرب بيتج بس يبغي لج تكونين جادة و تهددين تهديد مباشر ان لو ما تغير ممكن تتخذين اجراء ثاني

- و الله يهديج اختي دام ريلج عيونه مفرفرة ليش تحملين و الله رزقج ب 4 .. حاولي تباعدين في الحمل عسب ترتاحين و تغيرين حياتج شوي و كثرة الابناء ما تخلي الزوج يتدبس و يلس في بيته


الحرمة الساكتة عن حقوقها ما تعيش في ها الزمن
هذا ما يعني انج تخربين بيتج و تطلقين لا بعيد الشر عنج
هاي حياتج و انتي ادرى فيها

__________________________________________________ __________

>>>> الرد الثالث :
والله كفو عليج متحمله لا بعد مستمره اتييبيله عيال هههههه عيبتيني يوم قلتي رديتي تهتمين فعمرج وفيه وقام يلبي طلباتكم ويتم فالبيت يعني الريال رد يميل صوبج ورد للاسف بالسر مب علني نفس قبل كل مره تزخينه جوفي غناتي انتي ريلج اظني عرفتيه ع قولتهم خبزتيه عدل وانتي فنفسج عارفه انه ما بيودر حركاته فطبي الموضوع وكملي حياتج لا تنبشين ولا تضاربين لانه اذا من بدايه المشكله قبل لا تزيدين العيال ما كان في فايده كيف اللحين وشكلج مالج بارض ع عوار الراس خصه عاده اذا ريلج من النوع لي يجذبج ويقول تتوهمين وانتي تبين مشاكل انتي حتى يوم شل تيلفونج ما كان في رده فعل قويه تخليه يرده لج كيف اذا بتعاتبينه ولا تقولين يغار هاي مب غيره عليج بس لانه يسوي الغلط فيخاف حد يسوي في فاهل بيته مثل ما يسوي عند الناس وهذا حرص مب غيره ومنتشر هالشي عند لي يغازلون فبلعيها والله يهديه ما تدرين يمكن فيوم وليله هالريال يتغير

__________________________________________________ __________

>>>> الرد الرابع :
حرم الحميري يوم كنت اتناقش معاه قلت له انا ساكته عشان اليهال ولا لو ابا مشاكل بروح بيت اهلي وبكمل دراستي وبشتغل بعدني صغيره المهم فالليل يقولي كلامج خطير وتغيرتي وايد شو تشتغلين وتهدين البيت قلت له لو ابا اقدر بس انا متمسكه ببيتي وعيالي لاتجلب السالفه المهم مسوي نفسه زعلان

__________________________________________________ __________

>>>> الرد الخامس :
نفس القصة تتكرر بس السيناريو مختلف للاسف الانفتاح الكبير والبرامج الي خلت الواحد ممكن يتعرف على الف وحدة في يوم وقلة الوازع الديني ومخافة الرحمن تسببت في المشاكل

انتي خلج قوية وخليه يرد فونج واهو الي يتحمل مسؤوليتج مب اهلج ولو مب قادر عاد هني انتي شو تبين فيه

خوفيه من الله وان عنده بنيه ربي يحميها لكن لازم يخاف ربه فيها سمعي مثل هالكلام صدقيني الا ما يفكر

ربي يهديه لج ولبيته