عنوان الموضوع : طريقة عمل ............... خبيصه زايد
مقدم من طرف منتديات الضمير العربي

اليوم بكتبلكم طريقة عمل خبيصة زايد لأني لاحظت البنات يسألون عنها وانشاء الله تعيبكم
نبدا على بركة الرحمن
زهبو الورقه والقلم :1 (8): ...............................مال اول ههههههههههه

المقادير :-
جيلة خبيص ( سميد )
كيس بلاليط باكستاني ( ها الي ايي رفيع )
نص جيلة شكر
نص جيله او خمس فناجين سمن عربي ( لازم عشان النكهه المميزه ماله )
جيلتين ماي
كوب ناريل ( جوز الهند ) محمص (ذهبي )
زعفران +هال +سنوت +يليان ( حسب الرغبه انا استخدمه شويه ناعم وكميه بسيطه )
الطريقه :-
اول شي تحمصين الخبيص لين يستوي لونه ذهبي ( اذا تبينها صفرا) او بني ( اذا تبينها حمرا )
بعدين تحمصين البلاليط شويه ( ما بتآخذ وقت وايد )حاسبي عن ما تحترق
بعدين خلطيهم مع بعض في طاسه وحده الي بتسوين فيها

في طاسه ثانيه فوري الماي مع السنوت والزعفران والهال والشكر طبعا
عقب حطي الخبيص والبلاليط على النار وزيدي عليها السمن العربي (البلدي) وتمي حوثي وحوثي |(خلطي ) بالملاس لين يتوزع السمن على كل الكميه :1 (85):
عقب حطي الماي بس مب مره وحده شوي شوي وانتي تحوثين مووووول لا توقفين
ممكن تخلين الشغاله تساعدج في سالفة الحواثه لأنه صدقيني ايدج بتعورج من كثر الجلاب
وبعدين ذوقي واذا كانت تبا زيادة سمن ولا شكر زيديلها حسب الرغبه ( انا ما احبها مسكره وايد بس احب طعم السمن العربي وااااايد)
بعدين شغلي الفرن وقصري عليه ودخلي الطاسه فيه شويه عشان تتسكر ( او في التنور اذا عنكن في البيت )لمدة 15 دقيقه او 10 دقايق
يوم بتين تغرفين زيدي عليها الناريل الناعم المحمص
وبالهنا والشفا
جربوها وخبروني رايكم :1 (23):

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
شو ها ؟؟؟؟؟؟
ولا تعليق
انزين كلمه ولا جبر خاطر

__________________________________________________ __________

>>>> الرد الثاني :
تسلمين اختي شكلها حلووووووووووو بس استغربت انج حاطه سنوت ويليلان يمكن حلو بجربها يوم من الايام

__________________________________________________ __________

>>>> الرد الثالث :
والله شتهيتها صدق
خلاص باجر اول ما ارجع من الدوام بجربها
تسلمين الغاليه

__________________________________________________ __________

>>>> الرد الرابع :
مشكوره فديتج ,,,

اليوم بخلي امايه اتسويلي ,,, اشتهيتها والله ,,,

__________________________________________________ __________

>>>> الرد الخامس :
:22 (13): :22 (5): :22 (23):
يعطيج العافيه
:22 (23): :22 (5): :22 (13)::1 (68):