عنوان الموضوع : زائرة تطلب منكم برنامج اسبوع ترفيهي للاطفال لمده اسبوع بدبي وسؤال عن فندق الكوف براك للسياحة
مقدم من طرف منتديات الضمير العربي

السلام عليكم ورحمة الله وبركاته

كيفكم اخواتي عساكن طيبات

اخواتي زوجي عنده دورة بدبي لمدة اسبوع

وقلت اجي معاه على اساس نغير جو لي ولولدي

الدورة بتكون الصبح يعني عقب الساعه 2 بيكون فاضي

بليز ابغي جدول ترفيهي حلو لولدي ما ابي تسوق لاني اعرف اماكن التسوق الحلوة بدبي بس ابدا ما عندي خبرة باماكن ترفيهيه لليهال الي بعمر سنتين

وفيه عندي استفسار الاسبوع بيكون بفندق حاجزته الشركة لهم يعني بدبي السكن خلاص انحجز بس انا فكرت نروح لراس الخيمة يومين لفندق الكوف روتانا

الي جربت الفندق

تفيدني

هل الفندق حلو ويستاهل الزيارة خاصة للاطفال

راس الخيمة حلوة ؟؟؟ يعني لو رحتها بنستانس

اتمنى تفيدوني

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
واي لهالدرجة الاستفسار صعب

__________________________________________________ __________

>>>> الرد الثاني :
عندج فحديقة الخور عرض للسيرك وعرض للدلافين حق اليهال حلو بالنسبه للالعاب يستانسون اليهال وايد يوم آخذهم الالعاب اللي فصحارى مول لأن الالعاب حلوه وصج مال سنتين وثلاث واربع بس الالعاب اللي فالمولات الثانيه احسها مال كبار ومايستانسون كثر صحارى وميغا مول بعد فالشارجه هذيله مال هالاعمار اممممممم بالنسبه لراس الخيمه اكيد حلوه لأن طبيعتها حلوه بس الشوارع لا ومافيها اماكن يعني بتمون فالكوف؟ انزين اما بالنسبه للاماكن الترفيهيه الحين مانفيدج بشي لان انتوا ييتوا متأخرين شوي خلصت المهرجانات... خذيهم بعد مول الامارات ودشوا مال الثلج وايد بيستانسون عليه وفدبي مول سيروا مال التزلج على الجليد وحديقة الحيوان اللي فجميرا او اللي فالعين احلى ويوم اذكر شي بقولج عليه وان شاء الله البنات مابيقصرون

__________________________________________________ __________

>>>> الرد الثالث :
انصحج بافندق العنوان The Address Hotels

قريب من مول دبي اتروحيله مشي وطبعا نصيحه ودي الاطفال كيدزانيا عالم ثاني للاطفال مدينه كامله للاطفال

وااااايد بيستانسون ورحله سعيده

__________________________________________________ __________

>>>> الرد الرابع :
بالنسبة لراس الخيمة حلوه

__________________________________________________ __________

>>>> الرد الخامس :

المشاركة الأصلية كتبت بواسطة أم زايـــــــد
عندج فحديقة الخور عرض للسيرك وعرض للدلافين حق اليهال حلو بالنسبه للالعاب يستانسون اليهال وايد يوم آخذهم الالعاب اللي فصحارى مول لأن الالعاب حلوه وصج مال سنتين وثلاث واربع بس الالعاب اللي فالمولات الثانيه احسها مال كبار ومايستانسون كثر صحارى وميغا مول بعد فالشارجه هذيله مال هالاعمار اممممممم بالنسبه لراس الخيمه اكيد حلوه لأن طبيعتها حلوه بس الشوارع لا ومافيها اماكن يعني بتمون فالكوف؟ انزين اما بالنسبه للاماكن الترفيهيه الحين مانفيدج بشي لان انتوا ييتوا متأخرين شوي خلصت المهرجانات... خذيهم بعد مول الامارات ودشوا مال الثلج وايد بيستانسون عليه وفدبي مول سيروا مال التزلج على الجليد وحديقة الحيوان اللي فجميرا او اللي فالعين احلى ويوم اذكر شي بقولج عليه وان شاء الله البنات مابيقصرون




فديييتج والله كثييييييير استانست بردج يالغلا

ما قصرتي والله

ربي يونس قلوب عيالج دوم يا رب

ما ادري كيف اشكرك

جزاك المولى كل خير وربي ييسر ولادتك ويجعل ذريتك من الصالحين يا رب افدتيني جداااا