عنوان الموضوع : في خفوقي لك حكايه قصيدة خليجي
مقدم من طرف منتديات الضمير العربي
فى خفوقى لك حكايه ضمها كتاب المشاعر..
وفى عيونى لك مدينه ياحلوها من مدينه ::
انت لوتامرعلى روحى من غلاتك بس تامر ..
فدوة روحى من غلاتك والله ماهى بالثمينه ::
شفت وش قد غالى ولاعندى شى اخر..
كل هالعالم بدونك اشبه بدمعه حزينه ::
احنا قصتنا قديمه وحبنا صادق وطاهر ..
انقى من حبه رذاذ فوق خد الياسمينه ::
احنا لونكتب عشقنا ضاقت اوراق الدفاتر ..
وان كتبنا شى تبقى اغلب كنوزه دفينه ::
انت تبحر فى عيونى وانا فى عيونك اسافر ..
فوق غيمه من محبه لاشراع ولاسفينه ::
جيت لك كلى وضوح بلا قناع ولامظاهر ..
وجيتنى من طيب اصلك لا غرور ولا ضغينه ::
تذكر بأول لقانا كيف خانتنا الحناجر ..
والحكى عيا وحروفه فى خناجرنا سجينه ::
وكانت عيونك مرايا بعثرت اوراق شاعر ..
وكنت اقرا فى عيونك رعشه الشوق وحنينه ::
كانت الفرصه دقايق عشتها مثل المغامر ..
مرنى فصل العواصف والهدواه والسكينه ::
تصدق انى من بعدها صارت ضلوعى منابر ..
كم تعلاها خفوقى يشجب البعد ويدينه ::
بصراحه فى غيابك تنغلق كل المعابر ..
كل هالدنيا بدونك تنقلب صحراء وشينه ::
افتدى نظره عيونك واشتريها بألف خاطر ..
ومن غلاتك بس عندى عينى صارت لك مدينه ::
اسطر اعجبتني فأحببت نقلها لكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يسلمو يالغلا كلمات تسللت لقلبي بكل سهوله الله يعطيك القوة والله يديمك
__________________________________________________ __________
>>>> الرد الثاني :
عزيزتي مجنووونة خالد
اسعدني مرورك العاطر
الله يسلم قلبك ويديمك لاحبابك
__________________________________________________ __________
>>>> الرد الثالث :
قصيدة رائعه يعطيكي الف عافيه ع النقل الرائع
__________________________________________________ __________
>>>> الرد الرابع :
اميرة روحي
يعافي قلبك
شاكرة لك مرورك العاطر
__________________________________________________ __________
>>>> الرد الخامس :
صح لسان الشاعر
قصيدة جميلة
يسلمووو على الطرح
الله يعطيج الف عافيه
تحيتي لكم