عنوان الموضوع : تجربتي المريرة مع ضرتي ............
مقدم من طرف منتديات الضمير العربي



هلا خواتي :


انا الزوجة الثانية وزوجي وزوجته الاولى وعياله في بيت اهله

انا معودة نفسي من تزوجت بزوجي انه مالي شغل بزوجته لا أفكر ولاصدع راسي فيها
مع اني اسمع كلام وااايد من ناس اهي شو تقول فيني ومع هذا امدحها جدام الكل واللي فالقلب فالقلب ماطلعه الا عند امي وخواتي دايما ينصحوني ويهدوني لانه كلامها الله يهديها كله غيرة وكره
وحتى جدام زوجي ماأطريها الا بكل خير هي وعيالها ودايما أعطيها الاعذار وقول مالومها لو غارت
بس والله ماتلاقي مثلي محترمتها لأخر حد عمري ماغلطت عليها .......
اهي جالسة في بيت اهل زوجي ولازم ازورهم لانه ام زوجي هناك والله انها طيبة وااااايد وتحترمني
واهديها من فترة لفترة وإذا ييت لهم لازم اسوي أي طبق حلو ولا مالح ...
وزوجي الحمد الله راضي عني ومقدرني

وضرتي يامه احرجتني بقصصها اللي تقصدني فيها وامشي لها والله اني كذا مرة تحرجني بكلامها
واطنش ولا أرد اللي مصبرني عليها اهي طيبة زوجي ومعاملته لي ............
زوجي طيب وايد وعلى نياته مايعرف بسوالفها وحركاتها اهو نقطة ضعفه اعيالها وااايد متعلق فيهم وانا احب عياله لانهم عيال زوجي وحبيبي ....وصابر عليها عشان عياله

ضرتي بس تغيرت معاملتها للأحسن من تزوج ماكانت تحترم اهله بس من تزوج صارت تتقرب لهم اكثر ويكثر حركات النفاق اللي تسويها يوم اكون عندهم.......الكل يطالعها وفيه ضحكة من اسلوبها كيف كانت والحين كيف ...
امي دايماً تقولي صبري عليها اهي تشوف الكل يمدحني ومعاملتي مع الكل الحمد الله لانفاق ولاكذب اعامل الناس بطيبة ... وتحب تحرجني بالعيال لاني انا لين الحين الله مارزقني منه بالعيال تفكرني بغار ماتدري انه الرزق والعيال من عند رب العالمين الله يهديها .... اتفكر انه نقطة ضعفي العيال

بيني وبين نفسي مرات اصيح وادعي يارب تصبرني وتقويني ...


والله اني الحين اكتب ودموعي خلاص أحاول اخفي ضعفي بس واشغل وقتي .............

مادري اغير اسلوبي معاها ولا كيف ؟؟؟؟؟؟؟؟؟؟؟؟


ادعولي بالصبر وبالذرية الصالحه اللهم امين .........

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يرزقج بالذريه الصالحه

__________________________________________________ __________

>>>> الرد الثاني :
ما شاء الله عليج

الله يثبتج باللي انتي فيه....

صراحه ما شاء الله عليج عيبتيني والله بتصرفاتج

الله يصبرج ويرزقج بالذريه الصالحه واعرفي ان ما ياج النقدمنها الا لانها تشوفج الاحسن والافظل وارفعي راسج دايم ولا تحطي فبالج اي شي الا ريلج وانتي ما تبين تخسرينه

الله يقويج

__________________________________________________ __________

>>>> الرد الثالث :
الله يصبرج عليها ويشغلها بنفسها افضل لها من المشاكل

24 ساعة الله يهديها بدل ماتشكر ربها انه انعم عليها ورزقها بعيال

قاعدة تتشمت بخلق الله ماعندهم لاتهتمي لكلامها طنشيها بتحترق

الله يرزقج بالذرية الصالحة عاجلا غير آجلا

__________________________________________________ __________

>>>> الرد الرابع :
لا حول ولا قوة إلا بالله

لي عودة ان شاء الله

__________________________________________________ __________

>>>> الرد الخامس :
الله يكون في عونج ويصبرج

بس ترا أنتي تزوجيت ريال وتعرفين إن عنده زوجة وعيال فلازم تتحملين اللي بيصير وتوقعي أي شي

بس لازم تكونين أقوى من جي