عنوان الموضوع : .: ×܍ موضوع هام / نظـــــافة المنطقة الحساسة للبنات والمتزوجات / ادخلي ضروري ܍×:. للصحة
مقدم من طرف منتديات الضمير العربي

ها الموضوع عجيب وايد وايد فادني ..

و للأمانه أقتسبت كلام الأخت عذاري ..



المشاركة الأصلية كتبت بواسطة +[ عذاري ]+
[align=center]










شحالكم بنااااات ؟؟


اليوم بكتب لكمــــ موضوع أنـــــــا جربته شخصيـــــاً ، بعد ما أخذت الفائــــــــدة من خوات بمنتديـــــــــات ثانيــــة

وقـــــــلت أفيـــــدكم مثل مـــــــــا أنـــــا استفدت الحمدللــــــــه






الموضوع يمكن تحسونه محرج شوي


بس نحن ما بندخل في مواضيع محرجة


نحن بنتكلم عن أمور هامة للبنت والمتزوجة معاً


موضوعنا خاص بنظافة المنطقة الحساسة

وهالموضوع كثيرات منا ينحرجون انهم يكلمون خواتهم أو امهاتهم فيه


ونحن هنا بنفيد بعض وبننصح بعض ان شاء الله



وأمــــــــانة اللي تستفــــــــيد من موضوعي
تدعيـــــــــلي إنـــــي أتوظـــــــــــف و الله يرزقـــــني بالزوج الصــــــــالح


* * * * * * * *

أول نقطة بكلمكم عنها هي



** 1 **


إزالــــــــــة الشعر من المنطقة الحساسة


وتراه موضوع وايد مهم


وبصراحه استغرب من أنه في بنات ما يشيلون الشعر بشكل كامل إلا قبل ما يتزوجون

زين ما تفكرون يا بنات ان وجود الشعر في منطقه مغلقة وما فيها تهوية شو ممكن يسوي ؟؟؟؟؟؟؟


اتخيلوا معاي ما يلي /////


شعر + رطوبة + حر + افرازات = عفن الله يكرمكم !!!!!!! II:


لهالسبب خلونا نتفق إننا نتبع السنة المطهرة ونشيل الشعر من المنطقة بعد كل غسل من الدوره الشهريه

والله يا بنات راح تحسون بعد كم شهر إن الموضوع صار سهل وعادي ورئيسي بالنسبة لكم

وبالنسبة للي يعانون من الألم أو ما يعرفون يشيلون ..~~~


نصيحتي لكم ////////

1- لا تشيلين الشعر بالموس ، لأنه بيكثف الشعر وبيصير موضوع انج تشيل بحلاوه امر فظيع ومتعب

2- استخدمي الحلاوه ( السكر او الشمع البعض يسمونه )

هو صحيح متعب ، لكن مع الممارسه والله يروح التعب ، ولا تصدقون اللي تقول ان الحلاوه ترهل

لا

الحلاوه تنظف الجلد اكثر من الموس

وتشيل الجلد الميت وتجدد البشره


طيب كيف نشيل ؟؟؟

لو كانت هذي المره الأولى اللي بتشيلين فيها بالحلاوه

لا تتوقعين راح تقدين تشيلينها في يوم واحد !!!! لا

ممكن تاخذ معاج يومين او ثلاثه حسب تحملج للالم

بس مو مشكله ، المهم نتعود وصدقوني بعد 3 أو 4 محاولات راح تصيرين تشيلين بنص ساعة بس واضمن لكم هالشي

والاهم عند النتف *** خذي قطعة صغيره من الحلاوة بين اطراف اصابعك الاول والثاني ( الابهام والسبابة ) وانتفي كل 3 أو 4 شعرات في كل مرة لتخفيف الألم

وبالتعويد راح تصير المسأله سهلة وسريعة

بالاول ابدي من فوق وشيلي منطقة العانة

والاماكن العميقة تحت شيلي بالاتجاه من تحت الى فوق وبيكون الالم اخف ، واسمحولي ما اقدر اوضح اكثر

بس يا رب اكون وصلت المعلومه وافدتكم *)

-----------------------------------------

بعــــــــــد إزالــــــــــة الشعر من المنطقة الحساسة


الآن صارت المنطقة خالية من الشعر بشكل كامل الحمد لله

بس انتبهوا


المسامات مفتوحه والفرصة صارت كبيره لاقتحام البكتيريا لها !! Q/


وأكيد كثيرات منكم لاحظوا إنه بعد ما يشلون المنطقة بالحلاوه تطلع لهم حبوب حمرا وبيضا صغيرة بس كثيره

ويكون شكلها غير محبب ""/


إذن الخطوه الان اننا نطــــــــــــــهر المنطقة

ونخلصها من الرائحه خصوصا بعد الدوره الشهريــــــة


عندنا أمرين مهمين للتطهير والتعطير ////////


** 1 **

المســـــــــــــك

والمسك سنة من الرسول عليه الصلاة والسلام

( واللي تبي طريقه التطهر بالمسك تقولي وبحط لها الطريقة )


** 2 **

استخدام غسول مطهر

وهذا أفضل غسول مطهر ، وأنا جربته شخصيــــــــــاً

[img]https://www.uniphar****sy.com/PIC_UNIPHARMA_PRO/pic056.jpg[/img]

إسمه Cyteal

وهو مناسب للمتزوجات والبنات

وهو متوفر بالصيدلية وسعره 22 درهم فقط !!!!

وحتى الطبيبات بنصحون فيه

وريحته حلووووووه

وطريقته كما يلي :

( هاتي كوب بلاستيك وصبي مقدار غطاء من الغسول ، وبنفس الغطاء صبي مقدار 10 أغطية ماء دافي على الغسول **لازم نخففه ،، انتبهي مو تستخدمينه بدون تخفيف ** )

واغسلي به المنطقة

( البنات انتبهوا بس اغسلوا من بره ، يعني غسول خارجي بس )

وبعدين اغتسلي بماء نظيف حتى يروح كل أثر الغسول

وأضمن لكم يا بنات

والله من استخدمه والحمــــدلله (( ما شـــــــاء الله )) صارت ما تطلع لي حبوب بعد النتف

وتبقى المنطقة صافية ونظيفة

وللعلم الغسول هو غسول مطهر ضد البكتيريا

لأن البكتيريا هي سبب الحبوب ـ2


وهــــــــــــــام جداً


لا تستخدمين الغسول كل يوم

استخدميه مرتين أو ثلاث بالأسبوع فقط مو أكثر




-----------------------------------------

بعــــــــــد غسل المنطقة

الآن جففي المنطقة بشكل تااااااااااام

والجفاف مهم جدا بعد كل استخدام لدوره المياه الله يعزكم

يعني كل مرة تدخلين الحمام لازم تجففين المنطقة بكلينكس نظيف ، وتمسحين من فوق لتحت مهم مو من تحت لفوق حتى ما تنقلين البكتيريا

وبعد التجفيف البسي ملابس داخلية قطنيــــــــــة

مو نايلون أو ما شابه

وأفضل تلبسين شورت قطني

وربي يمتص العرق والرطوبة ويحسسج بنظافة مو طبيعية

وهــــــــــام جداً تغيرين الأندرويير كل يوم ولو قدرتي مرتين باليوم بعد ممتاااااااااااز





وبعد هذا كلـــــــه أضمن لج منطقة نظيفة بدون رائحة أو التهابات او حبوب او حكه

وبالنسبة للي يعانون من افرازات او التهابات

انصحكم يا بنات تروحون لطبيبة

والله حرااااااااام تهملون انفسكم ـ2

انا اعرف وحده كانت تعاني من التهابات وافرازات وما كانت تتعالج

مسكينة الحين متزوجة من اكثر من 4 سنين وما يابت يهال

الله يرزقها بالذرية الصالحة يا رب

ترى والله الالتهاب مصييييييييييييبه ""/



وخلاص خلص موضوعى وايدي عورتني والله كخكخكخ


بس المهم اني افدتكم واللي عندها سؤال انا حاااااااااااضره


وعاد لا تنسون تدعوووووووووووون لي الله يخليكم


/
\
/
\
/
\
/
\







[/align]





و هاي طريقه المسك ..



المشاركة الأصلية كتبت بواسطة +[ عذاري ]+
[align=center]









مرررررررررررحبــا ملايــــــــين


مشكــــــــــــورات علـــــى التفـــــــــاعل


وهذي طريـــــــــقة عمـــل المســـــــــك للمنطقة الحســــــــاسة


وللأمانة إنها منقولة من ( بنـــــــت زايــــــــــــد ) فديتها تعبـــــت في الشرح


------------------------

طبعاً المسك واستخدامه أوصى به الرسول صلى الله عليه وسلم

عن عائشة -رضي الله عنها - أن أسماء سألت النبي - صلى الله عليه وسلم - عن غُسل المَحِيض؟ فقال: "تأخُذُ إِحدَاكُنَّ مَاءَها وسِدرتها فَتَطَهَّر، فتُحسِن الطُّهور، ثُمَّ تَصُبُّ عَلى رَأسِها فَتَدلُكُه دَلكاَ شديداً، حتَّى تَبلغ شُؤون رأسِها، ثم تصُبُّ عليها الماء، ثمَّ تأخُذُ فِرصة مُمَسَّكة فَتَطهَّر بِها" فقالت أَسمَاءُ: وكَيف تطهَّرُ بِها؟ فقال: "سبحان الله، تطهَرين بِها" فقالت عائشة (كأنَّها تُخفي ذلك): تَتَبَّعِين أثرَ الدَّم.


نبدأ بخطوات عمل المسك :

بنات خلوا كل شي تستعملونه نظيف الان هالخلطه بنستخدمها لمنطقه حساسه في الجسم

و هذي الاغراض الطلوبه





مسك عبد الصمد القرشي
ماء ورد
ماء معدني
علبه ذات غطاء محكم ( نفضل زجاجي )




اولا: سيري عند عبد الصمد القرشي وقوليله ابا مسك الحجر ((الحبه 10 دراهم)) ريحته جنان......





ثانيا: خذي نص قطعة المسك و لفيها بنايلون عشان النظافه و ما تتوصخ





اطحني نص حبه المسك بس مب اتخلينها بودره لا

جي لازم يكون شكلها





يعني فيها كسر

ثالثا: بعدين اني لماي الورد و الماي المعدني

((..انا استعمل مسافي))

و هذا مقدار كل واحد منه *ماي الورد و الماي المعدني *






و ايصير اتزيدين على حسب حجم الغرشه مب شرط تتقيدون بالكميات

وحطي المسك و الماي الورد و الماي المعدني مع بعض في طاسه قابله للقفل ((يعني ام غطاه))...........





وبعدين رجي الطاسه عدل لين ما تتخلط المحتويات((طبعا المسك ما راح يذوب))





او بها الشكل بعد








رابعا: هذي انواع القطن الي نستخدمه





طبعا القطعه تكون نظيفه

القطن البيضاوي هذا بس اتغطينه عادي

و قطعه قطن الدائري هذي تجسفينها((يعني تطلع عندج نصف دائره))

مثل ما واضح في الصوره





وتغطسينها في الخلطه وتمسحين بها المنطقه من فوق لين تحت و الخلف بعد...

للمتزوجات لازم ادخلين القطنه داخل0 ... وراح اتشوفين انه في وصخ يطلع ((هذا دليل النظافه))
والبنات بس من برع.

((يجب مراعات النطافه التامه يا بنات ... يعني لا تغطسين القطنه اكثر من مره عشان ما تنتقل الجراثيم في العلبه))

وتستمرين بها الطريقه

بعد ما تخلصين من الدوره ولمده 3 ايام متتاليه

و اذا كنت حابه بعد الاستحمام و وقت الحاجه طبعا

وشوفي النظافه والريحه الحلوه ((حتى الريحه تعلق في ملابسج الداخليه))

و انسي شي اسمه التهابات او حساسيه و افرازات و روائح كريهه...

انا انصحكم بمسك عبد الصمد القرشي عشان هو الاصلي و يكون معقم ولاتستعملون شي ثاني




يالله ادعولي وادعوا لها

/
\
/
\
/
\
/
\






[/align]





كل الشكر للأخت اللي كتبت الموضوع ..!!

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
جزاكم الله كل خير على الموضوع المفييييييييييييييييييييييييييييييييييييييييد والله يجعله في ميزان حسناتكم والله يرزقكم بلي فبالكم يا الله يارحمان يارحيم...

__________________________________________________ __________

>>>> الرد الثاني :
مشكووووووووووووووره

__________________________________________________ __________

>>>> الرد الثالث :
مشكوووووووووووووووورة حبيبتي على المعلومات الحلوة وإللي تستفيد منها البنات عندنا في المنتدى..:22 (14):

__________________________________________________ __________

>>>> الرد الرابع :
السلام عليكم الله يوفقها يارب ... ما قصرت الاخت,,

__________________________________________________ __________

>>>> الرد الخامس :
يعطيك العافية اختي بس شو عن الحبوب الي دايما تظهر بعد الحلاوة شنها حبوب تحت الجلد ومهما ما اسوي مافي فايدة وعن سواد المنطقة الحساسة شو انسوي وبعد هل في عطور وروائح خاصة لها المنطقة.