عنوان الموضوع : مركز اقرأ لتحفيظ القرآن الكريم تعليم الامارات
مقدم من طرف منتديات الضمير العربي
السلام عليكم ورحمه الله وبركاته
شحالكن خواتي ....
طبعا بما ان الصيف جرب فكل وحده تفكر ادخل عيالها مركز صيفي يقضي فيه وقت الفراغ ونفس الوقت يستفيد منه ..
اليوم اتصلت بمركز أقرأ لتحفيظ القرآن الكريم
وسألتهم عن دورات الصيف
اول شي اشكر اللي ردت على التلفون لان اسلوبها وايد حلو وراقي ..
فبعد السلام سالتها عن الدوره فقالت:
ان الدوره ان شاء الله بتبدأ 15 - 6
وهي للاولاد من عمر 4 الي 8 سنين
اما البنات من عمر 4 وما فوق
ويكون من 3 ايام فالاسبوع للاولاد و3 ايام للبنات
والدوام صباحي من 9 الين 12 وطبعا بينهم بريك (استراحه )
والرسوم 200 درهم فقط
فحابه اعرف اذا حد مسجل عياله فالمركز ؟؟ شو رايكم فيه
وبصراحه انا من رايي انسجل عيالنا فتحفيظ القران احسن من شي ثاني ..
لان هذا اساس الحياه .. والقران صلاح للدنيا والاخرة
شو رايكن خواتي ؟؟؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
زين تسوين الغاليه تستغلين وقت اليهال بتحفيض القرآن
انا ما جربتهم لكن جربت نادي سيدات الشارقه.
بس ممكن اعرف المركز هذا في اي امارة؟
__________________________________________________ __________
>>>> الرد الثاني :
في اي مكان
فيه في العين؟؟؟؟
__________________________________________________ __________
>>>> الرد الثالث :
هلا اختي طيبه الكويتيه
اول شي اشكرج على الرد
والمركز في الشارجه وبالتحديد فمنطقه الغافيه
اختي طيبه اباج اتخبريني عن تحفيظ القران في نادي سيدات الشارقه
لاني فتحت موقعهم وما شفت شي عن تحفيظ القرآن
ويزاج الله خير ...
__________________________________________________ __________
>>>> الرد الرابع :
لا اختي اريج الشوق
هذا المركز فالشارجه
اذا تبين فالعين .. انا بدور لج وبرد عليج ...
__________________________________________________ __________
>>>> الرد الخامس :
والله زين تسوين...
و الله يكثر من الأمهات الي أمثالج...
بصراحة أنا ما مجربة مركز اقرأ بس مجربة مركز خديجة في الشارقة خلف مسجد البراء بن عازب... صراحة وااااااااااااااااااااايد أوكي... و فعلا الي يروح واااااااااايد يستفيد...
و هو مركز خيري ما ياخذون و لاشي و عندهم باص بعد...
و إذا حابين تستفسرون عن المركز و لا تبون رقمه... حااااااااااااضرين... بس تواصلوا معاي ع الخاص
رد مع اقتباس
