عنوان الموضوع : .:, حلــــــى سهـــــــل واأأيد من ايــــــــديــــن ام حمـــداني دآآآني دآآني .:, المطبخ الاماراتي
مقدم من طرف منتديات الضمير العربي

مرحب

ازيكوم؟

سوري ع كلمه داني داني في العنوان خخ لان ولد اختي كله يقوله جيه

حمداني داني داني ... فديته

اوني عاد مستويه ربه بيت بس والله غير صالحه ههههههه

اليوم متفيجه >مب كانه عندها نونو خخخ خليته ويى عموه وحميتي

خلوني اتفرغ كنت ظايجه داخليا فحدرت المطبخ

يعني الواحد لو يباني ادش المطبخ لازم يظيج بي من داخل خخخ

وطلعت وانا ارتحت شوي

><

المهم هالحلى سهل سخيف واااايد حلو واكيد في منكم من يعرفه


المهم نبدا بالمقادير


المقادير :



/ حليب نستله..

1 /زبده

2/ بسكويت شاي

نوتيلا سائل




,,

اي بسكوت جاي.. سواء من اولكر او غيره المهم بسكوت.. اانا بسكوت الجاي ماصورته

دوم اصور كل شي بس احين صورت الحلى ع نهايته


تقدرون تستخدمون هاللي بالصوره





للأمانه هب من تصويري هالصوره ..


الطريقه:

نطحن البسكوت ناعم انا دقيته بالهاون ثم خليته في ماكينه طحن القهوه

خلاف يبت علبه نستله .. وسخنت الزبده بالميكرويف... وانا حطيت ازيد

من هالزبده بشوي ع كيفي خخخ ,, وخلطتهم ويى بعض...

وسويته عجينه

وبسطه , حطي المنيوم تحت ودهني شوي زيت عسب ماتلصق العجينه

بالالمنيوم



للأمانه : هالصوره هب من تصويري

انا قسمت العجينه نصين .. يعني عجينتين..


المهم يبت نوتيلا انا ( والبنت اللي ماخذه منها الطريقه مسويه جلاكسي وكل واحد حر)

حطيته ع العجيينه ..دخلته الفريزر



للأمانه: الصوره مب من تصويري..

ونحطها بالفريزر.. ونطلعها من بعد مايجمد الكاكاو ع العجينه

ونلفها



للامانه: هب من تصويري

ومن بعد مانلفها ندخلها الفريزر..انا دخلتها وبعدين رديتها الثلاجه




للامانه: هب من تصويري


,

وطلعيها وقت التقديم.. وشلي القصدير عنها.. وقطعيها



وهاي النتيجه النهائيه من تصويري





والسموحه ع رداءه التصوير مال سرعه

عقبال ماحطي لكم غوزي خخخ

مراحب

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
يم يم يم تسلم هالايادي و الله ما شا الله كشخه

روووووووووعة ^^

__________________________________________________ __________

>>>> الرد الثاني :
تسلم الأيادي أم حمداني

__________________________________________________ __________

>>>> الرد الثالث :
يمي يمي جني الا اشتيتهااا

__________________________________________________ __________

>>>> الرد الرابع :
ما شاء الله

سويت لذيذ احسه سهل


مشكوره عليه

__________________________________________________ __________

>>>> الرد الخامس :
رووووعه انا مجربتنها