عنوان الموضوع : يا خبيرات تركيــــــــــــــــــــــــــــــا التدريس الاماراتي
مقدم من طرف منتديات الضمير العربي

ان شاء الله هالصيف قررنا نسافر تركيا لمدة 11 يوم... بس لين الحين ماحجزنا الفنادق... بغيت اعرف شو احسن الفنادقاو الشقق في هالمناطق؟؟ ويستوي احجز عن طريق النت؟ لاني ابا احجز كل شي من هني وبعدين اسافر عشان مانتلعوز هناك خاصة ان عندنا يهااال..*_*

السعر مايهمني المهم عندي الفندق يكون نظيف ويكون فيه مكيـــــــــــــــــــــــف ويكون قريب من الاحداث والفعاليات يعني مايكوون بعيد عن المدينة وعادي اسكن في شقة مفروشه

1-اسطانبول
2- يلوا
3- بورصه
نبا نتم فترة في الشمال التركي... ابا فنادق او شقق فندقية في هالمناطق
1- اوزنجول
وبغيت اعرف هالمناطق تستاهل نبات فيها ولا؟
ايدر - متشكا - مرتفعات سلطان..

وبالنسبة للشمال التركي اذا في مناطق ثانيه حلوه تستاهل نزورها ياريت لو تكتبوولي اسامي هالمناطق ... عشان ارتب الجدول

وبالنسبة للقطار اللي في تركيا اقدر اسير بالقطار للشمال؟؟ ومنو جربت تركب قطارهم؟؟
والسموووووووووحة...

واذا عندكم اي نصايح ثانية ياريت ماتبخلوون عليه...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
والله انا سرت اسطنبول اسبوع بس كاان للبزنس .. فما اقدر افيدج ما سحت منااك.. انشالله البنات يفيدونج
بس البلد واااايد حلوه.. ودري بالج من البنات التركيات واايد غاويااات خلي عينج على ريلج واكشخي لووووووول

__________________________________________________ __________

>>>> الرد الثاني :

الغالية شوفي هالروابط وإن شاء الله تحصلين اجوبة على استفساراتج

https://www.uaewomen.net/showthread.php?t=222431

https://www.uaewomen.net/showthread.php?t=260225


موفقة إن شاء الله

__________________________________________________ __________

>>>> الرد الثالث :
أغلب أسئلتج عن السكن
في اسطنبول : عليج يالفنادق اللي في شارع تقسيم ... و بعد كروان بلازا يقولون حلو
في بورصة : في فندق في منطقة جبلية واااايد حلوة اسمها يولودج
في يلوا ما في فنادق حلوة ، إذا تبين أسم و رقم شخص ممكن يوفرلج سكن مناسب ، أو تسكنين في ترمال تبعد عن يلوا 20 دقيقة ، بس فها واااااااااااااايد عرب .... فيها الحمامات و المسابح مالت المياه الحارة ..
أي استفسار أنا جاهزة وسيرة موفقه

__________________________________________________ __________

>>>> الرد الرابع :
ربي يوفقج يالغاليه

__________________________________________________ __________

>>>> الرد الخامس :
بتعبكم ويااايه شوي *_-

ممكن وحده من العضوات تتكرم عليه وتسويلي جدول او برنامج لتركيا... يعني تقولي وين اسير وكم ليله ابات في كل منطقة وفي اي فندق ابات... لاني اول مره اسير تركيا... وانا زرت كل المواضييييييييييييييييييييع اللي عن تركيا في المنتدى بس صعب اني اقرر