عنوان الموضوع : اللي يسافرون بدون اطفال يدخلون تعليم الامارات
مقدم من طرف منتديات الضمير العربي
بنات انا انشاء الله بنسافر ايطاليا وسويسرا هذي السنه وبنتنقل بين مدنها 19 يوم فقط
المشكله زوجي رافض اخذ بنتي عمرها الحين سنه و 11 شهر يقول صعبه وبتعذبنا في اكلها وتغيرها وشيلها لانا من النوع اللي نمشي كثير وقومة الصبح وبنتي من النوع الخواف لمانروح مكان تخاف شوي وتتعلق فينا ويقول بتخلينا نترك التنقل بسبتها
وانا قلبي مو مطاوعني اخليها عند اهلي مع شغالتها وهي فاهمه عليها ومتعوده تكون معها بس الحين تفهم وصايره تحضني وتسوي حركات تخليني اهون ما اخليها
ودي اقول لزوجي يكنسل السفر ودي اصيح عشانها
وش رايكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
حاسه فيج اختي ... صعب تخلينها و هي توها نونو الله يحفظها بس اذا صمم زوجج .. خليها عند امج مثلا او خالتج او وحده من خواتج .. المهم حد ثقه و قريب منكم وايد ... بس نصيحة لا تتركينها ويا شغاله بس ... الله يخليج ...
و الله يحفظكم و يحفظها يارب .
__________________________________________________ __________
>>>> الرد الثاني :
اكيد عند امي بس بحطها هي ويا الشغاله (الشغاله حبوبه معها وتعرف لها وهي اصلا تهتم فيها تاكلها وتغير لها ملابسها وتسكت معها بنتي بس طبعا الام غير ) وخواتي مو مخلينها بياخذونها مع عيالهم يمشونها تغير جو بس من جد بنتي ماخذه عقلي والله اني كاره السفره بسبتها اخاف تفقدني ويضيق صدرها وتتاثر نفسيتها هذا اكثر شي هامني
ابي اشوف اللي جربو يتركون عيالهم هالمده كيف صار عليهم عادي
__________________________________________________ __________
>>>> الرد الثالث :
صح انها بتفقدج بس ممكن يلهونها هي لكن انتي الله يعينج على فراقها
لاني اتذكر يوم كان ولدي عمره 11 شهر خليته و رحت ويا زوجي دورة الاردن اسبوع ... كل ليله اصيح دموع اتذكره لانه متعود ينام بحضني فديته ... بس الحمدلله عدت على خير ..
وانتي بعد توكلي على ربج مادام انج متطمنه عليها روحي و استانسي ويا زوجج و ان شاءالله بتعوضينها يوم بترجعين بالسلامه ..
::
__________________________________________________ __________
>>>> الرد الرابع :
الغاليه شوفي انتي تقدرين تستحملين انج تغسلينها وانتظفينها وتهتمين فيها من دوون مساعده زوجج ؟؟؟ اذا هيه اقترحي عليه اقترااح انج انتي اللي بتسوين كل هذا اذا شليتيها ... ولازم اتكونين عند كلامج .. لان صدقيني اذا سافرتي وانتي مب مقتنعه وخليتيها بتمين طوول الوقت هناااك اتفكرين فهيا ومابتهنالج السفره
__________________________________________________ __________
>>>> الرد الخامس :
حبيبتي من وجهة نظري إذا تنقلاتكم وايد خليها عند أهلج أحسن لا انتوا تتعذبون ولا هي
وااااايد صعب تاخذيها معج وهي في هالسن...
وشي ثاني هي الحين مش متعلقة وايد فيج يعني مابتسال عنج وين...بالأخص لو كانت متعودة على والدتج
لو كانت أكبر أكيد بقولج أخذيها..
لكن في هالحالة مع أهلج أريح للجميع..
بس شي واحد ....لو انتي من النوع اللي يفكر وايد وبتيلسين تفكرين وتصيحين وانتي هناك....أقولج من الحين وديها معاج
الهدف من الرحلة ان انتي تغيرين جو وترتاحين...وماتشغلين بالج بشي
إلا إذا قللتوا تنقلاتكم وعدلتوا الرحلة بحيث تناسبها...
والأفضل لو انتي مترددة والموضوع شاغلج ...تصلين استخارة وتشوفين شو اللي ربج يختار لج
.
.
.
موفقة حبيبتي
رد مع اقتباس
