عنوان الموضوع : خدامتي يا ناس ساعدوني تعبت خلاص !!! اعمال منزلية
مقدم من طرف منتديات الضمير العربي

ما ادري وين أطرح موضوعي فقلت ابي أحد أسأله عن هاي الحاله

الله يسلمكم يبت خدامه من حوالي 8 شهور زينه و كل شي فيها زين و مطيعه لله الحمد
لكن عندها مشكله بستركب السياره ساعات نسير مكان
يصير عندها لوعه و يدور راسها و تبغي ترجع ؟؟

فقلت ليش تييج هاي الحاله فقالت مره في بلادها تعرضت لموقف أنها كانت راكبه سياره و سوو حادث و صارت عندهم حالة دهس و من شافت الدم صارت عندها هاي الحاله

فقلت هل في علاج او دوا ممكن أنها تاخذه و تصير زينه من هاي الحاله ؟؟
يا ريت يا بنات تخبروني عن حالتها ؟؟

لأنه كل مره نطلع لزم تصير معاها هاي الحاله و تم يومين مريضه ؟؟
فقلت انا تعبت من هاي الحاله؟؟

فقلت يا ربي مادري أسفرها و لا تم عندي


قلت ما يصير جذي وما أقدر اخليها في البيت بروحها و اطلع !!!



يا ريت تساعدوني

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حبيبتي كل كل كل كل البشاكير لاااااااااااااااااااازم عند الخطوط ولا فالسياره يرجعون بس في بشاكير يستحملون و في لا يعني انا مالي اذا طول اليوم فالسياره ما تسحمل لاااااازم نص اليوم الثاني اتشوط ترقد و ترتاح من الزواع عزج الله من هاك اليوم لااااااااااازم يدوخن و يرجعن عاااااااااااااادي فديتج.. لانهن هب متعودات على السياسيير حياتهم بريه مشي و تعب مب متعودين.. اصبري عليها بس قوليلها يوم بنظهر يعني لا اتمصخينها اتميين يومين لا حد لين اليوم الثاني كمن ساعه و بس..يعني خليها ترتاح اشوي

__________________________________________________ __________

>>>> الرد الثاني :
انا مااااااااااا اشل الشغااالات وياااااي فاكه عمري


اربطيلها سنوت في طرف وقايتها مثل العيااااايز خخخخ وخليها اتشمشم عن اللوعه والدوخه

__________________________________________________ __________

>>>> الرد الثالث :
بس خبروني بنات في المنتدى الله يجازيهم خير عن حبوب في الصيدليه
واتصلت في الصيدليه و خبرتهم عن الحاله و قالو لي عادي هاي حله نفسيه في دوا و عادي تاخذي من دون أستشارة الدكتو كلمت الصيدلاني و قالي من تاخذ هاي الحبوب بعد فتره تختفي الحاله عنها

و قلت العصر بخلي ريلي يمر الصيدليه و ياخذ لها

__________________________________________________ __________

>>>> الرد الرابع :
الله يعينج .....هالحاله مارين فيها ظهريها معاج كل يوووم وبتتعوود ..شراتنا للي كانت عندنا جي تتعب ونحن نقولها ماعلييه بس هب تريح يومين حشى ....

واليوم العقب بتقوول تعبانه ظهريها اياج وبعد اسبوع بتحس عاادي

الله يعيينج ^^

__________________________________________________ __________

>>>> الرد الخامس :
اول مره اسمع بهالحاله


الله يعينج اختي