عنوان الموضوع : ام ريلي ....شو الحل ؟؟؟؟؟ لتربية الطفل
مقدم من طرف منتديات الضمير العربي

السلام عليكم
بنات انا امعرسه من سنتين
و عندي ولد و بنت
و اعيش في بت اهل ريلي
يعني عندي بس غرفه و حمام



المشكله انه ام ريلي ما اعرف ليش كله تضارب وياي و ويا رلي على اي شي تافه
مثلا بقولكم كم من مثال ..و بعض الموااقف وياها
و انا في كا هالموافق ما اقوول و لا كلمه و بالعكس اسير استسمح منها و ابوسها على راسها ..



الموقف الاول :
هالموقف صار في سنه 2017
تةني كنت امعرسه من 6 شهور
و ريلي كان في الدوره
و يرد البيت مره في الاسبوع ..
انزين السالفه ان انا اسير الكليه و ادرس و اكمل دراستي ..
المهم ,,
في تاريخ 20 . 12 . 2017
عرفت اني حامل بالفحص المنزلي ..و ريلي كان في الدوره , و انا ما خبرت اي حد في البيت لاني كنت بغيت اتاكد و اخبر ريلي اول شي .
المهم .. انا سويت الفحص الصبح و كان موجب و سرت الكليه كالعاده ..
و رديت البيت العصر .. و سرت ويا حمييتي الغياده عشان اتاكد ..
المهم قلتلها ابا اسير عياده نساء . و عادي سرت وياها ..لان انا ما عندي ليسن., و ما كنت ابي اسير و يا عمتي لانها كانت بدش عند الدكتوره و بتسالها شو فيني ..
المهم حميت اكبر من ريلي بثلاث سنوات ., و مب امعرسه و تشتغل ,,
المهم في العياده اكدتلي الدكتوره اني حاامل ..
و انا كا خبرت حد لاني رلي اليوم الي بعده كان بيرد و بغيته هو يعرف اول شي ..
المهم ريلي يرد الظهر كل مره ..
و انا زينت الحجره كله بالونات ورديه وزرقه
و كتبت عاليدار بابا ماما
و كنت امجهزه صور ضغاريه و علقتهم عاليدار ..
ريلي اول ما دش الغرفه فهم السالفه و حضني و على طول سجد سجده شكر لله ..
و كان وقت الغدا ..
و قلتله يلا بنطلع برع و بنقول حق الكل ..بس ريلي قالي لا بنحبرهم بعد ما اتكملين 3 شهوور .. بغد اصرار مني رضا ريلي يخبر اهله ..
و طلعنا من الحجره و الكل كان يالس عالغده ..
و ريلي اول شي سار عند عمي ( يعني ابوه) .. عمب ريال كبير في السن و ما يسمع عدل ساعات ..
المهم ريلي راح عند عمي و قاله .. ابوي ولد بيصير ابو ان شالله ..
حرمتي حاامل .. و عميي واااايد فرح و ريلي قال صوت عالي هالكلام و الكل سمع و باركلي
لان كلهم كانو يالسين عالغدا ..
المهم .. عمتي شو سوت . . نشت من السفره و قالت حق ريلي ان انت ما عندك ادب و ما عندك احترام .. انتو خياااس .. ما اتخبروني .. خاشين عني ..
كل شي اتحشوون عني .. انا ما باكل حرمتك .. ملكه جمال ,, و لا باخد منكم ولدكم ,,
و تمت امعصبه و اتصرخ و اتصرخ على رلي ..
و ريلي يقولها ان امي انا روحي توني اعرف .. و اول ما عرفت ييت اخبركم .. بس هي قصدها ان ليش ما ييتو اول شي اتقولي انا مب ابوك .. ابوك ريال عوود شيبه امخرف .. سرت قلتله و انا ما قلتلي ..
و رلي قالها ان امي انا قلت صووت عالي و قلت حق الكل .. يعني شو تبيني اسير عند واحد واحد و اقوله ..
المهم و انا ما قدرت اتجمل و تميت اصيح و ريلي قالي سيري الحجره
و عقب ما دخلت الحجره بعد عصبت زياده و قالت ان انا ما عندي احترام و دخلت الحجره و كل شي اخش عنها و باب الحجره كله امسكر ..
اهني ريلي صدق عصب و يا و فتح باب الحجره و قالها امي هالباب بخليه مفتوج و انتي ايلسي شوفي انا و حركتي شو انسوي في الحجره انزيين ..
ما بنسكر الباب .. بنحليه مفتوح و انتي ييلسي في الصاله و وايقي علينا و شوفي نحن شو شو انسوي ..
و بعدين دخل الحجره و سكر الباب ..




الحينه خبروني شو غلطتي و شو غلطه ريلي ... سوينا شي غلط ؟؟؟
ليش عصبت ما اع رف ..




الموقف الثاني ::

كان يوم السبت في كنت حامل في ولدي ( اول بيبي )
و ريلي قالي انه اليوم بنطلع و بنتغدا برع اوك قومي اسبحي و اجهزي ..
انا قلتله اوك
و جهزنا و طلعنا ..
و سرنا ستي مردف .. و اول ما وصلنا عمو اتصلت في ريلي و قالت انه انتو صدق ما تستحووون صدق حرمتك ما عنها حيااا ...
و ما عندها احترام للكبلير ..
و ريلي مب عارف شو السالفه ..
و قالتها تطلغون على كيفكم و اتسيرينوين ما تبون بدون ما اتخبروني ... ليش سرتو و ليش طلعتو ؟؟
و ريلي ما قالها شي ..
و يوم ردينا البيت على طول يت و اضارت ويا ريلي و تمت اتقوله انه حرمتك خربتك و انك كله تسمع كلامها
و نسيتني .. و تطلعون بدون ما اتقولولي .. و من هالكلام ..
و رلي قالها شو تبين يعني ؟؟؟ تبينا حتى يوم انسير الحمام اني و نسالج انه انسير و لا لا ؟؟؟




الحينه خبروني انا سويت شي غلط يوم طلعت مع ريلي و لا شو ؟؟؟؟



الموقف الثالث::

وقت ولادتي بولدي ..
انا كنت في البيت و كانت الساعه 2 الصبح
و البيت كله راقد
و انا ما اعرف شو يااني كل دقيقه كنت ارجع و ارجع و ارجع
اشرب ماي ارد اطلع اصفر
المهم ريلي قالي انتي شكلج تعباانه قومي بوديج الحوادث و لبست عبايه وطلعنا ..
المهم في المستشفى اغول شي ركبوولي مغذي و انا قلت يمكن بعد ما يخلص المغذي يمكن بيخلوني ارد البيت
فعشان جذي ريلي ما قال حق حد .. لانه اصلا ما كان فيني ويع الولاده ..كنت في الاسبوه ال 36
المهم المغذي خلص و حطولي واحد ثاني و قالولي بينوموني لان فيني تسمم ..
المهم هاك الوقت ريلي اتصل في عمو و قالها ان نحن في المستشفى من الفليل ..
و جاااااااان اتعصب ... و كيييف ما اتخبروني ؟؟؟ظ و كيف ما قلتووولي ؟؟؟؟
اكيييد تعتبروني غرييييبه ...و من هالكلام
و يت المستشفى و احتشرت ...



و عقب باربع ايام ياني ويع و انا بعدني كنت في المستشفى و ربيت ..


نفس الموقف توه صار قبل شهر تقريبا ..
انا الحينه حامل بالبيبي الثالث ..
المهم مره وحده انغمى علبي في الحجره و طحت ..
و ريلي مب عارف شو يسوي .. لبسني عباتي و شلاني و طلعني من الحجره ..و عمتي كانت يالسه في الحجره و كانت اتقول شو السالفه ؟؟ و ريلي رد عليها بي بخبرج امي ..


و عصبت ان ما يسوييلي سالفه و ما يحترمني .. الحينه حرمته كل شي بنسباله
,,المهم ريلي وداني المستشفى و نوموني لان صار عندي هبوط لاني كله احمل ورا بعض
المهم ريلي رد البيتلانه كان ناسي موبايله ,, و اول ما شافته عمو قالت انت ليش اتغاملني جذي ؟؟؟
ليش ما رديت علي يوم كنت اسالك .. ريلي قالها ان امي انا قلتلج اني يوم برد البيت بخبرج ..
بس هس لا تبا تعرف نفس الوقت .. و ريلي قالها انه شو اخليها اتموووت و اتم في البيت لين ما الكل يعرف ان انغمى عليها و بعدين اوديها ؟.؟؟
واحد مغمي عليه يعني الثاني شو بيسوي .. على طووول بيودييه المستشفى صح و للاا لا ؟؟ و لا بيتريا لين ما البيت كله يتيمع و عقب يودي المستشفى



الحينه خبروني ريلي غلط في شي ؟؟؟؟



حبرووووني شو اسوي


في بعد واااااايد اشيااااء والله





مشكورين على الردود ..
بس جنه في بنات ما قرو هالرد .. الي كان مكتوب في الصفحه الثالثه ..
فعشان جذي يتحرون انه عمتي عاديع و بس غيرانه مني ...
خبروني هالامور معناته انها غيرانه و لا شو ؟؟؟



والل والله يا اختي كل الي قلتيه اسويلها .. و اله ما اجذب عليج
و الله في كل مره ابوس راتسها و كل ما نطلع انمر عليها .. بس هي قصدها انه ليش من زمااان ما تخبروني ؟؟؟ وقت الطلعه اتخبروني ؟؟
والله دوووووم اهدي ريلي و اقوله سير استسمج من عمو و بوس راسها
والله كل شي انسوي .
والله انيجتى ما اخلها تطبخ ..
اتخيلي عندي ولد عمره سنه و 3 شهور و بنتي عمرها 3شهور
و حامل ف الثاني
بسوالل بعد ما ردتمن لمستشفى رحت و طبخت ما سرت الغرفه ارتاح
.. و اتخيلي جداام ربيعاتها شو اتقول عنياتقول انه انا مووووووووول ما ذقت اي شي من طبيخ مرت ولدي .. و انها دوووون كله راقده و ما اتشل قلاص ماي حتى
والله والله والله ان ما عندي خدامه و انا روحي اشوف عيالي الاثنين و غسيل ثياب انا اغسل و الكوي و فوق هذا اسيلر كل اليوم امطبح و اطبخ مب بس حقي و حق ريلي لااااا ... حق لبيت كله ... اتخيلي و اتقول اني موووول ما اسوي شي ....!!!!!
و حتى جدام ربيعاتها اتقول انه ريلي كللل بيزاته يصرف علي و ياخذلي ذهب و انا البس ثيااب غاليه و كل ثيابي جيمتهم الف و الفين
و ولدي ما يغطيني شي
والله والله انه ريلي بس يعطيني الف كل شهر
والله و انا لين الحينه الذهب الي عندي مال زهبتي
و والله مخاوييري كلها مال زهبتي
والله لين الحينه ما فصلت شي اغلي ب 300
صدق والله انا واااايد اراعي زوجي
لانه مديوون
و هي تتحرا انه كله يعق بيزاته علي ... و انا ودرت ىدراستي عشان عيالي ..
و حميتي اكبر مني بسنه و عندها ولد واحد بس .. ولدها اكبر من ولدي ب 9 شهور
المهم هي ما ودرت دراستها و اتكمل دراستها و خاله ولدها عند الخداامه و ساعات في الحضااانه
.. اتخيلي .. جدااام ربيعاتها اتقول ان بنتي تهتم في ولدها وااايد اونه يوم تعب ما سارت الكليه يومين
.. عيل انا شو .. انا ودرت دراستي كلها عشان عيالي .. انا تضحيتي ولا شي صح ؟؟!!!
و بعد اتقول نه انا ما اشوف عيالي ا.. و انه خدامتها هي الي اتغسل و اتاكل و اتشرب عيالي و انا اكون راقده ..
و اتقول ان بنتي ما اتخلي ولها عند الخدامه و اونه اتي من الكليه و تطبخ مسكييينه ..
عيل انا شو ؟؟؟ انا اخلي عيالي يوااااعه و يموووتون من الصياااح و اقفل غليهم الحجره و اسير اطبخ حق البيت كله ... اانا مب انسانه ولا شو ؟؟؟؟
و لا بس بنتها هي الام المثاليه ...
والله ما عندي خدامه و ابروحي اسوي كل شي
و اشكره جداااامي اتقول هالاشياء عني ...اتخيلووو
و انا اتم ساكته عشان ما تستوي ضرابه
والله اني ابلع الكلام ...
وتى ما اخبر ريلي بعد
شووووو اسوةي ؟؟؟؟
ما نقدر نطلع ..
يعني هي ليش ما تعتبرني نفس بنتها مثل ما اعتبرها امي ...
والله ليش ما تباني افرح و استانس مثل بناتها ؟؟؟
ريل بنتها اذا مثلا ما عطاها مصروفها الشهري الي هو 4000 كل شهر بتاريخ 1
تحتشر و اتقول ان ريلج ليش يعاملج جذي ؟؟
و انا ريلي ساعات يعطيني و ساعات ما يعطيني ... ما اتقوله شي عيل
اتخيلوو والله اني بس في العيد افصل عبايه وحده و محور واحد و ما يطوفون ال 300 درهم
و بنتها اذا فصلت شي ب 500 و او ب 700 اتقوول شو هذا ليش تلبسين رخيييص ؟؟
اتخيلوووو
..............................
شوووو اسوي ؟؟؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
للرفع

__________________________________________________ __________

>>>> الرد الثاني :
اللـه يكووون فـ عوونـج
والله يهدي عمــتج
.
.

__________________________________________________ __________

>>>> الرد الثالث :
اطلعو بيت روحكم أحسن لكم مَ'ـّنَ القيل والقال والله يسهل عليج يأرب

__________________________________________________ __________

>>>> الرد الرابع :
للرفع ررفع

__________________________________________________ __________

>>>> الرد الخامس :
الله يعينج ويصبرج يالغاليه ..
ماعليج منها يمكن كانت علاقتها بريلج وااايد وانقطعت هالعلاقه فبدت اتحس بغيره منج يصير هالشي واايد
اتحمليها حبيبتي والله يسامحها ع اللي تسويه
كبري عقلج انتي لاغلطتي ولاريلج غلط خذوها ع قد عقلها .. واحترميها كثر ماترومين مهما تكون تراها حسبة امج يالغاليه ..

والله يهديها ويصلح حالها الى الاحسسن يارب