مباااارك عليكم الشهر
اكييييد اكثر البنات يحبون ورق عنب يكون لذيذ ولين
بقولكم عن طريقتي طبعا كل ربيعاتي يحبون الطريقة الي انا اسويها من كثر ما يطلبون
تعبت منهم هههه عشان جي علمتهم والحين بخبركم عن طريقتي السهله واللذيذه
المقادير
1- عيش مصري
2- ورق عنب
3- عصير ليمون
4- زيت زيتون (( اسبانيا او الوزير ))
5-كزبره وبقدونس
6-ملح, فلفل اسود , سماق
7- معجون طماط
الطريقة
اول شي اقطع الكزبره والبقدونس قطع صغيرة
ثاني شي افور العيش بس ماخلي لين ولا يابس يعني وسط
ثالث شي اخلط العيش ويا الكزبره والبقدونس
رابع شي اصب نص غرشة زيت زيتون و ليمون ع حسب الرغبة و ملح وفلفل وسماق ومعجون طماط والي تبا اتسوي اسبايسي اتضيف فلفل احمر
وعقب اقص البطاط ع شكل دويري وفلفل رومي واخلي ف قاع الجدر وعقب اغسل الورق عنب بماي حار وعقب ابدا الف
وبعد اللف بعد اصب عليه زيت زيتون (( لو اتزيدين كمية الزيد طعمه بيطلع احلى ))
والصلصه ... اصب ف الجدر ماي بس مب وااايد يكفي لين الربع
واخلي ع النار واحط فيه ماجي دياي و معجون طماط و شوية سماق
وعقب مايتفور اصب ع ورق عنب
وعقب اخلي ع نار هادئ لمدة 3 ساعات
ملاحطة مهمه - يوم تبين اتصبين ملح ملعقة كبيرة كفايه او ملعقه ونص ع حسب كمية العيش ويوم بتخلين ع نار هادى مثلا ساعه 1 حطيتي ساعه 3 بيكون جاهز ^_^
المشاركة الأصلية كتبت بواسطة ام السديس
رد مع اقتباس
