السلام عليكم ورحمة الله وبركاته
هالموضوع راح يكون مرجع لكل الي حابه تتزهب وماتعرف بشو تبدا واذا في شي ناقصنها ولا لا وحابة يكون بالصور عشان الكل يستفيد
طبعااا تشجيعكم وردودكم الحلوه هي الي راح تخليني انزل اجزاء .. فلا تبخلون بالردود عشان اساعدكم واحط الي تبونه
معلومة((الكميه والاختيار والاذواق تختلف)) يعني رجاء محد يقول كل ها زهاب انا بحط كل شي وعقب الوحده حره باختيارها
نبدأ بسم الله الرحمن الرحيم
اول شي حبيباتي راح ابدأ بالملابس وراح يكون ع أجزاء لانه صعب انزل كل شي مره وحده
***ملابس (الجزء الأول)
اول شي تآخذون قطع للمخاوير بكل الانواع الي تريحكم وعلى حسب الجو اذا شتا تفصلون ثقيل واذا صيف خفيف ،، المخاوير لاتدفعون فيهم وايد فتره وجسمكم بيتغير مع الحمل
حبيباتي مب شرط طبعه وفصوص .. يعني الحين نازله موديلات وايد غير الطبعات حركات حلوه وموديلات اجنن
غير هالكنادير ماننسى المغربي (ثجيل وخفيف) والكمية ع حسب الاستهلاك شكثر تحتاجين
وجلاليب شيفون وحرير بقصات مختلفة
يتبع