عنوان الموضوع : الملوخية من مطبخي طبق اماراتي
مقدم من طرف منتديات الضمير العربي

السلام عليكم كيف حالكم يا بنات ان شاء الله بخير
اليوم جايبالكم احب طبخة عندي و هي الملوخية بعرف ان ناس كتير بتعرفلها و كمان طريقتها سهلة كتير لكن الملوخية رغم سهولتها الى انها فيها سر الطبخة الي يخليها متميزة و حلوة
اولا ابدا موضوعي بشوية ارشادات
طبعا لما بنجيب الملوخية اول شيء بنقطفها يعني بننزع الورق بس و نرمي الاعواد وبعد منخلص بنغسل الورق منيح و في كل مرة بنغسلو بنحطو في مصفاية و نرجعو تاني في مية كتير الى ان ينضف زين
بعدين بنخليه في المصفاية لمي يصفة من المية
بعدين اما بنخرطو بالمخرطة الى هي سكين على شكل قوس او بنحطو في الطحانة و انا بستعمل الطريقة الثانية عشان اسهل فبحط الورق في الطحانة الخاصة بطحن النبات متل الكزبرة و كذا او حطيه في كاس العصير و ضفيلو شوية مية بس شوية مو كتير الي يخلو السلاح يدور بس
بعد منخلص من تخريط الورق اذا كانة الكمية كبيرة فبامكانك تقسميها في كياس و تحطيها في الفريزر و بكدا بضل عندك الملوخية جاهزة لاي وقت تحبي تطبخيها ما عليك غير انك قبل الطبخ بمدة بطلعي كيس من الفريزر و تحطيه على جنب الى ان يسيح لحالو من غير متحطي مي او شيء
و تطبخيها
الان بنبدا في الطبخ
انا ماراح احدد كميات فالكميات على حسب العيلة
المهم بناخد دجاج او لحمةوبنحطو في الطنجرة بعد منغسلو و ننضفو منيح
و بنحط عليه مية الى هي هتكون الشوربة بعدين بنحط عليه 2 او اكتر بصل مفروم
و 4 او اكتر فصوص توم مقطعين وورق غار و ملح و فلفل اسود و كمون شوية و زنجبيل و حبة صغيرة قرفة و هيل و كبشة صغيرة حمص منقوغ و نخليه الى ان تستوي اللحمة او الدجاج
بعد ما تستوي بنشيل اللحمة او الدجاج و ننزع ورق الغار و حبوب الهيل من الشوربة
و بنقصها في اناء ثاني ونخلي بس شوية شوربة في اناء الطبخ بعدين بنحط الملوخية الى كنا قطعناها
و بنضيف عليها الشوربة شوي شوي مع التقليب لكن مش لازم تضيفيها كلها يعني على حسب الملوخية لازم ما تكون خفيفة كتير يعني تكون كثيفة شوي ثقيلة يعني
بنفس الوقت بنكون مجهزين بصلة مقطعة صغير و ثوم قد 4 او اكثر فصوص ثوم مفرومين و بنسخن الزيت او سمنة منيح و نحط البصل الى ان يسمر و بعدين بنحط الثوم الى ان يسمر كمان و ملاحظة ان هذه الخطوة بتنعمل قبل لتحطي الملوخية على الشوربة بشوية فبعد متحطي الملوخية و تزبطي الشوربة عليها بتقلبي الثوم و البصل فيها بسرعة و تخليها 30 ثانية و تطفي عليها ملاحظة ان الملوخية اذا غليت على النار بتسفر فما تخليها تغلي اكتر من 30 ثانية كمان لا تغطيها و هي سخنة
بعدين بنرجع اللحمة فيها اما الدجاج فيكي تدهنيه سمنة و تحطيه يتحمر في الفرن او تقليه مباشرة في الزيت
فيكي كمان تعملي جنبها رز ابيض او تكليها مع خبز و بالهنة و شفا

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
يعطيج العافيه امووت على الملوخيه

__________________________________________________ __________

>>>> الرد الثاني :
وايد أحب الملوخية

ربي يعطيج العافيه

__________________________________________________ __________

>>>> الرد الثالث :
شكرا لج عالمشاركه

__________________________________________________ __________

>>>> الرد الرابع :
الله يعطيكم العافية و مشكورين على الردود

__________________________________________________ __________

>>>> الرد الخامس :
احب الملوخيه