عنوان الموضوع : طلبت الوصال وقال عطني حليب اطيور * ياخوك الطيور الطايره من يحلبها
مقدم من طرف منتديات الضمير العربي
اول مشاركه لي بهالمنتدى بهذه القصيده
واتمنى ان تنال اعجابكم
\
*
/
اثر للهوى سكره مثل سكرة المخمور
وأنا معرف ألخمره ولاني بصاحبها
*
تعلمت عنها واحد قد مضاله دور
لقيته على حاله همومه يحسبها
*
وبعد شفت حاله بالردى قلت له ما جور
وش اللي حصلك يوم نفسك تخاطبها
*
تنهت وسولف وانكشف حاله المستور
وجاب العلوم اللي وخيمه عواقبها
*
يسولف عن الهروين والسكر المعصور
وأنا مر اصدق جابته مر أكذبها
*
وقال المصيبة من سنين مضت ودهور
تجاره خسرت ابها وأنا كنت أبا اكسبها
*
وقلت أنت وش حدك على الشارع المهجور
وقال أنت ما تعرف حياة نمر ابها
*
وصف حالته لا هاض فكره وطفى النور
لقيته يعيش بحالة كنت اعيشبها
*
أنا حب قلبي وحده من بنات الحور
عنود غنوج أغلى الوصايف تضيع ابها
*
ليا سلهمت بالعين تاخذ سنه وشهور
وكبدك من النضرة توقد لهايبها
*
وهلالين مع بدرين قاسمهن المشهور
وتاصل مواطيها ثنايا ذوايبها
*
وباق الوصوف امر وادهى من المذكور
اكيد الوصوف اللي تحدر مناكبها
*
ولا عاد خلت للعذارا يكود السور
وصوف الغلا سبحان رب مرتبها
*
وعفيف الهوى خلاني اهرج بدون شعور
جذبني هواها لعن ابوها ومنسبها
*
وقف دونها لا بعث حيه عقيم الشور
حجرها الحجوري وانسلب راي شا يبها
*
طلبت الوصال وقال عطني حليب اطيور
ياخوك الطيور الطايره من يحلبها
*
وقلت العرب يا صاحبي تنكر المنكور
وبعض السوالف يالسنافي تجنبها
*
ترانا هل الميقاف والبيرق المنشور
وقال الليالي علمتني تجاربها
*
وقلت انت وش جربت يالمنهي المامور
كسرت القلوب اللي هواها معذبها
*
ومضالي ثمان اسنين واثر السنين ادور
ولا لا رحمة الله كان رحت بسبايبها
*
الا يالسنافي هكذا سكرت المخمور
وقال الهوى يذبح رجال بشواربها
* * * * * *
للشاعر/عبدالله القثامي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
صح لسان قايلها وناقلها يالغلا
__________________________________________________ __________
>>>> الرد الثاني :
صح بدنك وياهلابك والله
__________________________________________________ __________
>>>> الرد الثالث :
صح لسان كاتبها وناقلها والف الف شكر على هذه المشاركه الرائعه اخوي تقبل مروري المتواضع مع خالص حبي وتقديري لك ،،،،
__________________________________________________ __________
>>>> الرد الرابع :
ياهلابك والله يالغالي
والرائع هالمرور لاهنت
تقبل تحياتي وشكري
__________________________________________________ __________
>>>> الرد الخامس :
حوران
صح لسان الشاعر
وسلمت يمينك عالنقل الرائع
ننتظر جديدك
دمت بخير