عنوان الموضوع : اني اناشدكم المساعده help me!!!!!!!!
مقدم من طرف منتديات الضمير العربي
السلام عليكم ورحمة الله وبركاته
خواتي هلا وغلا
شو الاخبار والاحوال :
ادري اشتقتوا لشكواي ...........
ياجماعة الخير انا مب عارفه اجمع!!!!!
يعني بالعربي الفصيح لي كم سنه وانا احاول اتعلم اطبخ بس محاولاتي ماعرف كيف
مرات تطلع الطبخه وسط ومرات فضيحه( امي تقول شعر فيني اني سودت وجهه)
ونعم فيني
زيييييييييين شو اسوي
الحين احاول اسوي دفتر صغير من اول وجديد خواااااتي واكتب فيه من اول وجديد
وابدأ بالطبخات السهله طبعا بالنسبه لي.........بس للحين
حاسه نفسي كاني جايه من ربع الخالي في عالم الطبخ
ماعرف شو اسوي
رغم اني جربت اغلب الوصفات من عجائن وغيره بس
احس لازم تخرب الطبخه بطريقه من الطرق
ياجماعة الخير اعطوني خطه استراتيجيه عشان اتحسن!!!!اني اناشدكم
help
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ههههههههههههههههههههههههه
حبيييبتي
الطبخ يباله ممارسه وطولة بال
اول شي اقري المقادير للطبخه وطريقة التحضير
والافضل لو اتابعين فيديو بتعرفين من النظر على الاقل كيف الطبخه شكلها
والمعجنات تعتمد على المقادير المضبوطه ونوعية الطحين
والافضل تستخدمين الطحين المتعدد الاستعمالات
ومن ناحية الاكلات الشعبيه ترا تعتمد على حاسة التذوق عندج
مثل اللي تحتاج بهارات انتي وحاسة التذوق عندج هل يححتاج بزار اكثر ولالاء
واذا انج تحرقين الاكل كمثال يعني هذا يعني من تبدين بالطبخ عينج عالطبخه لاتروحين يمين ولا يسار
واذا عالكيكات اسهل مايكون استخدمي العلب الجاهزه اللي تحتاج فقط اضافة السوائل لها
والكيكات اللي تنخبز صح تعتمد عالفرن عني انا فرني صغير فلو حطيت من اللي كاتبينه فالعلبه 180 درجه حرارة الفرن تخترب الكيكه عندي
بس انا احطها 150 درجه وتطلع مضبوووووطه ولله الحمد
قلتلج الطبخ يعتمد عالممارسه وطولة البال والاخطاء فالطبخ شي طبيعي لأنه من هالاخطاء بتتعلمين كيف تتجنبينها
ياما غلطنا وخبصنا فالطبيخ ولكن ولله الحمد الحين نعرف
والله يوفقج فديتج
ولاتنسين تصورين لنا شي من أكلاتج بعد ماتتقنين الطبيخ
__________________________________________________ __________
>>>> الرد الثاني :
والله يا اختي انا الي فادني كتير فموضوع الطبخ هي قناة فتافيت
رهيبه فيها كل شئ واهم شئ الثقه بنفسك وانت تسوي الطبخ
__________________________________________________ __________
>>>> الرد الثالث :
المشاركة الأصلية كتبت بواسطة الــــدبـــــه
ههههههههههههههههههههههههه
حبيييبتي
الطبخ يباله ممارسه وطولة بال
اول شي اقري المقادير للطبخه وطريقة التحضير
والافضل لو اتابعين فيديو بتعرفين من النظر على الاقل كيف الطبخه شكلها
والمعجنات تعتمد على المقادير المضبوطه ونوعية الطحين
والافضل تستخدمين الطحين المتعدد الاستعمالات
ومن ناحية الاكلات الشعبيه ترا تعتمد على حاسة التذوق عندج
مثل اللي تحتاج بهارات انتي وحاسة التذوق عندج هل يححتاج بزار اكثر ولالاء
واذا انج تحرقين الاكل كمثال يعني هذا يعني من تبدين بالطبخ عينج عالطبخه لاتروحين يمين ولا يسار
واذا عالكيكات اسهل مايكون استخدمي العلب الجاهزه اللي تحتاج فقط اضافة السوائل لها
والكيكات اللي تنخبز صح تعتمد عالفرن عني انا فرني صغير فلو حطيت من اللي كاتبينه فالعلبه 180 درجه حرارة الفرن تخترب الكيكه عندي
بس انا احطها 150 درجه وتطلع مضبوووووطه ولله الحمد
قلتلج الطبخ يعتمد عالممارسه وطولة البال والاخطاء فالطبخ شي طبيعي لأنه من هالاخطاء بتتعلمين كيف تتجنبينها
ياما غلطنا وخبصنا فالطبيخ ولكن ولله الحمد الحين نعرف
والله يوفقج فديتج
ولاتنسين تصورين لنا شي من أكلاتج بعد ماتتقنين الطبيخ
هههههه هلا اختي مشكوره والله انا قاعده اضحك على عمري الحين................
عيوني اختي تبققت من كثر ماشفت فيديوها ناقصني نظارات انا يكفي وحده!!!!! هههههههههه
المعجنات انا وهي خلاص............ break up
بس مره ضبط عندي كيكه وامي سوت احتفال عليها خخخخخخخخخخخخ
الطبخ يتعبني الرز مادري ليش......مب عارفه اسوي برياني زين...........
بس ماشي الحال الرز الابيض الساده
خخخخخخخخخخخخخخخخ بطول لييييين ماتشوفون ابداعاتي!!!!!!
شكرا جزيلا
والله يا اختي انا الي فادني كتير فموضوع الطبخ هي قناة فتافيت
رهيبه فيها كل شئ واهم شئ الثقه بنفسك وانت تسوي الطبخ
هلا اختي فتافيت اعرفها عندهم برامج حلوه الثقه بالنفس مطلوبه للاسف في كل شي........
نحاول اختي ولا يهمك
شكرا جزيلا
__________________________________________________ __________
>>>> الرد الرابع :
مع اني قاطعت المطبخ من زمان بس الصراحة قبل لا اتزوج ما كنت اعرف اطبخ
في بيت امي كنت معززة مكرمة أمي و يدوتي كانن يخافن علي من المطبخ و من النار
،،،
الطبخ أنا ما تعلمته بين يوم و ليلة البرياني اخر شي تعلمته بديت بالسهل عيش ابيض
و صالونة دجاج ،،، فوقة لحم فوقة دجاج ( المجبوس) ،،، روبيان قاع الجدر ،،،دجاج قاع الجدر
،،،،
و اخر شي تعلمته البرياني ،،، طبعا اذا ظبط عندج الصالونة طبيعي راح يضبط عندك الفوقة
__________________________________________________ __________
>>>> الرد الخامس :
هههه تحريت شي خطير شعاعو ولايهمج تعالي عندي ولعلمج الطبخ عالاقل بحصل حد اتسلى معه هههه
رد مع اقتباس
