عنوان الموضوع : الفزعة يا بنات المنتدى للعناية بشعرك
مقدم من طرف منتديات الضمير العربي
السلام عليكم ورحمة الله وبركاته
بصراحة هذا اول موضوع لي في منتداكم الراقي ومنتداي العزيز
وبغيت المشورة منكم
انا وحدة اماراتية وعيناوية خخخخخخخ<<<<ما اعرف كبف ابدى بالموضوع
المهم انا طالبة جامعية بصراحة ميح بشي اسمه الميك اب
احبه وايد بس ما اعرف كيف اشتريه يعني انا سألت وحدة من ربيعاتي عن كريم الاساس اللي تحطه بصراحة روعة قالتلي انها ما تحط كريم اساس بالجامعة بس تحط المرطب وبعدين بودرة وتحط اي شادو عادي
بصراحة استغربت لانها ضربتني بالوتر الحساس
قصدي في الدوام او في النهار مش لازم نحط كريم اساس بالبداية وبعدين البودرة
ولا بس البودرة بدون كريم عادي ...يعني ابى اعرف كل شي من هالناحية وكلمتني عن البودرة المضغوطة والحرة لين الحينه ما اعرف افرق بينهم وشو احسن
وبالنسبة لاي شدو لازم تكون ماركة عشان يطلع على العين حلو ...
وشو ارخص الماركات اللي تناسب ميزانيتي وأنسب للبشرة
وحد يعرف بودرة اسمها جلندر لانها قالت هذا اللي تستخدمها
وانتظر منكم ارائكم اللي فعلا تهمني
اختكم
سويتي العيناوية
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
صح كلامها
للنهار ما ينحط الاساااس لانه ثجيل عالويه وبتحسين اخر النهار ويهج مغبر وحالته حاله
الافضل انج تحطين اي كريم مرطب يناسب ويهج وبعدين تحطين البودره المضغوطه
الفرق بين المضغوطه والحره
الحره اتييج شرات بودرة الاطفال العاديه وهاي ما نستخدمها دووم الا في حالات يعني
والمضغوطه هيه اللي ما تكون منثوره يعني متماسكه شرات الايشدو كيف يكون بودره بس متماسك جيه يعني .. وتستخدمين وياها القطنه وتمسحينها على ويهج كله
وهالشي انا افضله سواء في النهار ولا حتى في الليل لان الكريم يخلي البودره ثابته ويعطيج ملمس طبيعي
ومن ناحية البودره المضغوطه انا ما ادري شو يناسب ويهج بس لا تستخسرين تدفعين عليها لانها اهم شي في المكياج اولا وثانيه اذا كانت ماركه ما تسببلج مشاكل في البشره
انا عن نفسي اخذ من ماك وسعره 119 درهم .. بس خواتي يستخدمن كنيبو وهاي فعلا رائعه في الاستخدام والكل ينصح باستخدامها حتى اطباء البشره
اما الايشدو مش ضروره يكون ماركه معروفه بس لازم تجربينها على ايدج عسب تتاكدين ان اللون قوي وثابت ... يعني حطي على ايدج وتمي امسحيه بصبوعج واذا شفتي اللون بعده واضح يعني هالايشدو واايد اوك بس اذا خاز اللون ولا حتى صار خفيف واايد فابتعدي عنه لانه مااراح يفيدج
بالمختصر المفيد اخذي اساسات الميك اب من ماركات معروفه وزينه حتى لو دفعتي عليهم المبلغ الفلاني بس اهم شي ان بشرتج ما تخترب لان البوده تغطي الويه بكبره والاشياء الثانيه تكون فوق البودره يعني مالها تاثير مباشر على البشره
بالنسبه لباقي الاشياء عادي مش مشكله حتى لو مب ماركه غاليه اهم شي ان الوانهم ثابته وحلوه
هاللي قدرت اساعدج به واذا عندج اي استفسار الغاليه انا حاظره ^_^
__________________________________________________ __________
>>>> الرد الثاني :
مشكورة الغالية والله افدتيني صدق
بس ماركة كانيبو اول مرة اسمع بها وين اقدر احصلها
__________________________________________________ __________
>>>> الرد الثالث :
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
