عنوان الموضوع : نحاستي مع الخدامات قبل وصولهن وبعد لول والله يستر من القادم عمل يدوي
مقدم من طرف منتديات الضمير العربي

بخبركم عن اللي صار لي بسالفة الخدامه واحب اشارككم وابا استفيد بنفس الوقت من خبراتكم


في مثل يقووول المنحووووس منحوووس لو حطوا على بابه فانوووس

شو رايكم تصدقونه ؟؟

طيب اسمعوا سالفتي الحين

رحت الله يسلمكم قبل رمضان اقدم على الخدامه فاخترت لي وحده فلبينيه عندها اربع يهال وعمرها فوق الثلاثين بعد مشاورات ومناورات

وبعد اسبوع من اختياري لها رن تلفون ريلي

ترن ترن ترن ترن

طلع صاحب المكتب قال لريلي ان الخدامه اللي اخترناها وصلهم خبر انها مريييضه :1 (37): ولا مب اي مرض :1 (25): بالزهري (يا سلام عليج يا بنت الاياويد هاي بدايتها ربنا يستر)

فطلب منا نروح نختار غيرها

رحنا نفس اليوم واخترت هالمره ثنتين الاولى عمرها ثلاثين ومتزوجه والثانيه 25 ومب متزوجه واخترت ثنتين على اساس اذا مب الاولى الثانيه بس حاولت ااكد لهم الاولى والثانيه عند اللزوم اذا ما صار وبعد كانن فلبينيات وكنت اباهن يعرفن انجليزي وحرصت ان يكون مكتوب حذال اساميهن هاي سكول واللغه جيده

احم مرت الايام ودخل علينا شهر رمضان المبارك

ترن ترن ترن ترن

رن تلفون ريلي وكلمه الريال متلوم قال ان صاير هناك فيضانات => وااااي اسميها نحاسه

وبتتأخر الخدامه

عاد انا قلت لاهلي اخافها تغرق قبل ما توصل لول

طيب قلت ما عليه مو مشكله

بعدها بكم يوم قال لريلي انها بتظهر من المطار وبتوصل اليوم الثاني باذن الله ( وحليله راعي المكتب متلوم من الخاطر لول مو منه من نحااااستي وهو مستغرب بروحه اول مره تصير معاه )

وصلنا اتصال اليوم الثاني ترن ترن ترن ترن :1 (37):

تخيلوا شووو صااار ؟؟؟؟

!



!


!


!

طارت الطياره عن الخدامه لووووول لا لا لا نحاسه بالقوووووو

عاد حزتها نبضة قلب فديتها قالت لي يا بنت الاياويد اذا طاحت الطياره بعد لا تكلميني


:1 (9):


عاد الحين وصلنا من العشر الاواخر من رمضان

قلت بعد لا تيي الحين ما يحتاي لول

بس بعد ثلاث ايام


ترن ترن ترن ترن

راعي المكتب

قال لريلي تعال يبنا خدامه قلت لريلي وصلت الحين ؟؟ قال هيه

رحنا المكتب انا عاد يالسه بالسياره وطرشولي الخدامه لين السياره

فجيت الجامه شوي شوي


اتكلم وياها انجليزي ماشي اجابه

رمست عربي ماشي اجاااابه

:1 (37):


وااااي ليكون بلمه ؟؟



طلعت الحبيبه اللي واصله مب هي اللي مختارتنها وشكله راعي المكتب من كثر اللوامه عطانا اياها

قلت يالله سبحان الله يمكن هي فيها خير لي وخلني اتوكل على الله

اتصلت لريلي وهو داخل المكتب مع الريال اقول له ما تعرف لا عربي ولا انجليزي هاي

قال ما عليه بتتعلم وشكلها زينه

تصدقون ما يبان عليها فلبينووو لول

المهم يت الحبيبه ركبت السياره ورحنا اللبيت عاد انا مول ما اعرف للخدم لانها اول تجربه لي ولو ما الحمل جان ما يبتها بعد

المهم اشوفها تبا تشتغل واول يوم ما طاعت ترقد وتقوم اونها ترتب من الصبح قلت لا يمكن فيها خير

بعد يومين اشوف شغلها مب نظيف

بس قلت مع الايام بينظف

على آخر يوم من ايام رمضان قمت عطيتها 6 كنادير تكويهن ... يايه الحبيبه من مكان على قولة ريلي جنكل

وراويتها كيف باول كندوره وقفت على راسها وراويتها كيف بالتفصييل

ورحت عنها ورجعت بعد فتره شفتها مخلصه كواي فجيت عيني معقوله خلصته بوقت قياسي ؟ :1 (37):

يوم شفت الكنادير معلقات ولا كانهن مكويات قمت شلتهن مره ثانيه وحطيتهن وفهمتها بالاشاير انها بتعيد الكوي عشر مرات لين تضبطهن

بعد شوي مسكت لي بطنها الحلوه واونه يعورها


قلت ما عليه بنوديج هوسبتال بعدين ورحت عنها علشان اطبخ الفطور لاننا صيام

وبعدما خلصت الكواي يت لي المطبخ ومسكت لي بطنها مره ثانيه بس هي شكلها اصلا مافيها شي

وقلت لها مره ثانيه بنوديج هوسبتال ورجعت للاكل كان على النار واول ما صديت عقت عمرها على الارض:1 (37): وقامت تلابط وتصارخ بصوت عالي :1 (9): وسوت لي حفله لا صارت ولا استوت

وانا زااااااااايغه مب عارفه شو اسوي :1 (25):

قمت اتصلت لريلي واقول له الحق علي حليله ريلي كان رايح يقضي شغل برع البيت

وياني بسرعه وقطع شغله

ويوم رحنا لها كانت بعدها تصارخ وبحكم مهنة ريلي يعرف للاسعافات وغيرها وعوارض وهالسوالف

ويوم شافها قال هاي مافيها شي وقال لها قومي بنوديج هوسبتال

قامت الحبيبه تطرب تقووول هوسبتااااااال نوووو نووو هوسبتااال

وعصب عاد ريلي من النوع العصبي وااااايد => ريال مب ماكل وقاطع شغله وياي لول وهو بالاساس عصبي شووو تتوقعون بيسوي ؟؟


قاااام وصفعها طراااق

والظاهر ان الطراق هذا دواها لانها سكتت ويلست مكان واحد وسارت انسدحت على شبريتها بعد ربع ساعه اذن الفطور ويوم طليت عليها يالسه تقرا قصه الحبيبه

والله جاستني غصه وانقهرت

ودينها المكتب مع انهم كانوا مأجزين بطل لنا الريال المكتب وياب الفلبينيه اللي تشتغل معاه

اونه قالت لهم انه بطنها شوي يعورها ياااا سلام خووووش شوي هذا سوت لنا سالفه لا صارت ولا استوت بس هي الظاهر علشان عطيتها تكوي كم مره سوت هالحركه وعلشانها نفس الوقت كانت طالبه تكلم اهلها مع انها مكلمتنهم من يومين وانا قلت لها يوم العيد يعني اليوم الثاني قامت سوت هالشي

عاد انا عصبت من الخااااااطر ويوم رجعنا من المكتب خليتها تكرف كراااااف من قهري لاني عاملتها احسن معامله لما يت وكنت اقول لها روحي ارتاحي لاني ما شفتها تنام بس الله اعلم

ولا بعد لما اعطيها اكل ما تاكل قهر احط لها وانا اكون طابخه والاكل كله يروح الزباله :1 (9):

المهم يوم العيد من قهري رحنا بيت اهل ريلي وهناك قلت لهم اكرفوها لا تخلونها يالسه

وبعدها رحت مريت على نبضة قلب بيتهم آخذ عيش ولحم لول :1 (34):

وهي طبعا معاي كانت ويوم دخلنا شافت فليبينية بيت اخت نبضة قلب وعلى طوووول راحت لها تزقرها وتسولف وانا متغصصه واناديها يت دقيقه ورجعت وبخاطري اكفخها

سكت عنها ويوم رجعت البيت اسمع تلفوني ترن ترن ترن ترن


اوه طلعت نبضووو متصله

وقالت لي انها سألت خدامتهم شو قالت لها خدامتي فخدامتهم قالت انها اونه قايله ان فيها يني ( بل بل بل ) هاي بدايتها شفتوا نحاستي لول اونه ييني

ريلي عصب قال لي عندنا خيزرانه بالبيت انا فجيت عيني قلت له شو بتسوي :1 (37):

قال بنشوووف ينيها هذا وين لول

المهم طبعا ثاني يوم انا اروح بيت اهلي بالشارجه اعيد عندهم وهالمره يلست بيت اختي يومين وبهاليومين شغلتها هناك بس شغلهم كان خفيف وايد لان اختي تتلوم تعطي شغل لخدامه مب خدامتها مسكينه اختي

المهم هناك ببيت اختي اكتشفت انها الحبيبه لما اعطيها اكل تاكله تقول مابا ومن ورانا تروح تاكل من الاكل الموجود بالثلاجه وجان زين لو تاكله مثل الناس :1 (37):

عفان الله وقالت لي اونه ابا اكلم فلبين اوك قلت ما عليه عيد مع انها من يومين متصله يابت لي الرقم غير عن الرقم الاولاني قلت لها من ؟ تمت تأشر وتسوي واللي وفهمته انها اختها اونه يوم اتصلت قلت بسمع من يرد طلع واحد احترت اعطيها والا لا المهم عطيتها قلت بشوف شو بتسوي قامت تتبجبج وتتكلم وشكلها تتشكى انا عصبت وقلت لها هاتي التلفون وبندي ما سوت لي سالفه وقلت لها مره ثانيه بعد ما سوت لي سالفه وثالث مره سحبته عنها وبندت وجان اقول لها هذا من ما ترد والا تتحرطم بالفلبيني الله اعلم يمكن تسبني بعد وانا ما ادري جان اتغصص وراحت المطبخ تصدقون عطتني بولابس لحقتها هناك قلت يمكن ما تفهم للكلام يبت ورقه وقلم رسمت لها واحد ووحده قلت لها اللي يتكلم بالتلفون هذا والا هذا تخيلو انا اكلمها وهي حضرتها رايحه البراد تصب لها ماي وتشرب والله بوقتها كان خاطري اضربها بس اللي صار اني فقدت اعصابي وهزبتها بس ما سويت شي ثاني

واتصلت لريلي قلت له مااااااابيها بالثلاث

ويوم الخميس رجعناها الحين شكلي بييب مشتغله اما بالسعوديه او الكويت فشو رايكن باللي صااااااار ؟

ملاحظه كل اللي شافوها قالوا لي انها شكلها تعرف وتفهم بس تستعبط وباين عليها خبيثه وبنفس الوقت وغده

واللي استغربناه انا وريلي ان ولدي ما يروح صوبها وما يستلطفها مع انه مع باقي الناس عاااادي حتى تخيلوا عندنا عامل للبحر يخرع يروح عنده عادي

صدق من قال المنحوس منحوس لو حطوا على بابه مووو فانووووس واحد مليون فانوووس

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الغاليات ابا اعرف كيف تتعاملن مع الشغاله اول ما توصل لكم ؟؟

وكيف تتصرفن معاها باول ايام هل من البدايه تعطونها جدول محدد والا بالتدريج ؟

__________________________________________________ __________

>>>> الرد الثاني :
الله يعينج والله.. انا بصراحه.. ثاني يوم من رمضان واصله بشكارتي وهيه اثيوبيه مشتغله في لبنان ثلاث سنين.. وقبل كانت عندي بشكارة امي اشتغلة اربع شهور ورديتها على امي يوم وصلت بشكارتي.. انا اول ما وصلت عطيتها الأوامر وهيه الحمدالله يايه اتعرف شكلهم كانوا كارفينها في لبنان.. وسهلت عليه الشغله من اولها ما يلست اعلم وفهم افتكيت.. الله ايعطيج بشكارة زينه ان شاء الله.. وانا اقول استخيري قبل اي بشكارة تيبينها.. والله ايسر لج..

__________________________________________________ __________

>>>> الرد الثالث :
الله يعينج نادر ماتلاقين خدامه على كيفج

__________________________________________________ __________

>>>> الرد الرابع :
هلا بنت الاياويد وعيدج مبارك لو متاخره
الخير عندج وعندي وانا متبدعه ويايبه وحده عنز فلبينيه والله ياختي يايبتنها من شهرين وبس الحيوانه قهر تسوي عمرها ما تعرف وانا كنت ماخذه اجازه 40 يوم عشان اعلمها وتكتب وبس جني ماعلمت وانا الحين ندمانه قبل كانت عندي اندونسيه عيوز بس يحيها مشتغله في السعوديه وخلصت والحين من 3 ايام وانا اصلي الاستخارة اردها او لا بس ماعرف مااحس بشي ولا بعد ترد عليها تقول والله ماتبيني وديني المكتب وانا من النوع العصبي وريلي من النوع البارد ويوم اقوله يقول صبري عليها طبعا ما يقدر يخسر مب منها الله يغربلهم والله اني محتاره وكل حد يمدح الفلبينات زينات وماشي احسن عنهن ويشتغل بضمير اول يومين ومن عقبهن ماشي

الله يعينج ويعيني اللى عندها حل تخبرنا والله ما اقدر اعلم وعقب تزول
محتارة في الباقيات شوه احسن

__________________________________________________ __________

>>>> الرد الخامس :
انا اقرا الموضوع والله ميته من الضحك عليج بس اتخيل شكلج وشكل ريلج مسكين

يحليلج بنت الاياويد والله ما تستاهلين عا د انا خبره بالبشاكير واكره نوع جربته الهنود والفلبينيه المسلمه

والزينات في الرتبه الاولى الفلبينيات المسيحيات والاندوسيات بس عاد الاندوسيات بيموتن على الرياييل لا تقولولي عيوز والا صغيره كلهم نفس الشي الا اذا قاتحه اعيونج عليها اربع وعشرين ساعه وانا كنت اداوم


المهم الحمد لله الله رزقني بفلبينيه مسيحيه زينه من ثلاث شهور وقبلها كانت عندي فلبينيه مسلمه طلعتلي قرون من قذارتها وكنت امر بمرحله صعبه وما قادره اتصرف معاها وريلي قال ليش تعوري راسج سفرها بعد اربع شهور بس

وحصلت هذي قالولي تبينها باجر بتوصل والله ما صدقت قلت يمكن مب زينه لانها بتي من قطر

بس الحمد لله طلعت اوكيه مع انها هاربه من معزبها الي في قطر ورايحه السفاره

والحلوين ما يقصروا برعاياهم يدبروهم على طول والمواطن عنده فلوس خليه يدفع

والله يرزقج وحده زينه ان شاء الله