عنوان الموضوع : خاااص للارامل عالم الامومة
مقدم من طرف منتديات الضمير العربي

سلام عليكم خواتي اشحالكم
مواضيعنا كلها عن المتزوجات ومشاكلهم الله يفرج همهم يارب وعن المطلقات
بس نسيتم فئه في المجتمع وما تتكلمون عنها هي فئة (الارامل)
الله يخلي لكم ازواجكم يارب بس حبيت اعرف كيف يعيشون الارامل بدولتنا وهم صغار في السن
عن نفسي انا اول وحده بتكتب انا ارمله من 5 سنوات والحمد لله الله رزقني بعيال وراضيه بنصيب ربي ولله الحمدولما توفي زوجي كان عمري 28
واجهت مشاكل الحياه وشفت الحياه علي اصلها ومعاملة الناس ونظرتهم لي وان الحياه مهما عشنا فيها نتعلم ونشوف
اترك لكم التعليق وكل وحده تكتب تجربة اخت صديقه قريبه
والسموحه منكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يرحمه ويغمد روحه الجنه والله يصبرج

__________________________________________________ __________

>>>> الرد الثاني :
الله يعوض عليج .. وييسر أمورج..

ذكرتيني بأمي الله يحفظها..

توفى الوالد وأنا بصف سادس إبتدائي (أنا أكبر إخواني)

وأصغر اخواني كان تقريبا 6 شهور..

مرت علينا أيام حزييييييييييييييييييييييييييييينة ...

ودايما كنت أسمع أمي تصيح بالليل..

مسكينة كانت تحاول تكون قوية ..

بس ماشاءالله عليها .. ربتنا زين

وماقصرت ويانا بشي..

__________________________________________________ __________

>>>> الرد الثالث :
أنا بعد أمي أرملة .. أبوي اتوفى من 4 سنين وأمي كان عمرها 41 سنة .. يعني بعدها شباب بس الحمد لله أنا ما خليتها تشيل هم موووول من أي ناحية ولا بخليها تحتاج لأي حد وأنا راسي يشم الهوا ..


وإذا السالفة ع الزواج أنا ما عندي مانع تعرس إذا فيه ريال يستاهل بس هي اللي مووووول ما تفكر بها الشيء ولا تباااه مع إنها انخطبت

__________________________________________________ __________

>>>> الرد الرابع :
وحدة من الاهل متزوجة من سنتين تقريبا توفى زوجها تقريبا من ثلاث شهور .... عمرها 25 سنة وعندها ولد عمره 8 أشهور ....

أدعولها بالصبر لانها وااااااااااايد تعبانه....

__________________________________________________ __________

>>>> الرد الخامس :

المشاركة الأصلية كتبت بواسطة أسيرة الدمعة
وحدة من الاهل متزوجة من سنتين تقريبا توفى زوجها تقريبا من ثلاث شهور .... عمرها 25 سنة وعندها ولد عمره 8 أشهور ....

أدعولها بالصبر لانها وااااااااااايد تعبانه....



الله يصبرها يارب ادري هذه المرحله وايد صعبه لاني مريت بظروفها والحمد لله علي كل شي

الله يرحم الجميع ان شاء الله