عنوان الموضوع : الي مركبات تقويم ارجوكم تدخلون كلكم سؤال مهم من مطبخي
مقدم من طرف منتديات الضمير العربي

يابنات انا ليه 4 ايام مركبه تقويم اسنان من فوق ومن تحت
وفيني الم من اثر احتكاك حبيبات التقويم بالفم من داخل
وصداع شديد من تاثير الشد
خبروني في المستشفى انه اسبوعين وبيروح الالم
انتوا كيف خبروني طمنوني الالم بيروح ولا لا ؟؟
والدكتور محمد المزين الي في عيادة الضيافه قالي اسنانك مدتها سنه وتتضبط
بس انا خايفه انه يقولون هالكلام للمريض عشان يركب عندهم ومايتردد
عشان يكسبون
وانه المريض ممكن ياخذ سنتين موسنه
انا ادري انه على حسب حالة الاسنان
بس هوا خبرني انه سنه بس خايفه يقولون هالكلام عسب يكسبون
انتوا شو رايكم هل اذا قالولكم مده محدده يكونون صادقين ولا كلام فاضي ؟
ومتى يروح الالم ؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اختي انا مركبه تقويم عن د محمد المزين ماعليه الم بيخوز منج
بس تحملي كمن يووم وعقب بتتعودين
وصح كلامه ثقي فيه دامه قالج سنه يعني سنه
حى انا قالي سنه ونص وخلاص شاليته
الحمدالله فتكيت اي سؤال انا حاظره

__________________________________________________ __________

>>>> الرد الثاني :

المشاركة الأصلية كتبت بواسطة احبه موت
اختي انا مركبه تقويم عن د محمد المزين ماعليه الم بيخوز منج
بس تحملي كمن يووم وعقب بتتعودين
وصح كلامه ثقي فيه دامه قالج سنه يعني سنه
حى انا قالي سنه ونص وخلاص شاليته
الحمدالله فتكيت اي سؤال انا حاظره




الله يوفقج ويسعدج دنيا واخره
والله كنت خايفه ابقى جي متالمه سنه كامله
الحمدلله ريحتيني الله يريحج يارب
وانتي كيف صارت اسنانك الحين ؟؟
بشري ؟
وشو كانت مشكلتها ؟؟
انا عندي مسافات بين الاسنان العلويه والسفليه
وبروز في الفك العلوي بس
انتي شو حالتج كانت وكيف صارت ماشاء الله
الله يديمها عليج صحه وعافيه يارب
بركة هذا الصباح يارب لانج طمنتيني والله وايد

__________________________________________________ __________

>>>> الرد الثالث :

المشاركة الأصلية كتبت بواسطة عروس 2008
الله يوفقج ويسعدج دنيا واخره
والله كنت خايفه ابقى جي متالمه سنه كامله
الحمدلله ريحتيني الله يريحج يارب
وانتي كيف صارت اسنانك الحين ؟؟
بشري ؟
وشو كانت مشكلتها ؟؟
انا عندي مسافات بين الاسنان العلويه والسفليه
وبروز في الفك العلوي بس
انتي شو حالتج كانت وكيف صارت ماشاء الله
الله يديمها عليج صحه وعافيه يارب
بركة هذا الصباح يارب لانج طمنتيني والله وايد




انا كان تقريبا نفس مشكلتج والحمدالله الحين كل شيء تمام وشغله وايد حلو ونظيف ومرتب يعني اطمني من ناحية الشغل والمظهر اخر شي
الله يعافيج حبيبتي مشكوره عالدعوه الطيبه
والله يوفقج ان شاءالله

__________________________________________________ __________

>>>> الرد الرابع :
حبيبتي نسيت اقولج اذا استمر الالم عندج اكثر من اسبوع
راجعي دكتور محمد

GOOD LUCK SIS

^_*

__________________________________________________ __________

>>>> الرد الخامس :
الله يعطيج الف الف عافيه
صدق ارتحت وايد من كلامج
بس خبريني كم كلفج التقويم عنده ؟
لاني انا قالولي 10 الاف درهم فوق وتحت وتقويم معدني عادي بس اقدر اغير الون كل شهر
وكلمة الدكتور محمد قلتله يسويلي خصم قال اخر شي 9500 تسعه الاف وخمسميه
انتي كم تكلفة علاج اسننانج ؟
وشو احسن لون جربتيه مايبين وايد بشع في الاسنان ؟؟