عنوان الموضوع : تعالوا ساعدوني بختيار فندق واماكن مناسبه لرحلتي.. لذوي الاحتياجات
مقدم من طرف منتديات الضمير العربي

السلام عالغالياات
خواتي الجمعه اليايه مرتبين بنسير لدبي يوم كامل وبنرد السبت ..
فأبغي حد يدلني على اماكن حلوه انزروهاا ..
انا محطيه فبالي السبت شوبنق بسيرالتنين >>بعده التخطيط فبالي ماخبرت ريلي لوووول
ماعرف اذا بعدين بيخترعون مكان على الله
بس الجمعه بنوصل هناك قبل الصلاه ..
ابغي مكان نسير نتغدا فيه ويييييييين ملينا من البيتزا وها السوالف نبا اكل لووووووول
وعقب بنطلع عالشارقه بنحجزهناك. وين تنصحوني احجز وترى الميزانيه مب لهناك بيكون اخر الشهر
انا كنت ابغي فدبي بس الاسعار وااايد وانا محطيه ميزانيه لطلعتنا .. وابغي غرفتين وصاله اقل شي
فلاتبخلون علي..فدبي ولا الشارقه بأسعاار حلوه ..
المهم >> هذربت واايد
وبنحاوط هناك للمغرب وبنرد لدبي وين انروووووووووح.. وطبعاا لين اخر اليل ..
وبيكون معانا عيالي واخوي ابا اونسهم (رحله عائله )
وعقب بنرد ننام فالشارقه ..
وبنش السبت قلتلكم ابا اسير التنين كل مره اروحله ما اكمله >حالفه تلفه لفه كامله لوووووووول
فيكون معاي يومين وين ارووووووووووووح دلوني ياخبيرات دبي والشارقه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا الغاليه سيري الشارجه في الشقق الفندقيه اللي هناك وايده .. فيه فندق ريان ..وعندج في الخان فيه فنادق حلوه ورخيصه .وعندج في الشارجه ورا سوق المجره شقق فندقيه مثل جميرا وطيبه وامممم وفندق الميلينيوم علي كورنيش البحيره .. وفندق الهوليدي كلهم حلوات ..

__________________________________________________ __________

>>>> الرد الثاني :
كمبنسكي دبي رووووعه بس غالي شوي
شي بنات وايد ما شاء الله منزلين مواضيع عن الفنادق ف قسم السفر والسياحة

__________________________________________________ __________

>>>> الرد الثالث :
فديتج شوفي قسم السياحة ف الإمارات ف المنتدى
وااايد بيفيدج و بتكون عندج فكرة عن الأسعار و الأماكن
و بالنسبة للفندق ف دبي.. احجزيلج في فندق العنوان
ما عندي فكرة عن اسعارهم

بس شوفي تقارير البنات.. ما شاء الله مب مقصرين
المكان حلو و جريب من دبي مول
يعني ترومين تسيرين تسوين هناك شوبنج
و ممكن تسيرون فندق القصر و تكون وجهتكم مطعم إيوان

أكلهم واااايد روعة و بوفيه أنواع و اشكال
مول مول ما بتندمين
و انا مسوية تقرير عنه
بس اسعاره غالية نوعا ما

عندج مول الإمارات.. العربي سنتر.. مردف سيتي سنتر
يعني ما شاء الله الاماكن ف دبي لا تعد و لا تحصى
و بتستانسون ان شاء الله
^^

__________________________________________________ __________

>>>> الرد الرابع :
اختي اذا الميزانية مب لهناك انصحج في فندق الجزيرة في الشارجه رخيص ونظيف وبعد الشقق الفندقية اللي قريبه منه بعضها حلو بس اول تنزلون وتشيكون اذا شي عجبكم واول شي تنتبهين اذا عندج صغاريه اذا البلكونات مسكره والا لا ... وبالنسبة للرحلة بامكانج تروحين التنين ويبالج تاخذين لفة كامله فيه انا اروحه مرة فالاسبوع واخذ لفة كامله اذا تمشية بس بدون شوبنج نخلص بساعه وشوية بس اذا شوبنج ناخذ ثلاث ساعات اذا مب اكثر بس للحين اضيع فيه.....

ورحو دبي مول وابن بطوطه مول حلو للتمشيه في دبي طبعا ...

اما فالشارجه واذا بتلعبين العيال منتزه الجزيرة واذا تبون مركز روحي ميغامول قسم الالعاب...

والسوق الجديم بعد حق الشوبينج...

والله يونسكم

__________________________________________________ __________

>>>> الرد الخامس :
الشارجه: احجزي في فندق اربيلا والا توليب ان خطوتين وادشين للميغا مول