عنوان الموضوع : يا خبيرات الحقــــــــــــــوني .. عروس الامارات
مقدم من طرف منتديات الضمير العربي

مرحباااا بنااات ..

بنات الله يخليكم .. وايد محتاجة هالشي لا اطنشوووني تراني اعض لووول ...

عطوني في الدوام مكتب يديد .. و محتاج صبغ .. انا اخترت الصبغه و سرت امس جوتن بس للأسف انصدمت اني ما لقيت الدرجة اللي اباااها !!! و المشكلة اللي كان فالمحل هندي شكله ما يعرف شي عن الاصباغ يعني حتى يوم اقوله اللون ماعرف اشرحله يااه ..

هذيل اللونين اللي اباهن .. طبعا الفوشيا بس يدار واحد .. و الثاني على باقي اليدران ..



ابا اسوي تقريبا نفس الألوان اللي في هالصورة .. حتى الأثاث ..



الحين انا اريد ادخل مع هاللونين اللون السلفر و الأسود ... الكراسي بخليهن اسود ..
الستارة هم من قبل امسوينها ماروم اشلها .. ستاير سيدار مال المكاتب ... لونها بيج خفيف قلت بحاول ادخل امبينها شرايط بنك و فوشيا ..

بس شو اسوي الزولية ؟؟؟

صعب احصل زولية لونها فوشي .. انا لقيت وحدة رووووووووعه لونها سلفر عيبتني وااايد ..شو رايكن ينفع ؟؟

و كيف ممكن احصل درجة الوان الصبغ لي اباها ؟؟

بنااات بليييز ردوا علي لأن المكتب موول مافيه شي فاضي مافيه غير مكتب و مأخرة تأثيثة بسبة هالصبغة و ضايعه فالدوام كله ايلس في مكتب ربيعتي لووول ...

انتظر افكاااركم الحلوة ...


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
جربي Ace Hardware عندهم كل الدرجات من جوتن ، وممكن شركة ديكوماس في الشارجة شغلهم وايد مرتب

__________________________________________________ __________

>>>> الرد الثاني :

المشاركة الأصلية كتبت بواسطة ياقوتةخضرا
جربي Ace Hardware عندهم كل الدرجات من جوتن ، وممكن شركة ديكوماس في الشارجة شغلهم وايد مرتب



تسلمين الغالية ... آيس موجود عندنا بس الشارجة صعب اسير عسبة مكتب خخخخ ريلي بشوتني لوول ...

__________________________________________________ __________

>>>> الرد الثالث :
سيري ايس احسن

واما عن الوان الاثاث اللي اخترتيه وااايد حلو

والزليه اظن السلفر بتطلع احلى من الفوشي لانه مكتب مب غرفة نوم

واصبغي فوشي جزء بسيط والباقي لون الرمادي

بيطلع مرتب اهد

واحس لو اتقللين من اللون الفوشي
يعني كورنر بسيط بس اصبغيه فوشي والباقي سلفر

__________________________________________________ __________

>>>> الرد الرابع :

المشاركة الأصلية كتبت بواسطة أم كاكي
سيري ايس احسن

واما عن الوان الاثاث اللي اخترتيه وااايد حلو

والزليه اظن السلفر بتطلع احلى من الفوشي لانه مكتب مب غرفة نوم

واصبغي فوشي جزء بسيط والباقي لون الرمادي

بيطلع مرتب اهد

واحس لو اتقللين من اللون الفوشي
يعني كورنر بسيط بس اصبغيه فوشي والباقي سلفر



مشكووورة الغالية على النصايح ... و انا بعد احس الزولية السلفر احسن و اهدا للمكتب .. و بالنسبة لليدار اللي بصبغه مساحته مب كبيرة لأن الباب ماخذ جزء من اليدار ..

تسلمين على المرور اختي ..

و انتظر راااي الخوات ..

__________________________________________________ __________

>>>> الرد الخامس :
انزين جوتن عنده اللون اللي اخترتيه.........قوليله الوان كمبيوتر....اصباغ ليدي جليز...وهو اصلا عنده لوحه او كاتلوج فيه كل الألوان وبكل الدرجات...يدخل البيانات بالكومبيوتر...وتظهر لج
واللي اخترتيه كله تماااااام...والمكان الهادي للمكتب افضل