عنوان الموضوع : طرق متنوعه """القــــــشـــد الملكــــــــــــي""""
مقدم من طرف منتديات الضمير العربي
من الاكلات السعوديه ومرغوب
اكثر في فصل الشتاء
لانه يحتوي غالبا على السمن او الزبده
مع التمر والطحين ولكن البعض اضاف عليه
اضافات اخرى مثل هذي الطريقه
المقادير :
عبوة كامله تمر خلاص مكنوز
كوب ونص دقيق بر
10 ملاعق حليب بودره .
10 ملاعق سميد
علبة قشطه
ثلاث ارباع علبة حليب بوني او اي حليب حق الشاهي.
4 ملاعق زبده ذايبه.
الطريقه :
1/ ينزع النواة من التمر ويترك جانبا .
2/ نضع الزبده بالطاوه ثم نضع فوقها الدقيق والحليب والسميد ونحمصهم شوي .
3/ نضع التمر فوق الدقيق ونحركهم مع بعض بشويش على النار عشان يمسك الدقيق على التمر .
4/ نضيف علبة القشطه ثم نحرك زين ثم نضيف الحليب ونحركه زين لين تشوفين تماسك شوي لكن لايزال منثر شوي ، ثم نغطيه ونخليه على نار هاديه مره شوي لين يصير التمر دافي مثل العالم والناس لان هذا الحلى حلاته ينأكل وهو حار شوي او دافي .
5/ نرشه بالسمسم وشوي جوز مفروم خشن انا ماكان عندي جوز حطيت رشة فستق وطلع يم يم يم .
6/ نضعه بحافظه عشان يجلس دافي ويقدم منه في صحون للضيوف او للموجودين .
الطريقه الثانيه
المقادير :
1- صحن تمر سكري
2- 3 ملاعق كبيرة طحينة
3- 3 ملاعق كبيرة جوز الهند
4- نص قالب زبدة او اقل
وهذي صورة مقاديري
الطريقة :
1- نذوب الزبدة والطحينة على النار
2- ثم نضع التمر ونقلبة لمدة دقيقتين
4- ثم نضع جوز الهند ونشيل القدر من النار ونقلبة الى ان يتجانس ممكن اضافة هيل وزعفران
5- ثم يقدم بطريقة التمر العادي او انكم تدلعونة وتحطونة بقراطيس الحلا مثلي بس انا مو واضح الورق لونة بني
الطريقه الثالثه
اصبع زبده 200جم
تمر منزوع النوى
عندي سكري محطيته بالفريزر ولما طلعته صاير طري
2 علبه بسكويت الشاي اولكر مطحونه
علبة قشطه
حليب سائل ((المراعي))
اول شي نحط الزبده في القدر على شان نذوبها
ولما تذوب الزبده نضيف البسكويت المطحون ونقلبه الى ان يتحمص شويه
وبعد كذا نضيف التمر ونقلبه مضبوط مع البسكويت على شان يختلطوا
بعد كذا نضيف القشطه والحليب ونقلب الى ان تختلط القشطه مضبوط مع التمر ولا تبين
بعد كذا نحطه في حافظه ونزين الوجه بشويه من البسكويت المطحون
ويؤكل دافي
الطريقه الرابعه
اول شي جيبي الزبدة وذوبيها أو حطي زيت بس اضيفي له شوي فانيلا وأضيفي له دقيق بر وحركيه لحد ماتطلع له
تلك الرائحة الزاكية ثم جيبي التمر
التمر افضل شي السكري القاسي أو اي تمر بس يكون قاسي أفضل ليش
عشان إحنا نبي نحركه على النار واذا كان قاسي بيلين لكن لو كان لين بيذوب عاد حركيه لحد مايمتزج التمر
مع الدقيق واضيفي له سميد ممكن ملعقتين على العموم المقادير أنتي اللي تحددين كميتها على عينك
اذا امتزج تمام اكتميه بحافظة وقدميه على طول على فكرة ممكن كخطوة أخيرة تضيفين قشطة وتحركينه لحد ماتختفي مع التمر
ممكن اضافة بعض المكسرات ع حسب الرغبه
(سمسم + كاجو + لوز مبشور ) كلها على بعض بمقدار ثلاث أرباع كأس
وهي كالتالي
تذوب الزبده
يضاف لها البسكويت المطحون ويحرك على نار هادئه
لمده 2 دقيقتين تقريباً مع التحريك حتى لايحترق
أضيفي التمر والمكسرات مع التحريك
ثم اضيفي القشطه وحركي حتى تختفي
وانت مخيره مابين انك تخلين التمر يكون على نفس شكله او معبوط
اذا تبينه على عدله أو مو معبوط لا تقلبينه كثير ولا يطول على النار وهذا الافضل بالتقديم
اما اذا تبينه مره منهرس ممكن تقصري على النار وتقلبينه بأقصى قوة عندك
نصيحة ***
الكمية خليها على قد اللي بتاكلونه على طول لأنه مو حلو اذا برد وقسى
منقول للفايده
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
مشكووووورة الغلا ع النقل المفيد ^.^
نورتي
__________________________________________________ __________
>>>> الرد الثالث :
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
