عنوان الموضوع : @زوجي يطلب مساعدتكم دخيلكم بيظوا ويهي @ لصحة الحمل
مقدم من طرف منتديات الضمير العربي

السلام عليكم

خواتي ريلي وحليله الله يعافيه ويعافيكم جميع مرض بارتفاع في نشاط الغده الدرقه واللي ادت لزياده وزنه بعد ماكان جسمه ماشا الله بطل كمال اجسام ومتن ماادري انتفخ مااعرف شو استوى عليه ..يحاول ياكل من اكلي لاني انا طبعا كله دايت بس ماشي فايده .. يقلص عدد وجباته من 3 وجبات الى وجبه بس بعد ماشي فايده احس انه لازم يسوي نظام عذائي بس مايبا شي متعب يبا شي سهل ومريح ويقد ايسويه لانه مايتحمل ويبا شي سريع المفعول ونسيت اخبركم انه كان وزنه 75 والحين 98 ومتحطم وعنده عزيمه وحشيه الله يحفظه للريجيم

فاللي تعرف ريجيم يخص الرجال او ينفع للرجال اتخبرني انا قتله ماحد بينفعك غير منتدايه اللي دوم يتطفر منه من كثر مايشوفني يالسه عليه فبيظو الويه الله لااااااااااهانكن

ويعلكن انشالله في رشاقه مستمره (( خخخخ ادق على العوق اوني ))

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حبيبتي
اللي اعرف اول شي لازم يروح يتعالج من الغده
لانه مهما سوا مافي فايده
لان الهرمون يلعب دور كبير في الجسم
الله يشفيه أن شاء الله

__________________________________________________ __________

>>>> الرد الثاني :
الله يشفيه و يعافيه

مع اني قريت ان فرط نشاط الغدة يسبب فقدان كبير في الوزن مع وجود شهية عالية في الاكل ...
هو المفروض يداوم على علاج و يسال الطبيب ويستشيرة و ممكن الطبيب يحوله على اخصائي تغذية مناسب لوضعه أو يكتب له حبوب تساعد على ضبط افراز الغدة ...لان اذا اهمل هذا المرض ممكن يطور ويسبب خمول او غيبوبة صعب علاجها الا في حال استئصال الغدة او التناول عن بعض وظائفها ...الله لا يبتلينا ان شاء الله ..


و موفقة ان شاء الله الحبوبات بفيدنج للي عندها تجارب ..

__________________________________________________ __________

>>>> الرد الثالث :
رايي من الي قبلي

واسئليه .. لاني متاكده انه قبل كان يستخدم بروتين وقت الرياضه وهاشي بعد ياثر اذا فجأه وقف تمارينه

^^

__________________________________________________ __________

>>>> الرد الرابع :
اختي عن عندي مشكلة في الغدة بعد ... بس هبوط في النشاط .. وهو اللي يسبب الكسل والخموول وزيادة في الوزن ... اللي اعرفه ان الغدة النشطة تنقص الوزن ما تزيده ... شي غريب

ما علينا .... لازم يسير يتعالج اختي عشان اترد الغدة لطبيعتها ... وعقب يفكر يسوي رجيم او رياضة ...

انا خالي خبير في هالسوالف .. ويعرف شو الوجبات والرياضة المناسبة .. امم مادري اذا بيقدر يساعده ولا لا!

__________________________________________________ __________

>>>> الرد الخامس :
لااااااااا يابنات انا يمكن ماوظحت ان ريلي اتعالج من الغده والعلاج كان حبه اليود اللي تنزل مستوى الغده لادنى درجه وبعدين عطوه حبه يستعملها طول حياته عشان تخليها على المعدل الطبيعي بس الحين الحمد الله احسن وبالفعل اول مانشطت الغده عنده ظعف بشكل خيالي وبعد ماتعالج الحين وزنه في ازدياد بس انا اقول ابا اجربله نظام غذائي يمكن يساعده .... وسبب ذكري لمرضه اني حبيت اوضح انه مب في وضع طبيعي لانه يمكن مايتجاوب ويا الريجيم ويمكن حد عنده فكره مشابه لحالته ويمكن اي نظام غذائي متقن ينفع هو يبا يحاول مابيخسر شي ويوم سال الدكتور ليش وزني زايد قاله ماله دخل اتبع ريجيم وبتظعف بس المشكله انه كل مايقلل من اكله ماينزل من وزنه خصوص هو مب من النوع الاكول
وسلامتكم وسوري لعدم التوضيح بس ماحبيت اطولها