عنوان الموضوع : زوجي و حياتي اليديده المومة و الطفل
مقدم من طرف منتديات الضمير العربي

السلام عليكم

خواتي شحالكم
احس حياتي تغيرت
بغيت مساعده منكم انا مربيه وباقي 10 ايام وبظهر من الاربعين محتاره ما اعرف كيف اعتني بعمري لانه مربيه قيصريه ما اقدر اسوي رياضه ولا حمام مغربي والمشكله اذا ابا اخذ لي اغراض واتعدل لريلي اسير الصالون بنتي كيف اخليها لانه ما ترض الا طبيعي وريلي احس به مو مثل قبل متغير تخيلو عقب ما ربيت ثاني يوم سافر ورجع وما زارني ولا ياب لبنته او لي هديه البيبي او السفر , ونحن بنتقل بيت واقول لريلي رتب الاغراض عل الاقل شويه بالبيت اليديد لا تخليه لايث يقولي يوم بترجعين بترتبينه ولا جني توني مربيه وتعبانه شوه الحل كيف اتصرف ؟؟؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
شوفي حبيبتي اعتتني بنفسج ومب لازم حمام مغربي وحاله .. خلي بنتج عند قوم امج وخله يسولها مرضعه يعني بس اليوم الي بتسيرين فيه الصالون .. وقصي شعرج وقصي قصج french سوي بديكر ومنكير وبس ويوم بتردين بيتج تعدلي ولبسير احلا ماعندج ^_^

وعن ريلج لاتشغلين بالج بس يوم بتردين بيتج حاولي تيلسين وياه الفليل يوم بترقدين البيبي وقوليله كل الي في خاااااااطرج والله انه هااي احسن طريييقه .. يعني لاتخلييين شي فخاطرج والله .. بينيله انج متوله عليه
ترا ارياال مثل الياهل يباله بعد حد يداريه .. واهم شي لاتنشغلييين عن ريلج والله يعني اهتمي في هو بعد مب بس البيبي

والله يهدي ريلج ياااااااااااارب ويخليلكم البيبي ^_^

__________________________________________________ __________

>>>> الرد الثاني :
الغاليه عادي شوفي وحده من الحريم الي اييون البيوت يعدلون مو سالفه

الصوالين والريحه مو اوكيه لليهال

لا تحاتين الريال وايد اهتمي بعمرج الحين ،،، ولان دخل فرد جديد ممكن هو يحس بعد

انج انشغلتي عنه ،،، حاولي تبيني اهتمامج وكوني طرشي له مسجات حلوه ،،،

وان شاء الله ،،، الله بيسر عليج


انا ما اذكر سويت حمام مغربي عقب اي ولاده اصلا اكون لهكانه خخخ

عادي هاي هي الحياه بس يبالج كم شهر عقب بتردين ورده حلوه واموره

لا تحطين في بالج في يوم وليله بتردين على الاقل عطي نفسج 6 شهور عقب احكمي

__________________________________________________ __________

>>>> الرد الثالث :
ماعليه الغاليه،،
وايد حريم اسمعهم يشتكون من هالمشكله،،
احس انها فتره مؤقته وبتعدي من تردين البيت وشوي شوي بيرد ريلج مثل ماكان،،

اهم شي لاتنشغلين بالبيبي وتنسين ريلج،،
واذا كنتي معوده ريلج عالبس والتزقرت 24 ساعه فلا تتركين هالعاده عسب مايحس بفرق،،
الله يديم بينكم الالفه والرحمه والموده ويحفظ لكم البيبي،،
والحمدلله عسلامتج

__________________________________________________ __________

>>>> الرد الرابع :
مشكوره ما تقصرين بس انا عرفت ريلي زين باليل يقول كلام والنهار يغير كلامه تعبت هل العيب الي بريلي ما اقدر استحمله

__________________________________________________ __________

>>>> الرد الخامس :
خلي ريم اييون لج البيت و ايسوون لج كل شي خل اتولي البيزات بس لا اتهدين بنتج و لو تبين توزيعات فالج طيبب و لا اتهدين ريلج موول