عنوان الموضوع : انا وش ذنبي انه ربي خلقني جي ...! لتربية الطفل
مقدم من طرف منتديات الضمير العربي


مرحبـــآ بنآت ..

حبيت احط لكم موقف ناس من الاهل ..
واتمنى تشوفوا حكمه رب العالمين كيف ..
وانه الخيره فالاخير فيما اختاره الله..
وانه العبد مهمآ مرت عليه ظروف ما يياس ولا يتذمر ..
وحتى لو رب العالمين رزقج بالشي البسيط فلا تنظرين للي اعلى منج انظري للي اقل منج واحمدي ربج على نعمه الكثيره ..
مافي انسان مش حلو ولا خسف .. وفالاخير المضمون هو اللي يطغى على الشكل
--


كل حرمه ادور لولدهآ الزيــــن .. بنت حلوه مزيونه وبيضه ..

ويوم من الايام زارت الام عايله في منطقتهم ..

شافت بنتهم وانعجبت بتصرفاتهآ وكيف توجب العرب وتسولف معآهم وانعجبت باسلوبهآ ..

وولامانه اهيه قمه فالاخلاق والتواضع

بس هآ حطيت خط على انهآ مش بيضه .. حنطآويه ..

رجعت الام البيت ويلست تمدح فلانه لولدهآ وقال الريال خلاص اخطبيها لي ..

شآفهآ وشافته وتمت الخطبه ..

وتمت الملجه ..

البنت بدت تبدع فالطبخ وكل يوم اطرش له اكلات حلوه وهو يحبهآ .. وغير الاسلوب الحلو اللي تتكلم فيه معآه ومع الكل للامانه .. اجتمآعيه تحب الكل ..

بس بعد فتره قام الولد يعاير البنت بلونهآ وبشكلهآ .. ترك كل شي حلو فيهآ ويلس يدقق بس على اللون والشكل ..

البنت وللامآنه كآنت تموت عالتراب اللي يمشي عليه ريلهآ ..
كل يوم بمفاجاه ..

لكــــن

قبل اسبوع عرسهم طلقهآ ..

ليش وش السبب ..

لانهآ مش حلوه بس

امه اول انسانه تعبت من طلاقهم لانها تعز البنت والبنت وايد تحترم اهله

صاحت البنت صيآح وتالمت الم وغير انهآ رسبت فالدراسه وادهورت حياتهآ ..

وكآنت كله تقول ليش انا بالذات ..

وش ذنبي انه ربي خلقني جي ولوني جي ...

بس بالاخير قالت الحمد الله على حآل ورجعت بعون الله لحياتها العاديه وشدت حيلها ونجحت

شوفوا الحكمه ..

بعد شهر خطب و تزوج الولد بنت ثانيه بيضه وفيها كل مواصفات الجمال لـــــــــــــــــــكن ما تعرف تطبخ حتى بيضه ..

كل يوم هم في بيت اهله يتغدون ويتعشون ويروحون بيتهم .. لانهم ساكنين فشقه

عنيده .. واللي فراسها تسويه ..


وواكثر من جي انه عقلها طفولي تحب الروحه والييه وتزعل من اسخف الامور وتضخمهآ حتى لو كانت ما تستاهل ..

يعني بالمختصر خذ الجمال وخسر الحرمه اللي توجبه وتقوم بواجبه واللي يسمع منهآ الكلام العسل ..


ومرت السنه من زوآجهم ..


شوفوا الحكمه الثانيه ..

تقدم للبنت الطليقه وآحد مش بس يموت عليهآ الا متخبل عليهآ .. لو تطلب عيونه يقول تفدآج ..
صبرت واحتسبت وربي عوضهآ ياللي يحشمهآ ويقدرهآ ويحترمهآ ..

والحينه ملجت وعقبال العرس ان شاء الله

--
شوفوا حكمه رب العالمين كيف ..
بنات انا ما كتبت الموقف شماته او اقلل من قيمه الحرمه الثانيه لا
بس حبيت اوضح الحكم اللي الكل لاحظها ..
وانه الانسان حتى لو كان فيه جمال بسيط واقل من البسيط فهو في نعمه وانه رب العالمين يسخرله اللي يحبه ويقدره
وانه الشكل واللون مب كل شي فالحيآه ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
من تواضع لله رفعه
مشكووووووورة

__________________________________________________ __________

>>>> الرد الثاني :
الله يهدي الناس و خاصة الشباب الي يركضون ورا البياض و بس ...

__________________________________________________ __________

>>>> الرد الثالث :
سبحان الله الله يعطي كل واحد علي حسب نياته وإلي يصبر يلقي

__________________________________________________ __________

>>>> الرد الرابع :
سبحان الله .. صدق سالفة تخلي الواحد يحمد الله ويتفكر فقدرته ورحمته ... اللهم نسألك الهداية والرحمه ...

__________________________________________________ __________

>>>> الرد الخامس :
الله يرزق كل واحد على نيته والحمدلله صبرت ونالت والله يوفقها يارب والخيرة فيما اختاره الله لهم

الحمدلله على كل حال