عنوان الموضوع : أأأأأأأااه تعبت من ريلي .......... لتربية طفلك
مقدم من طرف منتديات الضمير العربي

السلام وعليكم ورحمة الله وبركاته

بدش في الموضوع على طول

من سبعه اشهر تقريبا ريلي مايزور اهله ولا يكلمهم .........والسبب
كبريائه وكبريائ ابوه وحرمه ابوه ..........يعني ولله الحمد محد اشجع
الثاني يعني كلهم متكبرين ..........ابصراحة البداية كنت اسير عندهم
وللعلم انه نحن ساكنين في بيت واحد بس انا في قسمي ..برووحي...
لكن بعدين حسيت عمري يوم اسير عندهم مب ذاك الزد يعطوني ويه
ومعدني ماسويت شي حتا استويت ماحب اسير ......وريلي اقولى لاتسيرين
بس ماكنت اسمع كلامه كنت اسير والحين صارلي شهر وانا ماسير مليت من سخافتهم
المهم انا اريد ريلي يراضي ابوه وماله خص في حرمة ابوه لانها احسها المشاكل منها
وتعبت معاه حتا في صلاتي ادعليه ....وهو حضرته شكله
مستحيل اروح عند ابوه......اقوله حرام ....اتم اسبني يوم انصحه ....اسكت عنه .....احس انه السالفه
تمددت ومابتنحل ...اقوله الله مابيوفقك لافعيالك ولا فصلاتك ....اقولي عادي...اقوله باجر ولدك بيعاملك مثل ماتعامل ابوك اقولي خليه اروم ولدي يروغني من البيت احسه عادي عندة
على فكرة ريلي مصلي وذاكر ربه بس عنده كبرياء...وابوه بعد وايد متكبر ....
اذ وحد عندها حل يليت لو اتفيدني ولي ماعندها ترفعلي الموضوع ولو بدعوة صادقة من القلب
اللهم الف بين قلب زوجي ووالده ...اللهم الف بين قلبي وقلوبهم...اللهم امين يارب العالمين

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
وانا اول رد على موضوع


رب يهدي ريلج ان شاء الله ...


فديتج لا تياسي من روح الله ، وانتي تسوين عشان ربج يرضي عليج ..


وكثري من الاستغفار ..


ربي يفرج هموم المسلمين

__________________________________________________ __________

>>>> الرد الثاني :
لا حول ولا قوة إلا بالله العلي العظيم
الله ايكون ابعونج حبيبتي

__________________________________________________ __________

>>>> الرد الثالث :
مشكور اختي على مرورج ودعوتج لي
يزاج الله الف خير

__________________________________________________ __________

>>>> الرد الرابع :
اويه
حرام مهما كان هذا ابووه و لازم يبره عشان عياله يبرونه عقب
انصحية و قوليله قصص عن عقوق الوالدين عشان يتعظ
و قوليله بركة دعاء الاب و مكانة الاب و كيف الرسول صلى الله عليه و سلم وصى على حق الوالدين
و الله يهديه

__________________________________________________ __________

>>>> الرد الخامس :
ما شاء الله عليج حبيبتي .. لو وحدة ثانيه غيرج جان فرحت وزادت الطين بله
ب حبيبتي لا تزودينها ويا ريلج دامه يعصب ويسب شكله متحسس من شي كبير .. بين فترة والثانيه طرشي اي شي صوب اهله مثلا فواله العصر .. وانصحيه على فترات متباعدة بدون زن لانه بيطفر منج انتي بعدين ... وادعيله في صلاتج .. والله يصلح حالكم