عنوان الموضوع : شاكة ان بشكارتي الفلبينيه وياها موبايل تدابير منزلية
مقدم من طرف منتديات الضمير العربي

السلام عليكم ورحمة الله وبركاته

خواتي عندي بشكارة فلبينية من شهر يايبتنها ما شفت عليها شي تشتغل اوكي بس مدري ليش قلبي يقولي أن عندها تلفون سألتهاا جم مرة تقول لا ما عندي ودوم افتش أغراضها ما القى شي

لما اليوم كانت تنظف حمامي سرت بسرعة أشوف لقيت عندها مقلمة دافستنها بجنطتها العودة صوب العمود اللي ندز فيه الجنطة وداخلها باتري تلفون نوكيا وسماعة تلفون نوكيا وشرش تلفون ومحول شالتنه من بيتنااا بس ما لقيت التلفون للعلم انها من يت وياها بطاقة فلبينية بس مدري أريد أفتش عدل لانه كله عالطاير أفتش واهيه ترتب وبعد لقيت وياها كرتون كامل بسكوت داخل شنطة الايد مالها معني ما شريت لهااا بس نحن نسير بيت أهل ريلي ونبات هناك يومين كل اسبوع ودوم تشل وياها جنطة فيها ثياب أخاف يعني تخش الاشيا هناااك مثلا تلفون أو سرقت شي بتخشه هناك انا حاليا شريت لها من كل شي وقلت لها تحط بيت اهل ريلي وما تشل وياها جنطة

الحين كيف اعرف عندها تلفون او لا ؟؟ واخاف افتش اغراضها جدامها تحقد علي وعبنتي وتسويبنا شي قولولي كيف اتصرف ؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
للرفع

__________________________________________________ __________

>>>> الرد الثاني :
ما ادري بس احس خليها كمن يوم وعقب شوفي لج طريقه
وع فكرة صار التلفون الحين مووضوع عادي كل الخدم عندهم
والسموحه

__________________________________________________ __________

>>>> الرد الثالث :
دآم شغلهآ اوكي ليش ماتخلينهـآ تاخذ فون شو فيهـآ ؟! ترمس أهلهـآ

__________________________________________________ __________

>>>> الرد الرابع :
خواتي أنا أخليها ترمس اهلها من تلفوني كل شهر وبعدين البشاكير من يكون عندها تلفون تخترب وتتعرف وما تخلي أحد الا تتعرف عليه ونحن مجربين ببشاكيرنا اللي قبل كان عدنا وحدة تامة بالبيت 8 سنين وزينة وايد بالشغل من خذولها تلفون 24 ساعة واهيه ترمس بالتلفون وخف شغلهااا وعقب مرة زخيناها مع واحد واعترفت انها تدخلهم البيت وتسوي الخايسة وياهم ونحن يا غافلين لكم الله هذا مه انها بال 40

والحين شو الراي ؟؟

__________________________________________________ __________

>>>> الرد الخامس :
بصرااحه لو الخدامه اووكي وشغلها تمام وماعليه كلام .. ما أأيد ان يكون عند الخدامه فوون ..
بصراحه يسوون مشاااكل .. واذا تبا ترمس اهلها ترا اي وقت تبا ترمس اهلها انتي ما بتقصرين ..
يعني اشحقه يكوون عندها فوووون !!

وماتضمنين تكلم منوو ؟؟ .. سبحاان الله .. يمكن ادخل البيت حد بغيابج ..! او اتييب ربعها ..
ف اختي من راايي شوفي طريقه ادورين الموبايل ولازم تقطعين الشك باليقين ..

وقولي لها متى ماتبين ترمسين اهلج انا بعطيييج ..