عنوان الموضوع : اريد علاج لسقوط الشعر ازياء عصرية
مقدم من طرف منتديات الضمير العربي

بنات شعري بيتساقط ومافي اى كريمات او شي تعالجه ابا اعالج سقوطة بحجات طبيعيه اللي تعرف ومجربة طرق اكييييده تفيدني بليييييييييييييز

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
أختي أول شيء لازم تعرفين سبب سقوط شعرج بعدين العلاج

__________________________________________________ __________

>>>> الرد الثاني :
كلنا بالهوا سوا

__________________________________________________ __________

>>>> الرد الثالث :
مساء الخير عليكم جميعا خواتي ....
أحس وايد بنات عندهم مشكلة التساقط فشعورهم وأنا كنت منهم .. لكن الحمدلله تخلصت من هاي المشكة نهائيا
وبخبركم بأمانة عن تجربتي وإن شاء الله بتستفيدون وأتمنى إنكم تاخذون بنصايحي لكم لأني بكلمكم عن تجربة
من قريب السنة كنت أعاني وبشدة من التساقط وهالشي خرعني الصراحة خاصة وإن عرسي كان قريب والحمدلله وحدة من المجربات نصحتني أسير لصالون يسوي كورس عناية بالشعر ويعالج التساقط وقلت فخاطري ليش لا بسير وبشوف كيف طريقتهم وشو المواد إلي يستخدمونها
وبصراحة ماكنت واثقة 100 % إن شعري بيرد نفس أول وإن التساقط بيوقف
وقابلت راعية الصالون وكان استقبالها حلو حسستني كانها تعرفني من زمان
المهم شرحتلها مشكلتي كلها وللامانة إلي خلاني أثق فيها هو أسلوبها فالكلام وطريقة شرحها للكورس إلي بتسويلي
والأهم إنه كله مواد طبيعية
مابقعد أسولفلكم كثير أبا اقولكم شو الكورس يمكن إنتم تقدرون تطبقونه فالبيت
أول شي سوو تحليل دم عسب الحديد وتحليل للغدة الدرقية وفيتامين دال
ثاني شي انتبهو لغذائكم اهم شي السمك واللحم والفواكه بقشرها مثل التفاح والخضار مثل الخيار والبطاطا والفلفل بأنواعه والشاي الأخضر{الأكل إلي يحتوي أوميغا 3 }
ثالث شي لاتغسلون الشعر كل يوم حاولو تغسلونه بالشامبو بس مرتين فالأسبوع وعند الضرورة بس بالماي الدافي والبلسم بس على اللأطراف
رابع شي {هاذي النصيحة خاصة للي ينزلون المسبح او البحر }إحمي شعرج من الكلور والرواسب المعدنية الضارة
خامس شي مب كل الزيوت تنفع شعرج .. يعني حبوبة الزيت إلي يناسب شعر خيتج او ربيعتج مب ضروري ينفع شعرج إنتي
سادس شي استخدمو المنتجات إلي نتايجها مضمونة { راعية الصالون عطتني بخاخ وشامبو ونصحتني آخذ حبوب برفكتل من الصيدلية أتناول حبة كل يوم مع وجبة الغدا على فكرة هاي الحبوب قوت شعري وظفوري وبشرتي بعد تعدلت الحمدلله }
الحين خلصت كلامي واتمنى خواتي إنكم تكونن إستفدتم من تجربتي وتقدرون تطبقونها إنتم بنفسكم في البيت خاصة للي ماعندها وقت تسير تسوي كورس فصالون او اي مكان ثاني
مع إن الأفضل إنها تشترك فهالكورس فمكان تثق فيه لأنهم بعد بيسوونلها خلطات طبيعية على حسب نوع شعرها ومشكلته ويستخدمون جهاز ينشط بوصيلات الشعر عسب تنتج شعر فالمكان الفارغ
وعسى ربي يوفقكم جميعا خواتي واتمنى إنكم تدعولي من الخاطر ربي يرزقني بالذرية الصالحة إلي أنتظرها بفارغ الصبر
واي سؤال حياكم وإن شاءالله مابقصر معاكم

__________________________________________________ __________

>>>> الرد الرابع :
زيت الزيتون مع الثوم مع صفار بيض بلدي تخلط وتوضع على الجذور وتعمل مساج لمدة 10 دقائق ثم تغطى بكاب نايلون وتترك لمدة ساعتين ثم تغسل جيدا وتشطف مع اكل غذاء جيد يشمل الجوز والفراوله والبابايا يعني علاج داخلي وخارجي وتعمل كل اسبوع لمدة 6 شهور

__________________________________________________ __________

>>>> الرد الخامس :
مساء الخير ...
انا مثل مشكلتج بس من فترة وحده نصحتها بطريقة والحين جربتها من اسبوع وان شاء لله خير

هي ملعقه ونص بودرة السدر + نص كاس ماي تخلط مع بعض وتحطينه ع الشعر لمدة ساعه او لين يجف ع راحتج
وبعدها تغسلين شعرج بماي بس من غير شامبوووووو

وبعدها تدهنين شعرج باي زيت او كريم بديل الزيت شوي وتغسلينه بالماي .. من أول مره بتحسين بالفرق

3 مرات في اليوم
لمدة شهر ونص