عنوان الموضوع : نصائحكم للرضاعة الطبيعية للصحة
مقدم من طرف منتديات الضمير العربي

مرحبا بنات

هذا اول بيبي لي ان شاءالله وبدي نصائحكم بخصوص الرضاعة الطبيعية
كيف اخلي البيبي يقبل يرضع مني عطول ؟
لإني سمعت كتير بنات ما عرفوا ولجأوا للصناعي .
وكيف ازيد الحليب ؟ وشو المشاكل اللي ممكن اواجهها ؟

وجزاكم الله كل خير

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يسهل عليج و علينا يارب

من البداية لازم تعطينه طبيعي و لا تسمعين كلام حد يقولج لازم عطيه صناعي عسب لو طلعتي أو شي و انتي كل ساعتين ردي رضعيه لان هالشي يزيد الحليب عندج

ترى انتي بعد بتحطيله من الحليب الطبيعي فالمرضعة لو اضطريتي تطلعين عنه

تمي حاولي عالطبيعي كله لانه يقوي مناعة الطفل

فالبداية يمكن اول ثلاث ايام بتنزل لج مادة و هذي لازم تخلينه يرضع منها يقولون وايد مهمه فلا تقولين ما يشبع لانه معدته صغيرة البيبي

خلي اكلج صحي و أشربي وايد ماي و عصاير و حلبة و حبة الحمرا و بعد الطحينية (رهش)

و ان شاء الله انج ما بتواجهين صعوبات

__________________________________________________ __________

>>>> الرد الثاني :
كلام Best_A صحيح
حاولي ترضعينه كل ساعتين في فترة الأربعين صح بكون شوية تعب عليج بس لام عشان تحفزين صدرج يفرز حليب أكثر، ولا تحاولين تعطينه صناعي ، أنا في عيالي كنت بس أعطيهم حليب طبيعي حتى الماي ما كنت أعطيه لهم وكانوا أهلي يحتشرون علي بس كنت أطنشهم لأني قريت إن هالشي عادي والحليب الطبيعي وايد فيه ماي يعني الياهل ما يحتاي له ، في حريم يتعذرون بخصوص حلمة الثدي تكون داخل وصعب الياهل يطلعها ، الحين في الصيدليات بتحصلين أداة تحطينها على الثدي واتساعد الحلمة تطلع لبرع.
طبيعي الياهل بينزل وزنه أول أسبوع فلا تحاتين بزيد بوزنه بالتدريج إن شاء الله
عن تجربة شخصية وما راح أكذب عليج الرضاعة الطبيعية تحمي طفلج من الأمراض وخاصة حساسية الصدر، راح تسوي لج مانع حمل طبيعي إذا استمريتي عليها وتنحف جسمج يعني ما يهمج كلام الناس اللي بتيج تقولج حرام خليه يرضع صناعي يمكن ما يكون شبعان وإلا رضعيه صناعي بالليل عشان يتم راقد فترة أطول ترا انتي اللي بتتعبين وياه بعدين.
قبل أهلنا لا عندهم صناعي ولا أشياء مساعدة والحمدلله اعتمدوا على الطبيعي وصحتهم ما شاء الله ما عليها كلام وشوفي الحين الكل اعتمد على الصناعي وبدت تطلع لنا أمراض يديدة.
إن شاء الله استفدتي بعد هالمحاضرة خخخخخ
الله يحفظ لج ولدج ويجعله قرة عين لج ويوفقج في تربيته.

__________________________________________________ __________

>>>> الرد الثالث :
تسلمون انا وحبيبي & بست

استفدت من نصآيحكم انآ بعد ..

__________________________________________________ __________

>>>> الرد الرابع :
تسلمون خواتي عالنصايح في ميزان حسناتكم ان شاءالله

ماقصرتوا

بانتظار باقي التجارب

__________________________________________________ __________

>>>> الرد الخامس :
الرضاعة الطبيعية ضروريه لج وللبيبي
كل ماكلتي عدل وتغذيتي عدل زاد ادرار الحليب عندج
أهم شي تشربين الماء بكميات كبيرة والاعشاب من يانسون وحلبه وغيرها لأن هذي السوائل اتزيد ادرار الحليب وتخفف غازات البطن عند رضيعج أن شاء الله
ورضعي كل ساعتين عشان تزيدين ادرار الحليب