السلام عليكم ورحمه الله وبركاته
اليوم بحطلكم لقيمــــــــــــــــات
اتم وياج متماسكه بس مب معناه يابسه صخر لا لينه من داخل وحلوه
كرتونين لقيمات (اللي ماعندها كرتونين تقريا عن كل كيسه كوبين وشوي مال الجبن المتوسط)
خميره اللي موجوده بالكرتون يكفي
2 لبن
3 ماي دافي بقياس كوب اللبن عشان ماحد يخربط
3 ملاعق كبيره نشا
3 فناجين سكر
زعفران
ماي ورد
سمن اعربي للطعم اللذيذ ملعقتين تقريبا ياتشترونها من عند عيايز او انكم تسونها بالزبد
تحطين زبد بالجدر لين يذوب وتحطين وياها مخلوط مطحون يتكون من حب عيش وسنوت شوي هيل ونخليه يتسوي ناعم عقب نشخله ع الزبد ونحط كركم للون وبالعافيه عليكم يستعمل لاي اكله شعبيه
لاتكثرون يستوي كريسترول السمن
الطريقه
ضيفي النواشف كلها
الطحين,,,,,, الخميره,,,,,,, النشا,,,,,,,, الزعفران,,,,,,,
اخلطيه عدل
الحين صبي اللبن والماي وماي الورد
نسيت اصوره
اخلطيه عدل لين تستوي عجينه متجانسه
نحطي ملعقتين السمن العربي
حطي بايدج مسحه ماي وحطيه ع العجين من فوق
وصكريها بقطعه وغطيه لين يتخمر ياخذ تقريبا نص ساعه او ساعه الا ربع
شوفي كيف العجينه منتفخه
اخلطيها عدل بعد ماتتخمر
ماقدرت اصور وانا احطها بزيت لاني بسرعه احطها ومالحق
مهم تشلين كوره بصبوعج وتخلينها داخل صبوع وتكون نفس الكوره وتنزلينها بصبعج العود ابهام
بس جي بتكون وجي كميتها وكيف انزلها
وتحطينها بزييييت حار يفضل زيت نور لانه مايتشرب زيت وايد
يكون زيت حار من قبل عشان تعرفين انه استوى حطي عجينه شوي ويوم يصير حار خلاص خفي نار لانها بتطلع سوده وماستوت من داخل عدل
وهيلا وهم بالزيت
ونحطهم بالمشخله او المصفاه لين نخلص
نحط عليها شيره دبس عسل
ونزينها نارجيل مبشور (جوز الهند مبشور) بسمسم فستق مطحون او اي مكسرات
انا كنت مسويتنها ع العصر وكان باجي 3 حبات الصبح يوم قمت شفتها وصورتها عشان تشوفون كيف بعدها متماسكه
بالعافيه عليكم
وان شاءالله تجربونها وتعيبكم
نصيحه وانتي تسوينها سمي بالله طول ماتسوين شي
واستغفري ترا بقدرة ربنا يستوي اكل الذ
رد مع اقتباس
