عنوان الموضوع : يوميات (ميس دايت) و ( مس لايت ) الرجيمية المصورة(1) لسلامتك
مقدم من طرف منتديات الضمير العربي

السلام عليكم ورحمه الله وبركاته


شحالكم جميعاً؟؟


معاكم مس لايت مادري اذا تذكروني ولا كانت لنا يوميتنا انا ومس لايت من سنه او اكثر شوي

طبعا لظروف ما قدرنا نكمل في المنتدى

و للاسف الشديد جداً جداً انه وزني اصبح فظيع بصراحه

اخاف يوم من الايام اقوم من النوم ماقدر امشي

محبطه واااااااااااااااايد بصراحه وكارهه نفسي بدرجه كبيره واااايد واااايد

واحس بالخجل من نفسي ومن شكلي ووزني

والاهم في الموضوع صحتي طبعا من فتره قمت احس بآلام في كعب الرجل و احس حتى العباده اصعب

طبعا البارحه كانت الصدمه و شفت وزني وقررت اني ارجع لليوميات و الالتزام مع اختي ميس دايت

من باجر باذن الله بنبدا فاليوميات

نظامي بيعتمد :

- شرب السوائل بشكل كبير " عصاير طبيعيه جاهي اخضر و الماي " .

- التخفيف واتباع نظام متوازن .

- الابتعاد كل البعد عن الدهون و السكريات .

- الرياضه 3 مرات بالاسبوع على الاقل الرياضات الي اقدر امارسها هالفتره " المشي + اوربتراك" .


ملاحظه :-

بسبب ظروفنا يمكن ما نقدر نحط يومياتنا يوم بيوم لكن بنحاول قد ما نقدر اننا نزل يومياتنا لو انضغطنا حتى عبر البلاك بيري و بدون صور لكن باذن الله بنحاول يوميا ندخل وننزل يومياتنا مصوره .

وزني الي يفشل عند البدايه :-


110


البدايه تاريخ 16\3\2016

وعساه يكون تاريخ حلو في حياتي و يكون تاريخ تغيير ايجابي باذن الله الواحد الاحد

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
عوده حميده

الصراحه كانت يومياتكم أكثر من رائعه ما شاء الله . و كنت من متابعينكم

باذن الله في هذا الموضوع بتحققون أهدافكم و توصلون للوزن الي تبونه بصحة و عافيه


مووووووو فقات

__________________________________________________ __________

>>>> الرد الثاني :
حتى انا كنت متابعة يومياتكم وكانت واييييييد حلوة
ويلكم باك الغلا وان شاء الله حبوبة مع الالتزام +رياضة راح تنزلين هالوزن وفوقه حبتين

__________________________________________________ __________

>>>> الرد الثالث :

المشاركة الأصلية كتبت بواسطة ميمي الشقية
عوده حميده

الصراحه كانت يومياتكم أكثر من رائعه ما شاء الله . و كنت من متابعينكم

باذن الله في هذا الموضوع بتحققون أهدافكم و توصلون للوزن الي تبونه بصحة و عافيه


مووووووو فقات




هلا والله وغلا بميمي حبيبتي ^_^

متابعتكم لنا هي الي رائعه واتمنى اشوفج دوم في موضوعنا

مشكوره الغلا على الرد

__________________________________________________ __________

>>>> الرد الرابع :

المشاركة الأصلية كتبت بواسطة مكانه في قلبي
حتى انا كنت متابعة يومياتكم وكانت واييييييد حلوة
ويلكم باك الغلا وان شاء الله حبوبة مع الالتزام +رياضة راح تنزلين هالوزن وفوقه حبتين




هلا والله حبيبتي

تسلمين يا قلبي

وان شاء الله ربي يسمع منج

بس والله تشجيعكم له دور كبير في التزامنا

لا تحرمونا مروركم عزيزاتي

__________________________________________________ __________

>>>> الرد الخامس :