عنوان الموضوع : مليت من كثرة الالتهابات ساااااااعدوني لصحة الجسم
مقدم من طرف منتديات الضمير العربي

مرحبا خواتي اشحالكم عساكم بخير
بصراحة انا صارلي فترة اشتكي من كثرة الالتهابات وماخليت عيادة ولا مستشفى ماسرت والحال مثل ما هو وبصراحة وايد امتعبتني ومفشلتني بنفس الوقت اتمنى منكم اتساعدوني اذا في حل ولكم الاجر والثواب

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا اختيه
مري الصيدلية وخذي تحاميل قوليله عندي التهاب وأبا تحاميل وحطي وحدة كل يوم قبل لا ترقدين مدة ٣ إيام ..... ومري خذي لج مرامية وشربيها بعد كل وجبه ... ألطريقه تحطين معلقه من المرامية اذا كانت مطحونه او كم ورقه اذا كانت عادي مش مطحونه وتصبين عليها ماي مغلي وتغطينها ولما تبرد تشربينها ..... تراه المرامية تقلل الالتهابات حتى لو راحت الالتهابات ضلي اشربيها وبعد تنشط المبايض

ولازم تهتمون بالنظافة في المنطقه الحساسة وتجففينها دائماً وخذي لج من الصيدليه غسول للمنطقه الحساسة

أنا كنت جيه وعقب تميت أعالج نفسي بنفسي لأني صراحه ما فيه على العيادات

وان شالله ربي يعاافيج


ربي لاتذرني فردا وانت خير الوارثين

__________________________________________________ __________

>>>> الرد الثاني :
كل هذا اللي قلتية سويته بالحرف الواحد وبذات المرمية تقريبا كل يوم اشرب قلاص والتحاميل جربت كل الانواع والغسولات بعد وافي فايدة

__________________________________________________ __________

>>>> الرد الثالث :
الغاليه مركبه لولب ؟
الي اعرفه لازم الريال و الحرمه يتعالجون يمكن انتي عديتي ريلج و هو فيه و كل ماتتعالجين يردلج مره ثانيه منه
اذا انتي من بوظبي سيري لبشيره لاني كنت مثلج ماخليت مكان ماسرتله بس الحمدلله هي عالجتني.
انتبهي لعمرج الالتهابات اتسبب العقم اذا طولت

__________________________________________________ __________

>>>> الرد الرابع :
للرفع

__________________________________________________ __________

>>>> الرد الخامس :
الغاليه ممكن يكون الالتهاب من ريلج

لازم انتي وياه تتعالجون ويا بعض