عنوان الموضوع : تم تحميل الصـور من جديد . . كيف بشّرت ريلي إنـي حــآمِل ؟ تعآلـي أستفيدي مِن الفكره لتربية طفلك
مقدم من طرف منتديات الضمير العربي
الســلامـ عليكمـ و رحمة الله و بركــاته
شحــآلكن سيدات الإمارات ؟
حبيباتي .. نزلت موضوع من فتره و ماشالله على طول خذ وســام ( موضوع مميز ) و انتقل للمواضيع المميزه . . . .
بس للأسف اختفت الصور
و ماشالله لين اليوم لازم توصلني رساله ( بشكل يومي ) .. يبون يشوفون الصور
حملت الصــور من أول و يديد عشان الكل يستفيد من الفكررررره ^^
هذا رابط الموضوع
https://forum.uaewomen.net/showthread.php?t=338831
=)
بِسْمِ اللَّهِ الرَّحْمَٰنِ الرَّحِيمِ
قُلْ أَعُوذُ بِرَبِّ الْفَلَقِ مِنْ شَرِّ مَا خَلَقَ وَمِنْ شَرِّ غَاسِقٍ إِذَا وَقَبَ وَمِنْ شَرِّ النَّفَّاثَاتِ فِي الْعُقَدِ وَمِنْ شَرِّ حَاسِدٍ إِذَا حَسَدَ
الســلام عليكمـ و رحمة الله و بركـــاته
شو الأخبـــار =) ؟
كيف بشرت ريلي إنــي حامل ؟
فديتكمـ هذا موضوع جديمـ كان تاريخ 20/5/2017
ألحين عندي بنوته عمرها سنتين ^_*
بس حبيت أنزلــ الموضوع فالمنتدى عشان العرايس اليداد يستفيدن ^^
بخبركمـ شو الســالفه بـ ختصار عشان تعيشوون فرحة ريلي >> لا والله هههه
أول ما ملجنا اتفقنا أنــا و ريلي نستانس شوي و بعدين ايينا بيبي ،،
بعد 4 شهور من زواجنــا أختي ربت و ريلي حليله تحمس
قالي خلاص استانسنا يالله نبا ياهل
قلت لااااا تونا معرسين و مادري شو ،، هو يحن و أنــا اقول لا
المهم لين ماشل الفكره من باله >> كسر خاطري
جان اقرر اني اوقف المانع و اسويله مفاجــأه ^^
المهمـ .. سرت الجمعية اللي عند بيتنا ^_*
خذت مجموعة أغراض حق البيبي لون محايد لا ولد ولا بنت !!
و علبه صغيرونه عشان أرتب الأغراض
و خليت أختي و حبيبتي ( وهج المحبه ) تسويلي تصميم عـ السريع و تكتب فيه "رساله من البيبي"
طبعــاً كنت حاطه في بالي مستحيل أحمل على طول إلا إذا الله راد
أول شهرين ماحملت !! بس كنت مجهزه كل شي
عقب هـ الشهرين
نشيت الفير سويت تحليل (فالبيت) وطلعت حامل ^^
صليت ركعتين حمد و شكر و يلست أتريـــا ريلي ينش و أخبره
المهمـ يوم نش ريلي .. قلت له بعطيك هديه قالي أوكي =)
يبت الكيمرا و شغلتها .. قالي شو السالفه !
رديت عليه : اتريــا شوي !!
و جــــــــاااان أعطيه الهديه ....
كان فيها رسالة البيبي - رضاعه – مصاصه – صدريه – مشط – عضاضه – جوتي صغيروووني ^^ .... إلخ من هالسوالف
و لين الحين هو مب فاهم شو الســـالفه !!
قلت له : اقرى الرســـاله ..
وبدا يقراهاااااا و الكيمرا تصوور و قلبي يدق أتريــا ردة فعله
قلت له أقرى بصوت أبــا أسمع >> ههههه أبله
و الحين أكيد كلكمـ تبون تعرفون شو مكتوب ههههه
هـ الكلام كان مكتووب فيها :
لكل مناسبة هدية
ولكل هدية مرسل
.. .. .. .. ..
وكل هدية تنهدى لشخص معين
في هدايا توصل بثواني
.. .. .. .. ..
وفي هدايا تاخذ وقت لين ماتوصل
والهدايا تختلف على حسب مرسلها
.. .. .. .. ..
في هدايا نعرفها وننتظرها ببرود
وفي هدايا ننتظرها على أحر من الجمر
.. .. .. .. ..
وانا هدية من الله
وباخذ 9 شهور لين اوصل
.. .. .. .. ..
إلى أغلى أب (بابا أسم ريلي) وأحلى أم (ماما اسمي)
مع حبي
انا البيبي المشتاق لاحضانكم
أحبكم
ردة فعل ريلي :
يوم وصل الأسطر الأخيره من الرســـاله بدا يخف صوته بدا يستوعب الموضوع هههه
رفع راسه مره وحـــده و العيون مختفيه ><
و ماعرف شو يقول أو شو يسوي قام وقف و راح مشى و رد يلس >> كل هذا عشان ماجوف الدموع لوول
قالي انتي حامل !! قلت هيـــه ،، استــــــــــااااااااااااااانس وايد وايد
و تم يشكرني اني وقفت المانع و انها أحلى هديه في حياته
قلت له أشكر رب العالمين اللي ماحرمنا من هـ النعمه
و ربي يرزق كل محرووووم يـــارب ^^
و هـــاذي هي قصتي ^_*
ان شالله الموضوع عيبكمـ ،، هـ الله هـ الله بالردود السنعه
و دعواتكمـ تكفيني =)
بنات انا مانزلت الموضوع ولا كتبت الرساله كامله
إلا عشان تستفيدن و اطبقن الفكره و تشوفون لذتها و حلاوتها كيف ^_^
صارلي سنتين من سويت هالحركه و لين الحين محتفظه بالهديه و الرساله
و كل ماشوفها احس بالفرحه اللي حسيت بها اول ماحملت
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مشكوووورة يا حـــــــــلوة ^_^
__________________________________________________ __________
>>>> الرد الثاني :
العفوو حبيبتي
__________________________________________________ __________
>>>> الرد الثالث :
مبروك الغالية
__________________________________________________ __________
>>>> الرد الرابع :
مشكوووورة يا حـــــــــلوة ^_^
__________________________________________________ __________
>>>> الرد الخامس :
ههههههههههاي انا احس لو حملت ما بخبر حد لين ما تبين الكروشة لول
رد مع اقتباس
