عنوان الموضوع : أمك تجسد في اسمها كوثـر الحـب ......... قصيدة خليجي
مقدم من طرف منتديات الضمير العربي
اكتب على بيض الورق بيت واشطب
من عادتي ما أغوص قبل احسبهـا
للعاشق الولهـان والمغـرم الصـب
بكتب بيوت تنومـس اللـي كتبهـا
وصيـة(ن) منـي لمن هـو تعـذب
أصفى من العد العذي لمن شربهـا
الوالديـن وبرهـم خيـر مطـلـب
ينجيك مـن نـار السعيـر ولهبهـا
لارضيتهم يرضى عن اعمالك الرب
ويزيح هم النفس ويطـرد نصبهـا
دموع عين امك كما السيل تنصـب
عليك تشفـق ويتعوكـس طربهـا
يامسيت مرضان(ن) ولا فادك الطب
يجفي لذيـذ النـوم ضافـي هدبهـا
نيرانها من واهج(ن) في الحشا شب
واليا صحيت يـروح عنهـا تعبهـا
أمك تجسد في اسمها كوثـر الحـب
اللي لجل ترضيـك باعـت ذهبهـا
حسبي على اللي يزعـل الأم والأب
يحرم من الجنـة وناضـج عنبهـا
سلواك ياللي غادي(ن) حيل متعـب
من الضيم والدنيـا وكثـرة كربهـا
إنك تراضيهـم ولا عنـك يغضـب
أبوك وامـك مـا تسبـب غضبهـا
نظمت لي قاف(ن) جزيل(ن) مرتـب
ومن عادتي ما اغوص قبل احسبها
رآقت لي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
نقل رائع يعطيك العافيه تقبلي ودي
__________________________________________________ __________
>>>> الرد الثاني :
صح لسان الشاعر ويمينك على النقل الذوق
تحياتي
__________________________________________________ __________
>>>> الرد الثالث :
طرح رااائع غاليتي
ودي واحترااامي..
__________________________________________________ __________
>>>> الرد الرابع :
متميزه بطرحك الرائع
صح لسان الشاعر وتسلم يمناك
نقل رائع ومميز
__________________________________________________ __________
>>>> الرد الخامس :
راق لي ما راق لك
يعطيك العافية على القصيدة الهادفة
جزاك الله خير
تحياتي لك
رد مع اقتباس
