عنوان الموضوع : وين وديتو عيالكم في الاجازه؟؟
مقدم من طرف منتديات الضمير العربي

اجازة المدرسه وين وديتو عيالكم ؟؟اريد موجز .........اريد اقنع بو العيال

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا الغالية

نحن كنا ناوين نحجز مزرعة بس ما صار نصيب
فسوينه جدول لمدت اسبوع
اليوم الاول ودينهم الكورنيش لعبوا وستانسوا
اليوم الثاني البحر وماشاء الله عليهم الكل سبح وغير هذا كنا مخذين لهم عدت الرمل الكبار قبل الصغار كانوا يلعبون بهم
اليوم الثالث ودينهم متحف شبه الجزيرة العربية ماشاء الله كنا بيت اهلي وخواتي وعيالهم وبيت خالي وخالتي والله صح العدد كان وايد كبير بس ماشاء الله عليهم وايد استانسوا
اليوم الرابع وديناهم دبي مردف ستي طبعا ما ودينهم غير الالعاب بس لالنه عددهم كبير والله كانوا ماخذين الالعاب كلها لنفسهم
اليوم الخامس كان بريك لنا وخليناهم فالبيت ورحنا نحن السوق ونتمشى
اليوم السادس اختي كانت مسويه للصغاريه حفلة شاي ونحن بعد الكبار سوت لنا حفلة شاي وبعدها كملنها بباربكيوا
وخلاص الجمعه كانت يمعة الاهل والسبت استعداد للمدارس

__________________________________________________ __________

>>>> الرد الثاني :
انا سرت مرتين بالمترو مره سرنا برج خليفه ودبي مول
ومرنا سرنا بالمتروا للأمارات مول
ويوم تجمع لربيعاتي وعيالهم فى بيت ويوم فى بيت ربيعتى
ويوم مسبح وسباحه وامس واليوم استعداد للمدرسه

__________________________________________________ __________

>>>> الرد الثالث :
والاخوات الباقيات وين رحتو؟؟؟؟؟؟؟

__________________________________________________ __________

>>>> الرد الرابع :
وديتهم حديقة الخور ويوم حديقة الصفا ويوم بيت خالهم
ويوم الفيستسفال سنتر واليوم هم في كيدزينيا بدبي مول

__________________________________________________ __________

>>>> الرد الخامس :
عيالي توهم بادين بإجازتهم بعدني ما وديتهم مكان