عنوان الموضوع : <<عيدو ذكريات مدينه العاب هيلي ...مع ام بدر >> للسياحة
مقدم من طرف منتديات الضمير العربي





هلا وغلا

بشيخات المنتدى

اشتقتلكم

في هالاجازة محد فضى حق حد بس انا احاول اني اصور عشان خاطر ( عنونكم )

بس دلعناكم زياده

من قبل ما تبدا الاجازة ونحن مخططين نشل كل افراد القبيله خخخخخخخخخ قصدي عيال العيله العاب هيلي

لان كان فيها صيانه وننتظر بشوق افتتاحها

عاد قالو اول ايام العيد بيفتحونها ونحن على طول دقينا فون ونستفسر عن يوم النساء فقط لا غير هههه

ويوم الثلاثاء شدينا الهمه وانطلقنا من بيتنا الي مدينه العاب هيلي ..

اول ما وصلنا زحمه >>زمان ما شفنا هالزحمه على الحديقه

ومن دول شقيقه اكثر شي >>خاصه اهل سلطنه عمان حبايبنا

اول ما وصلنا قلت يمكن مختلط من زحمه بس تخبرنا وجي قالو لا نساء بس لان هذيل من بره ما يعرفون حليلهم ورجعوهم

كان دخول 25 درهم للكل بس الاطفال اقل من 4سنوات ب10 دراهم

والالعاب داخل كلها فري


دخلنا من بوابه ثانية حسينا كل شي فيها الحديقه متغير ..شالين كل الالعاب وحاطينهن في مكان واحد وصار فيها حياه الحديقه

حطو نوافير


هاي بعد نافورة شوي اكبر


هذا بيت الرعب الجديم ..وسو واحد يديد عداله المومياء اسمه شوي اكبر


هذا قطار الصغار بس صار اسرع عن قبل شوي ..حتى لكبار يدخلونه


هاي لعبه يديده ..نفس الموجوده في القريه العالميه ..نفس العمود وحوالينها كراسي وتطلع وتنزل ..
بس طبعا على اصغر


هاي لعبه جديمه بس سو لها صيانه
كراسي وادور بحركه سريعه


وفي كذا لعبه يديده بس للاطفال ... تقريبا اغلب المنطقه العاب للاطفال


وباقي المناطق مسكره فيها صيانه

وفتحو مطاعم وزرعو حشيش بكل مكان ورتبو الحمامات ( الله يكرمكم )



ما قدرت اصور وايد من زحمه الي فيها

هذا قطار كان بعده ما مخلص يركبونه ..


وعدلو المسرح لكبير وصار بنص الحديقه

وفيه عروض سرك

تقريبا موجوده 18 لعبه بس اغلبيتها للطفال مثل ما قلتلكم

للكبار بس

الصاعقه
سينما
سيارات تصادم
شاحوف
كراسي صفر

توقعاتي انه المنطقه الجنوبية بتكون العاب للكبار

ونحن في الانتظار

احلى شي

يم يم


وسلامتكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
أولاً : ألف مبروووووووووك عل إفتتاح حديقتنا الحلوة ( حديقة هيلي )

وثانياً : الحمدلله إنها ما أصبحت من الماضي ونسوها مثل ما نسوا عين الفايضة الله يرحمها .. *_*

إختي وعيالها ساروا وقالوا إنها متغيرة للأحلى ،،

يبالها وايد تعديلات حديقتنا ..

نبا أيام أول ترجع فالحديقة ..

مهرجان الربيع

والمسارح

والسيرك ..

وعروض التزلج في الاسكيت ..

وغيره وغيره ..

بس ما أنقول غير الحمدلله إنهم غيروها وننتظر التغيير الجذري بفااااااااااااااارغ الصبر عشان

كل ثلاثاء نطيح فيها نحن وعيالنا ^________^

تسلمين ع التقرير اللي فرحتينا به وبالصور اللي موجوده فيه واللي هو الثاني لج لحديقة هيلي ..

__________________________________________________ __________

>>>> الرد الثاني :
يعطيك العافيه على التقرير الحلو يبيله زياره لما يفتحونه كله على اجازه نص السنه باذن الله

لان اجازه العيد واليوم الوطني فضيناها في الفجيره على البر وكان روعه والجو حلو

__________________________________________________ __________

>>>> الرد الثالث :
يعطيج العافيه ام بدر .

ماتقصرين ..

وزين انهم ردوو الروح لهالحديقه ...لنها معلم مهم في العين .. ومالنا غنى عنهاا

شوّقتيني ازووورها

__________________________________________________ __________

>>>> الرد الرابع :

المشاركة الأصلية كتبت بواسطة ريـــــــم
أولاً : ألف مبروووووووووك عل إفتتاح حديقتنا الحلوة ( حديقة هيلي )


وثانياً : الحمدلله إنها ما أصبحت من الماضي ونسوها مثل ما نسوا عين الفايضة الله يرحمها .. *_*

إختي وعيالها ساروا وقالوا إنها متغيرة للأحلى ،،

يبالها وايد تعديلات حديقتنا ..

نبا أيام أول ترجع فالحديقة ..

مهرجان الربيع

والمسارح

والسيرك ..

وعروض التزلج في الاسكيت ..

وغيره وغيره ..

بس ما أنقول غير الحمدلله إنهم غيروها وننتظر التغيير الجذري بفااااااااااااااارغ الصبر عشان

كل ثلاثاء نطيح فيها نحن وعيالنا ^________^


تسلمين ع التقرير اللي فرحتينا به وبالصور اللي موجوده فيه واللي هو الثاني لج لحديقة هيلي ..




ان شا الله نشوفها احسن من قبل

مشكورة على متابعتج الدايمه لمواضيعي الغلا

__________________________________________________ __________

>>>> الرد الخامس :

المشاركة الأصلية كتبت بواسطة تسونامي
يعطيك العافيه على التقرير الحلو يبيله زياره لما يفتحونه كله على اجازه نص السنه باذن الله

لان اجازه العيد واليوم الوطني فضيناها في الفجيره على البر وكان روعه والجو حلو




المشاركة الأصلية كتبت بواسطة صعبه
يعطيج العافيه ام بدر .

ماتقصرين ..

وزين انهم ردوو الروح لهالحديقه ...لنها معلم مهم في العين .. ومالنا غنى عنهاا

شوّقتيني ازووورها



يالله زورها ..وقولو رايكم

مشكورات على التواصل