عنوان الموضوع : رحلتــي وعائلتي الصغيرة الى فندق العنوان + سوق البحار ..بالصور لعشاق السياحة
مقدم من طرف منتديات الضمير العربي
بالبداية حبيت تعذروني .. لان هذا أول موضوع لي بقسم السفر
مع اني وحدة ما تقر بمكانهاوكل يوم تلاقونها في حتة!
بس ان شاء الله فاتحة خير عليكم .. واتهل عليكم مواضيعي الجديدة
طبعاً تحسفت على الصور الي انمسحت من كاميرتي .. كانت بتكون مواضيع حلوة ومضحكة بان واحد
يالله نبتدي بسم الله برحلتنالمدة يومين بفندق العنوان .. المجاور لدبي مول ..
طبعاً الحجز كان بالهاتف لانه صارت لنا مشكلة اخر مرة لما اعتمدت على موقع booking فصارت لخبطة نوعاً ما لما سرنا منتجع ماريمار العقة .. ولما تتصلون وتسالون تعرفون اكثر عن قيمة الحجز مع الضريبة
اول ما دخلنا طبعاص انشغلت مع بنتي الصغنونة فما قدرت اصور لكم الكم الهائل من الناس الي كانت منتواجدة .. هالفندق على ماظن يمكن يكون اكثر الفنادق ازدحاماً في دبي حسب ما شفت بعيني .. اولاً مقاربته لمول كبير ومتوفرة فيه كل الماركات تقريباً .. وثاني شي المناظر الخلابة الي تطل عليها الشقق والغرف .. وثالث شي منظر الابراج ومنظر البحيرات المتناثرة على بقعة جميلة وخلابة
اصلا انا ماجاني النوم من روعة النوافير الراقصة .. شي جميل للغاية ومنظرها من فوق غير غير
حجزنا كان عبارة عن شقة صغيرة وحلوة .. ,متوفرة فيها كل الاشياء الضرورية ..
فيما عدا بعض الملاحظات .. برفقها تحت الصور .. بعض الشغلات الي حبيت اني اضعها ككملاحظة لادارة الفندق
الصالة مريحة للغاية واجمل ما فيها انها مطلة على البحيرة . وبنفس الوقت تقدرين تستمعين بجو من الهدوووء والتركيز ..
وهذا منظر اخر للصالة او زااوية اخرى
الصالة ..
على فكرة عندي ملاحظات على الديكور .. ماعجبتني ابداص حسيت الغرفة مزحومة بالديكورات
والصور القادمة خير دليل على صحة كلامي
مثل ما تشوفون طاولة الطعام .. ما استخدمناها
السبب الثاني .. احتفظ فيه لنفسي
ـــــــــــــــــــــــــــــــــــــــ
ننتقل الى الحمامات اكرمكم الله
هذا الحمام الرئيسي الي يكون مع غرفة النوم .. حسيت به صغير بعكس الفنادق الثانية بدبي تكون مساحة الحمامات اوسع شوي ..طبعاً استغليت البانيو اترسه واقعد العب مع بنتي فديتها .. وتعرفون محاسن المغاطس الدافئة ترتاحين من عقب مشي طووووووووووووويل
وهذا الباب الي يفصل غرفة النوم + الحمام عن الصالة
وهذا حمام الصالة اكرمكم الله
غرفة النوم .. ومنظرالزجاج ويه الفجر شي شي رهيب والله ..
الصورة قبل العفسة .. لو شفتوها عقب
اذاني المنتدى ما يقبل اكثر من عدد محدد من الصور
تابعو تحت باقي الصور
https://www.theaddress.com/en/general رابط فندق العنوان للحجز
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اعذروني خواتي .. التصوير بالموبايل .. وليس بالكاميرا ..
صورت لكم المطبخ .. لان كثير مثلي يحتاجون يعرفون شو المتوفر من ادوات ..
طبعاص متوفر كل شي ..حتى عجبتني الغسالة الي بمجفف حراري ..
الحين حان وقت الجد
طبعاً اختكم ملوك سهرت تشوف المنظر .. سبحان الله شوفو التصوير ما بين الليل والنهار كيف المناظر الخلابة .. للاسف وين اختفت صورة النافورة الراقصة ما اعرف 1!!كانت اكثر شي امتعني بصراحة وخلاني احجز بهالفندق .. من كثر ما سمعت المديح
__________________________________________________ __________
>>>> الرد الثاني :
في الليل
وفي النهار
برج خليفة (برج دبي).. اعجبني اكثر شي تناسق الاضاءة مع طريقة بناء البرج .. لاحظو بالصورة كيف انعكاس الضوء عليه . يعني فعلاً شي حلو ..
صور جوية اخرى
هالمكان بكتشفه في المرة القادمة باذن الله
صور الابراج .. لاحظو التصوير مب واضح .. لان الزجاج مش نظيف
سوق البحار ..
كنا رايحين تقريبا بعد ما انهينا رحلتنا ثاني يوم .. وتأخرنا لغاية الساعة 1 في الليل .. كنت مخططة اني اتعشى هناك .. بس راحت علينا
وثاني يوم هذا كان غدانا في مطعم قيصر .. على كثر ما سمعت مديح له بس لما جربته ماحبيت اكلهم .. يكثرون الملح .. والاكل يوصلج دافي مب ساخن مثل ما طلبنا بعكس مطعم قصر الهند .. يعجبني اكلهم .. والحمدلله تم فتح فرع لهم بدبي مول
شوربات وسلطات
عصاير
وبعد ما انقضينا على الوجبة
اما اليوم الي قبله كان غدانا بمطعم جديد NEW
اسمه سيزلر بشارع الجميرا.. طبعًا احم احم خانتني مشاعري ما قدرت اصور لكم
وبس هذا كان تقريري البسيط . اتمنى عجبكم ..
__________________________________________________ __________
>>>> الرد الثالث :
ماشالله التصوير روووووووعه
بس شوووووو الاسعار؟؟؟؟
__________________________________________________ __________
>>>> الرد الرابع :
الصراحه .. شجعتينــــــــــــــــــي أسير له ^_^ ..
و خاصه هالايااام مقررين نطلع لدبي ..
مشكوره الغاليه عالتقرير الحلوووو .. بس عندي سؤال .. بكم حجزتوا الشقه ..؟
__________________________________________________ __________
>>>> الرد الخامس :
المشاركة الأصلية كتبت بواسطة سيده طموحه
ماشالله التصوير روووووووعه
بس شوووووو الاسعار؟؟؟؟
الصراحه .. شجعتينــــــــــــــــــي أسير له ^_^ ..
و خاصه هالايااام مقررين نطلع لدبي ..
مشكوره الغاليه عالتقرير الحلوووو .. بس عندي سؤال .. بكم حجزتوا الشقه ..؟
وجان استانس على التعليق
سيدة طموحة سعر الليلة الوحدة مثلا خلال الاسبوع غير عن الاجازة.. بالاجازة زيدي 200 درهم او 100 مب متأكدة والله من السعر .. لانه هالمرة كانت على زوجي
ولا تحاتين لان المكان بصراحة وبكل امانة يستاهل سعره !
العفو حبوبة قلب طفل .. وبالعكس اشجع اي وحدة تروح له .. المكان وايد رومنسي .. يناسب الاجواء العائلية .. الجو حلو تقدرين تنزلين .. وتمشين لغاية دبي مول او تنزلين تتمشين بسوق البحار .. وتشوفين الناس ..
انصحكم الاكل يكون برع الفندق لان اسعارهم غالية شوي بالنسبة للعشا ويتأخرون وهالشي ما حبيته ابداً ..
اليلة الواحدة بالموقع تكلف :
1899 درهم مثل ما مكتوب بالموقع لليلة الواحدة للشقة
الليلتين .. 3798درهم .. اعتقد ان زوجي حصل خصم بسيط .. لانه تابع للداخلية
يستاهل والله ياخواتي يستاهل .. وهالرابط التابع للفندق ..
https://www.theaddress.com/en/general
رد مع اقتباس
