عنوان الموضوع : جزيرة صير بني ياس سياحة الامارات
مقدم من طرف منتديات الضمير العربي
السلام عليكم بنات..
شحالكم .. عساكم بخير..
حبايبي بغيت أسألكم... عن رحلة صير بني ياس...
كيف يكون ترتيب الرحلة؟
ومن وين الحجز؟
وكم تكلف كامل الاجمالي؟
يعني هالرحلة تنحسب كابكج كامل شامل السكن والاكل والرحلات.. والا كل شي له حساب خاص..
ياليت الي تعرف شي تخبرني بالتفصيل المميل من الألف للياء..
لاني سويت سيرج ودورت وايد لكن مافي شي فادني من ناحية اجراءات ترتيب الرحلة ..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
هلا اختي
عندي خلفيه عن جزيرة صير بني ياس
قد خططت مره اروح لها بس كنسلناها فالنهايه بسبب الجو
كيف يكون ترتيب الرحله؟
انتي من وين اولا..
في طريقتين للذهاب لجزيرة صير بني ياس
اما عن الطياره وتستغرق 50 دقيقه
او عن طريق البر تطلعون من ابوظبي باتجاه الرويس
وبعدها تلفون على جبل الظنه وتتبعون الاشارات
لرصيف جزيرة صير بني ياس
ومن وين الحجز؟
تحجزين اما عن طريق موقع الفندق الرسمي
او عن طريق بوكينغ
وكم تكلف اجمالي؟
على حسب كم ليله وشو الغرفه اللي بتحجزينها
اسعار الغرف تبدأ من 1000 الى 3000 الليله
الرحله ما تنحسب باكج كامل كل شي بسعر
بالنسبة للاكل المنتجع فيه اربع مطاعم متنوعه
واحلى خدمه خدمة "الطعام فنون" من أنانتار
تتيح لكم فرصة عشاء خاص في البرية على جزيرة صير بني ياس.
وهذي الرحلات المتوفرة بأسعارهن
رحلة ارتياد الجبال بالدراجات، التجديف ، الرمايه ، الغطس من الشاطئ
رحلات المشي فالطبيعه ، و في الوادي كل رحله سعرها 60 درهم للشخص
رحلة اكتشاف الطبيعه والحياة البرية 100
الغطس من القارب 200
رحلات بحرية حول الجزيرة 250
رحلات بحرية لمشاهدة غروب الشمس 250
استئجار قارب لساعه واحدة 200
رحلة طيران بانورامية 450
وفي استئجار قارب لرحلات خاصه والسعر عند الطلب
ان شاء الله اكون افدتج في هالموضوع
واي خدمه انا حاضره
دعواتج لي بالتوفيق في اموري
__________________________________________________ __________
>>>> الرد الثاني :
انا سرت هالفندق وروعه أنصحج فيه
نحن من العين وسرنا عند جبل الضنه اعتقد وعقب بالقارب وخذنا ربع ساعه جي
وعن الحجوزات مثل ما قالت لج أختي أنفاس روحي
__________________________________________________ __________
>>>> الرد الثالث :
خاطري بصير بني ياس بس ها الاسعار عاد و كل نشاط بسعر
هاي سياحة حق نفر و نفرين و عوايلنا كبيرة
__________________________________________________ __________
>>>> الرد الرابع :
موضوع مفيد و جميل جدااااااااااا
__________________________________________________ __________
>>>> الرد الخامس :
موفقين ان شاء الله
رد مع اقتباس
