عنوان الموضوع : احترت .. وااااااااااااايد شو الفرق بين الخاص و الحكومي تعليم الامارات
مقدم من طرف منتديات الضمير العربي
السلام عليكم ورحمه الله وبركاته
شخباركم امهات وصباحكم خير و طاعه يارب
سؤال يطرح نفسه ..
هل تختارين الخاص في فتره الكي جي فقط
ام انج تكملين لي ما يكبر ؟؟؟
وثانيا
شو الفرق و شو السبب الي يخليج تختارين
ما بين الحكومي و الخاص ؟؟
انا عن نفسي احب الحكومي وواثقه كل الثقه ان الجو الحكومي
اريح واحب من الخاص ...
وكذلك يعطون الطفل قدر استيعابه ؟؟
ولكن مع الزمن خلنا نفكر ب الخاص و الامور الي تدور فيه
وسجلت ولدي في خاص و الحمد الله فيهم الخير و بالركه
بس شي في داخلي يخليني احن للحكومي ^^ هههههه
ابي ارئكم ونقاشاتكم و لكل ام واجهة نفس اضطراباتي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انا من وجهه نظري
ان اليهال لازم يتأسس عدل
ماتفرق خاص ولا حكومه
اهم شي مدرسات على مستوى
عسبت جذي افضل الروضه تكون خاصه واكاديميه
و الابتدائي بعد لااااازم معلمات كفؤ
وافضل اصلاً لين الصف ٣-٥ فالخاص عشان التأسيس
واهم شي حفظ القرآن
ولو كلفنا ان ندخلهم مراكز بعد المدرسه لان الحفظ بالصغر كالنقش عالحجر و للاسف اغلبيه الامهات غافلات
والنتيجه الياهل يدندن ياماما سناني واوا و لا اغاني هاليومين قلب قلب و بطيخ
وربي يوفقهم
__________________________________________________ __________
>>>> الرد الثاني :
والله سأليني
الخاص يقووون انجليزيتهم بس
اما المخ سكراب
درسنا ويا بنات الخاص ف الكليه
الانجليزيه بلبل
بس المخ قوطي
و يختي اليووم قريت ف الامارات اليوم
ان الخاص ينجحون
يعني ماتعرفين مستوا الطالب الصدقي
و مره حطوف البث المباشر موضوع كامل عن هالشي
حتى التربويين يشجعون الحكومه
الطفل ينجح بجهده من غير دز
و بعد مدرسه عن مدرسه تفرق
__________________________________________________ __________
>>>> الرد الثالث :
مشكورات ع المرووووووووووووووووووور الراقي
نورتوا والله الموضوع
__________________________________________________ __________
>>>> الرد الرابع :
__________________________________________________ __________
>>>> الرد الخامس :
اختي اسما
انا امايه مدرسه مرحله تأسيسيه
يعني صف اول و ثاني
شرايج ان المديره تقول للمعلمات
ان اي طالب راسب حاولو تنجحونه!!
و اذا ابد الطالب ميح
رسبوه بماده وحده
ماااافي اعاده سنه
الحكومه صارت نفس الخاص. من نناحيه الدز وهالكلام انا متأكده منه