عنوان الموضوع : عورني قلبي ع ولدي بليز الي عندهااا حل ....... تعليم الامارات
مقدم من طرف منتديات الضمير العربي

السلام عليكم ورحمة الله وبركاته..

ما اعرف اذا صح موضوعي هنأ والا لا..
نبدأ بسم الله..
ولدي بسم الله عليه اجتماعي وراعي سوالف ويحب اللعب مع العيال لا انه مشاغب ولا بهادي يعني وسط اللهم لك الحمد وحساس لأبعد الحدود فديته لو يشوف حد يصيح يروح يكلمة وعادي تشوفين دموعه تنزل فديته بس مجرد انه يشوف حد يصيح ويزعل عشان الي يصيح المشكلة بدت عنده يوم دخل المدرسه هاي اول سنه له وهوه البجر عندي اول اسبوع فالمدرسه الامور طيبه وثاني اسبوع نفس الشي الا اخر يومين يصيح اخر الدوام والمس بروحها تستغرب ليش يصيح يوم سالته قالي ما اريد اسير فالباص وفهمته انه محد بشله الا انا والا ابوه او خالته سبب خوفه من الباص يشوف العيال يصيحون اخر الدوام ما يبون يسيرون الباص وقام يخاف منه ..
ابوه اول ما سجله للمدرسه قال لهم يسجلونه فالباص بس اهله طلبوا منه يلغي الباص وانا كنت معارضه انه يسير في باص والحمدلله انه ام ريلي رفضة وكل يوم اخر الدوااام ينادون ع اسمه ويتم خايف لا يشله الباص مع اني رمسة الاداره عشان يلغون اسمه بس المس كل يوم تقولي ينادون عليه وانااا اقول لهم انه هوه مب من ضمن الباص والولد صاير عنده فوبيا من انه يسير المدرسه ويشله الباص اليوم فديته صاح صياح قطع قلبي بس ما قدرت انه اشله عشان ما يتحجج انه ع كل ما يصيح اشله يوم الخميس الي طاف المس عطته يلون الباص ما طاع وخبرتني انه ما طاع يلون ويوم سالته فالسياره ليش ما لونت قال هي عطتني باص وانا ما احبه يعني شوفي لاي درجه انه هوه خايف منه وكارهنه ..
مع العلم ولدي يحب كل انواع السيارات وكل ما يشوف باص والا سياره شوه ما تكون يقول حق ابوه ركبني اياااه وبسم الله عليه يركب الخيل والبوش ولا يخاف..
سمحولي طولت عليكم الي عندهاا حل كيف اني اقنع ولدي انه الباص ما فيه شي تعطيني حلول ومشكورات..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
سبحان الله العظيم وسبحان الله وبحمده

__________________________________________________ __________

>>>> الرد الثاني :
اختي انا من رايي تردين معاه فالباص وتضحكينه عاليهال اللي يصيحون
وثاني مره تكافئينه على شجاعته وانه قدر يركب الباص والمره الثالثة يوم تمدحينه قدام اهلج بيتشجع بروحه يركب الباص

__________________________________________________ __________

>>>> الرد الثالث :
السلام عليكم
اختي الحل واضح انج تلغين الخبرة السيئة الي ارتبط الباص وياها في تفكير ولدج
يعني لازم يركب باص ويكون يهال ويشوف شي عكس الي شافه يعني لا صريخ ولا خوف
لو الادارة متعاونة الجأي حق الاخصائية وخليهم لو على يومين يساعدوج وكوني انتي مع ولدج في الباص عسب تامنين له الثقة الاولية

اتمنى انه يتجاوز هالخوف
للعلم هالعمر وايد حساس واي خبرة سيئة فيه تاثر على الطفل بشكل وااايد كبير

__________________________________________________ __________

>>>> الرد الرابع :

المشاركة الأصلية كتبت بواسطة reemane.m
السلام عليكم
اختي الحل واضح انج تلغين الخبرة السيئة الي ارتبط الباص وياها في تفكير ولدج
يعني لازم يركب باص ويكون يهال ويشوف شي عكس الي شافه يعني لا صريخ ولا خوف
لو الادارة متعاونة الجأي حق الاخصائية وخليهم لو على يومين يساعدوج وكوني انتي مع ولدج في الباص عسب تامنين له الثقة الاولية

اتمنى انه يتجاوز هالخوف
للعلم هالعمر وايد حساس واي خبرة سيئة فيه تاثر على الطفل بشكل وااايد كبير



اتفق مع راي الاخت .

__________________________________________________ __________

>>>> الرد الخامس :
يمكن لان اليهال يصارخون ويصيحون

وبعد اتاكدي ان مافي شي غلط يصير او حد يضره فالباص ..

ويمكن في اولاد اكبر عنه يهزبونه او شي