عنوان الموضوع : شاركينا 2015 نبغي من كل مناطق الامارات المدارس اللي مجربينها حكومي او خاص تعليم الامارات
مقدم من طرف منتديات الضمير العربي

هلا خواتي ...

التسجيل بيبدأ ل2015 للسنة الثانية ان شاء الله واللي عندها عيال ببداية المرحلة التعليمية او الكيجي 1 , 2

او حابة تنقل ولدها او بنتها لمدرسة افضل

ان كان منهج عربي امريكي بريطاني حكومي او خاص او نموذجي ... الكل يكتب شو المدرسة اللي بنظرها افضل


من ناحية التعليم والنظام واللغة والواجبات ووووو الاهتمام من خلال تجربتكن ... بليز محد تكتب قصص خياليه من راسها ...


نبغي استبيان عن الافضل ...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
روووعه موضوعج الغلا وبانتظار تجاوب من البنات

__________________________________________________ __________

>>>> الرد الثاني :

المشاركة الأصلية كتبت بواسطة ام زايد21
روووعه موضوعج الغلا وبانتظار تجاوب من البنات




انتي الاروع فديتج الخوات مايبغن يكتبن حتى لوعيالهن بالمدرسة ما اعرف شو مستوي كسل كتابي ولا مشاهده فقط ...

اعتقد مش فيديو عشان الواحد يستمتع بالنظر .. يمكن المهتمات غير او المثقفات واللي يحبن العلم والتعلم هن اللي يهمهن هالمواضيع

__________________________________________________ __________

>>>> الرد الثالث :
انا ابي اسجل بنتي بس للحين مارسيت ع مدرسه .. ابي مدرسه منهج بريطاني لو ماحصلت بحطها في مدرسه منهجها امريكي .. سجلتها في الراحه بس ويتنج ليست .. وقالو ع شهر ٢ بيردون علي .. وسجلتها في اكاديمية جيمس العالميه بس بعد ويتنج .. وانطر يفتح تسجيل مدرسة الشهب واكاديمية زايد لان بس هذوله اللي حاطتهم في بالي .. دشو جوفو تقارير ارتقاء في موقع ابوظبي للتعليم وايد فادني هالموقع .. يقولج المدارس الزينه والمدارس وشو المدارس الي متحسن مستواها عن قبل .. وفي كذا مدرسه كلمتهم قالو وقفو الاسجيل منها الخبيرات وكامبرج .. وان شاءالله نجوف تفاعل بالموضوع هاي .. ولو تقترحون مدارس ثانيه بعد ..

__________________________________________________ __________

>>>> الرد الرابع :

راح تتم بنتي في نفس المدرسة ABC Private School وما راح انقلها
المنهاج بريطاني بالاضافة ل اللغة العربية و التربية الوطنية و الاسلامية منهاج التربية و التعليم
ما في ضغط وايد وايد يعني احب اول بأول اخلص الواجبات و الدراسة بعد الغدا و السباحة اعطيهم راحة ساعة
و بعدين نبدأ دراسة ،،،،حلو انج تدرسين الياهل اول بأول ما تخلين شى يتراكم لين ايام الامتحانات و هذا اهم شى

موفقات غالياتي اي استفسار انا موجودة و من عيوني

__________________________________________________ __________

>>>> الرد الخامس :
مرااااحب

ولدي بالمدرسة الوطنيه بعجمان بصراحه لاباس فيها نوعا ما

بنتي هالسنة بدخلها كي جي ون وتقريبا بالوطنيه بدخلها و افكر بعد بالحكمة بشوف شو الافضل الولد عربي والبنت انجليزي