عنوان الموضوع : مدرسة بولاريس في بو ظبي مدرسه خاصه للطلاب
مقدم من طرف منتديات الضمير العربي
سلام عليكم خواتي اليوم سرت حطيت ولدي في مدرسة بولاريس هو اصلا كان يدرس فيها قبل سنتين وله شوي ويدكون علي ابنج مش مسجل عندنا وانا سايره من شهرين وعاطيتهم قسط ومسجله الولد وقلت هالكلام في التسجيل ويتذكروني ويعرفوني حق المعرفه طلعوا مضيعين الاوراق والوصولت حضرتهم والحين يكولي المدير ماشي كراسي حق ولدك حسبي الله ونعم الوكيل لما دخلت عليه انا وزوجي فكرته انسان متفهم من كنتورته وغترته قلت انه مواطن ومن كومنا لكن لما يلسنا شفت اخلاقه لاتنفع للتربيه ولا للتعليم قلت له استاذ انت من اي قوم كالي انا يمني بصراحه عالراس والعين بعض اليمنيين الي موشايفين حالهم ومايكذبون لكن هذا اعوذ بالله من الكذب الي كذبه اليوم ويقول لزوجي عينك عينك بعثنالكم رسايل نصيه وكلمناكم وكان لازم تيون تسجلون ولو لا اني محتفظه بالوصل الي دفعت في الرسوم ماكانت بانت كذبته يت الموظفه لين عنده وكالته انهم مضيعين اوراق وايد ناس وحتى ناس يايه من سوريا طالعه عيونها لين يايبه الاوراق من بلادهم وهذيله مضيعيهم خواتي نصيحه هالمدير واسلوبه لامال تربيه ولاتعليم وخصوصا كل الاساتذه الزينين طلعوا من المدرسه بسبب اسوبه ومعاملته معاهم
يشهد الله اليوم يالسين ننتظر برع اكثر عن ثلاث ساعات وهو جنابه يالس بغرفته مايستقبل حد ولايجترم حد نسى ان الكرسي الي كاعد عليه ماهو الا كرسي كوافير يكوم هوه ويجي غيره خرب المدرسه وخسر اكفا الكوادر التدريسيه حسبي الله عليه والضايع في هاللويه هم اليهال حسبي الله عليه مع الاسف الظالم والقاسي والي ميخاف ربه يمسك مدارس ومناصب واحنه في دار زايد ماراح اسكت راح اوصلها لاعلى السلطات لان الي شفته منه انا وزوجي وولدي ماينسكت عليه ما يحترم ولا اله علاقه بالتربيه والتعليم عذرا عالاطاله لكن لازم نعمل حل لهل النماذج اصحاب شعار انا ومن بعدي الطوفان
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اشتكي عليه وزارة أبوظبي للتعليم ،،،
قسم التعليم الخاص او المدارس الخاصة
شي يمنيين زينين بس هذا استغفر
الله من النوعية الي عندنا منهم وايد ،
،، الأدب مستغني عنه ،،،،
__________________________________________________ __________
>>>> الرد الثاني :
تمام اختي زين انك محتفظه بالوصولات امي دوم تحتفظ بالوصولات وماترميها من يوم انا صغيره حتى وانا كبيره تحتفظ بالوصولات مالت الماي والكهرباء وغيره حتى اتصالات عشان مرات تصير عندهم خربطه ونمسكهم بالجرم المشهوووووووووووووووود هههههههههههههههههههههههههه
ماعرف اشكيهم مادام عندك الوصل لازم يوفرون له كرسي او طالبي بفلوسك وسجليه في مدرسه ثانيه والاغلب احسن تطلعي الولد من المدرسه يكون افضل
__________________________________________________ __________
>>>> الرد الثالث :
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
