عنوان الموضوع : افضل مدرسة خاصة في العين 2015 تعليم الامارات
مقدم من طرف منتديات الضمير العربي

السلام عليكم ،، كيف حالكم ؟

ياريت تخبروني عن تجاربكم في مدارس العين الخاصة لسنة 2015

انا ولدي في مدرسة الاتحاد ( كان في حكومي ) ! هاي ثاني سنه له !! دخل من صف ثالث

راي في المدرسة ،،،،،،،،

اممممممم .......... حابيت فيها اهتمامها بشخصية الطفل ما يرفعون صوتهم على الاطفال ومن هالقبيل ، لكن ما احسبها من المدارس القوية من ناحية التدريس ما اشوف في افكار للتوصيل المنهج للطفل مثلاً في معلمة انا يبتها ادرسة في البيت (( كانت تشرحله التقريب في الرياضيات فقسمت الارقام لقسمين wolf and grandmother عشان توصله فكرة الرقم اللي فوق 5 يزيد رقم على التقريب ))! ما اعرف اذا وصلت الفكرة.

يمكن انا ما عندي خبره فيها لان الا من سنتين ،، فياريت لو كل ام تكتبلنا رايها في مدرسة عيالها عشان نستفيد.

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مافي رد من يوم نزلت الموضوع

غريبة الصراحة

__________________________________________________ __________

>>>> الرد الثاني :
لا تستغربين

انا عيالي في الظفره اربع سنين و نقلتهم هالسنه محمد بن خالد

وايد نزل مستوى المدارس الخاصه حتى ربيعتي عيالها في ليوا تشتكي

ربيعتي الثانيه في الصنوبر و تمدحهم صراحه

مادري انا استخرت و نقلتهم محمد بن خالد .. تونا نجربها

طالعي تققيم المدارس الخاصه ع موقع اديك و الله بتنصدمين

الرسوم غاليه و الاداء منخفض جدا

و السموحه منج

__________________________________________________ __________

>>>> الرد الثالث :
اختي المدارس الخاصه مب كلها اوكي بس بالحظ

بس الناس تحبهم عشان موضوع اللغات

انا كنت دارسه في الدوليه الخاصه الحين عاد تغيرت الدنيا بس المدرسين كانوا عاديين ........نفس الكلام المكتوب بتقول لك.......ههههه والله كنا اطفال وعبط

بس التعليم مهم اختي دوري له مدرسه زينه ودرسيه في البيت وتابعيه


وموضوع الظفره انا اعرف مدرسه عندهم لغة انجليزية اصلها خريجة نظم معلومات نفس دفعتي .......وانجليزيتها اقل من العادي ............حتى يمكن ماتعرف شو فيلم نازل او قصه

في السوق......!!!!! بس مدرسه عندهم

واعرف بعد مدرسه في العالميه الحين تركت نظم معلومات تدرس علووووووم عندهم........وتقيمها عالي........

__________________________________________________ __________

>>>> الرد الرابع :
انا ابني في جلوبال بقاله اربع سنين صراحه مدرسه محترمه جدا
كاداره وتعامل حتا المعلمات بالهم طويل عالطلاب

__________________________________________________ __________

>>>> الرد الخامس :
انا ولديه بالمستقبل اول سنه له
ماعرف للحين متابعه
بس احس تدريسهم للحين زين ويهتمون بالعيال ويسووون لهم تقييمات واللي محتاج تقويه يسووون له
للاسف تواصلي قليل جدا ويا المدرسه بسبب ظروفي ماروم اسير ف عشان جيه ما اقدر اعطيج رايي 100%