عنوان الموضوع : شنطة الأطفال في الحضانة؟ في الامارات
مقدم من طرف منتديات الضمير العربي

السلام عليكم

خواتي اللي ودت عيالها الحضانة،، شو الأشياء اللي تنحط في الlunch box?
عطوني أفكار بارك الله فيكم
للعلم أريد أشياء سهلة و خفيفة

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
سندوتشات صغيرة او ميني بيتزا او فطاير (تنوعين فلسندوتشات ) و عصير و حليب و بسكوت و حبة فاكهه (تفاح او موز او كمثرى ) و طبعا ماي

__________________________________________________ __________

>>>> الرد الثاني :
حيليلهم والله
ماعندي اي فكره

__________________________________________________ __________

>>>> الرد الثالث :
شكرا أختي

__________________________________________________ __________

>>>> الرد الرابع :
اختي اللي فالحضانة يحتاج شنطة ثياب ولانج بوكس

بنتي كنت احط لها شنطة للثياب خفيفه ممكن بنطلون وقميص وملابس داخليه وكلينكس ومشط وتوك ودلاغ وكلينكس معقم و فوطة صغيرة وكلينكس المراحاض بس ماحسيت انهم يستخدمونه .

بعد وجبه الساعه 12 يبدلون لهم ويرتبونهم وكنت استانس يوم اشلها مرتبه ومسحتنها المس

اما لانج بوكس عباره عن شنطة وعلبه لحفظ الاكل ودبه الماي

كان ممنوع البسكوت والكب كيك والحلويات والشبس والغازات كانوا يوصون دوم الاهل انه هالاشياء ممنوعه بس محد يسمع الكلام

كنت احط لها كورسون او سلايس اسمر النخاله و جبن او زعتر او حمص وياه خيار زيتون خس

الخضار والفواكة اللي تحبهم وسهله ماتحتاج فتح او اشل البذور قبل عنها واحطهم فاكياس بلاستيك صغيره وعقب احطهم في بوكس مثل
خيار تفاحة جزر وطماط الصغار عنب فراولة ذرة توت
احيانا اسوي لها فروت سلط اقطع صغار مثل المانجا او الكيوي او الكمثرى
احط لها ملعقه وشوكة
عصير صغير او حليب بارد صغير
وممكن كورن فلكس وحليب ادا حطيت اطرش مله صغيرة لاني لاحظت اليهال فاكياس بلاستيك يحطولهم الكورن فليكس ويصبون عليه الحليب المساكين وياكلونه
ولاتنسين اهم شي دبه الماي

نصيحة اذا الياهل عندج حضانته مافيها يونيفورم خصصيي لج كذا لبسه واعتبريهن يونيفورم لانه اليهال يوصخون جربي مال المدارس اللي فماركس و سبنسر لليهال

__________________________________________________ __________

>>>> الرد الخامس :
أنااا ولدي بيدش أن شااء الله أول شهر تسعه وخااايفه عليه بشكل ماتتصورون بس يالله أبااا يتعلم ويستفيد أحسن من يلسته فالبيت مع أنه يحب يكتب ويمسك القلم ويشخبط ويموت من الصيااح لوو شااف عماته يسيرن المدرسه بحااول ارتب له وأتمني يتقبل الحضاانه ^^