عنوان الموضوع : كــــليه المجتمع ,,, خواتي يمكن اشوي
مقدم من طرف منتديات الضمير العربي
هلااااااااااااااا حبوبات ؟؟ اشحالكم ؟؟
اممممممم ماعرف كيف ابدء ؟؟؟
انااااا وااااااااااااااااايد مضايجه يابنااااااات .... انا المفروض سنه الي طافت اخلص دراستي في هاي الكليه بس للاسف ربيت في اول اسبوعين من دوام وعقب وقفت لاني كنت مسويه قيصري وصعب علي اني اقعد واااااايد ..... طبعا رحت الجامعه وسويت وقف طلب الالتحاق
واني بكمل هاي السنه ,,, اتصلت فيهم اول شهر5 تقريبا قالوا اخر موعد لتسجيل شهر 8 وبعده موعد تسجيل مب الحين قلت لهم انا مااقدر ايي عقب ريلي عنده اجازة فا بي الحين وبسجل قالوا لااااا شهر 8 تعالي ...
ااناااا وااايد احترت شو اسوي اكمل ولا اقعد في بيت اجابل ولدي ؟؟؟
صليت استخارة وكل مره استخير بس مايي في بالي اني اكمل دراستي الا اذا حد قالي ها شو بتكملين ولا لااااااا.... ع اخر شهر 7 قلت بروح كليه وانا ماعندي حد فاتفقت مع اخوي اسير
معاه لكن ولدي مرض واستوت له حراره من الضرسفماقدرت ارووح
وفوق هذا كله علي قضاء رمضان لاني ربيت في رمضان والحمدالله قضيت القضاء كنت اسهر لين وقت الفير عسب اتسحر وعقب ارقد ,,,,اتخيلوا ابد ابد ماعندي وقت
ع اول شهر 8 اتصلت فيهم قالوا وقفنا تسجيل وانا كنت مصليه استخاره فاقلت لهااا والي مالحقت ع طلب التحاق قالت خلاص وقفنااااااا ,,,, انا قلت عادي هالي مكتوب وكنت فرحانه
ويوم خبرت امي عصبت علي
وقالت لي وانا حاطه املي فيج انتي بتني الوحيده وانتي وانتي خخخخخ قتلها ماعالي عندج اخواني جان اتقولي اخوانج شو بيسون ,,من يوم ورايح مابفكر فيكم بس بفكر في عمري خخخ غمضتني والله
وريلي بعد اضايج
ابد ابد ..... الحين احس اني ابي اكمل مو عشان حد عشان عمري ,,,اقول ياريت لو رحت اول باول وخلصت التسجيل بس هالي مكتوب شو رايكم انتو
الله كريم ....
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
فديتج كيوووووت
حياااااتي والله لا تضايقين ..
يمكن ها المكتوب أنج ما تكملين هالسنه << وكل تأخيره خيره
يمكن من صالح ولدج انج ما تكملين حاليا
بس حاولي مره ثااانيه وثااالثه تتصلين
وخبريهم انج مريتي بظرووف خلج تتأخرين
عن التسجيل يمكن يرضون
واذا ما رضوا
خلاااص ارضي بالمكتووب غناااتي ..
أنا عني والله ما اعرف شو بسوي
خااطري أكمل دراستي ومتحمسه
بس ما اتخيل ارووح وأخليها ساااعات
الله يصبرني !!
المهم غناااتي هالله هالله بعمرج وفي حماااده
كل ولا زعل ماماته ^_^
__________________________________________________ __________
>>>> الرد الثاني :
مشكوووورة فديت روحج ام حصوصه
بحاول اقنع عمري اني مابكمل هاي السنه ....
انا كنت وحده طموحه خخخخ الحين خلاص من ايي بيبي كل طموحاتج اتروح سدى لوووول
صعبه وااااايد صعبه ان اتوفق في دراسه واجابل البيت
اناااااا واااايد صليت استخاره اكثر من 4 مراااااات .... يالله هالي مكتووب
بس يوم اشوف بنات يرمسون عن كليه وهاي سوالف اقول في خاطري بيشون شي بحياتهم بيكون عندهم سند وهيه شهادتهم انا شو بيكون عندي ؟؟؟
الله كريم
__________________________________________________ __________
>>>> الرد الثالث :
كملي الكورس الي عقبه بس لاتفكرين انج تودرين الدراسه
لانها بتفيييدج في يوما ما....
__________________________________________________ __________
>>>> الرد الرابع :
احسبج ادورين اعذار عشان ماتكملين لووول سوري واللة بس مادري هذا اللي احسة من كلامج لاني نفسج لو انا مصلية استخارة على الدراسة جان شفتيني الحين ماعرف اكتب و اقرا لاني ماداني الدراسة بس شو انسوي مضطرين ندرس.. اهم شي سوي اللي انتي تبينة و مقتنعة فية اذا تشوفين عمرج مب قادرة توفقين بين الدراسة و بيتج و مب حابة تكملين لا تكملين.. انا اللي اعرفة انج تصلين و عقب تمشين في الموضوع اللي انتي تبينة و اذا تعثر يعني لازم توقفين بس انتي مايالسة تسعين للدراسة تترينهم هم يدقولج ..
وبعدين انتي وقفتي فترة فطبيعي تتكاسلين اول مابداومين بيردلج النشاط .. انا حاسة فيج لاني وايد فكرت اوقف و كنت ادور اي سبب عشان ما اكل لاني بس خلاص طلعت من مود الدراسة و اقول اذا رسبت خلاص بسحب اوراقي .. بس سبحان اللة كنت كل مرة انجح.. و مالي حجة اوقف.. بس كل مايعطوني امتحان اقول خلاص مابا اكمل ..
اهم شي سوي اللي انتي مقتنعة فية و تشوفينة لصالحج و بالتوفيق ^_^
__________________________________________________ __________
>>>> الرد الخامس :
المشاركة الأصلية كتبت بواسطة رحالةالعين
كملي الكورس الي عقبه بس لاتفكرين انج تودرين الدراسه
لانها بتفيييدج في يوما ما....
حبيتي ترا هاي المشكله نظام هاي الكليه مافيه كورسات
لو في كورسات جان من زماان خلصت
ادري دراسه بتفيدني ... ان شاءالله خير
رد مع اقتباس
