عنوان الموضوع : بنات جامعة زايد لحقوا علي ... الفزعة التعليم العالي
مقدم من طرف منتديات الضمير العربي
شحالكن بنات
انا في جامعة زايد اللي في دبي و أول سنه لي
وانا الحين في اللفلات و حاطيني لفل4 المهم امتحنت و كل شي والله كنت شاده حيلي
اكتشفت اني راسبة ، سرت شفت دراجاتي قالولي انتي مزفته في اللسنق والريدنق ، والحين حاطيني نفس اللفل و الله نفسيتي تعبت لدرجه اني مب قادرة اسوي شي لاعت جبدي خبروني شو اسوي تراني تعبت وايد
اختكم : أم زايد
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
13 مشاهدة و ماشي اي رد
الله يسامحكم
__________________________________________________ __________
>>>> الرد الثاني :
اختي جامعة زايد معروف عنها انها صعبه ومافيها شي سهل . سيري رمسي ال سدودنت سرفس يمكن يحلون مشكلتج ويمتحنونج مره ثانيه واذا ما انحلت اصبري وشدي حيلج هل مره وكل تاخيره وفيها خيره
الله يوفقج
__________________________________________________ __________
>>>> الرد الثالث :
مرحبا الغللا انا بعد في لفل فووور انتي اي روووم ممكن تخبريينيه عالخاص
__________________________________________________ __________
>>>> الرد الرابع :
الله يعينكم الي في اللفلات انا وصلت لفل 6 وعقبها طلعت ما قدرت اتحمل الصراحه مع اني كنت انجح في اللفل بس ما انجح في التوفل
قلت شو الفايده اضيع سنه او سنتين من عمري عالفاضي وفي اللفلات يعني اقل شي يبالي 6 سنوات لين ما اتخرج !!!
اربيعاتي كانوا وياي سنة 2005 انا طلعت من الجامعه واشتغلت وضمنت شغلي الحمدلله والحين اول سنه في جامعه خاصه وهم توووهم امخلصين التوفل وبيدرسون جنرال وعقب 4 سنوات بيدورون شغل الله يعينهم
حبوبه فكري في مستقبلج احسن ولا تضيعين وقتج بهالطريقه في اللفلات
جامعة زايد الي اتروحها لازم يكون عندها توفل ولا ايلس عشان تمشي وما يضيع وقتها في اللفلات والريدينس
انتي الحين خلي هاي آخر فرصه لج شدي حيلج قد ما تقدرين وحاولي اتييبين التوفل ولا الايلس من برا
__________________________________________________ __________
>>>> الرد الخامس :
اختي شدي حيلج انا شراتج عاديت لفل 4 وكمن لفل والقهر كانت درجاتي اوكي تكون في الكلاس بس الفاينل وايد يخرب عليه
انتي شدي حيلج وايد وخلي الكلاس ورك كله فوق 80 جيه يعني وشدي حيلج بالمتيرم يعني لا تخليه اقل عن 75
ولو كنتي اوفر اول قبل الفاينل كله عندج يعني فوق 75 ولا اقدر اقولج احسن شي فوق 78 تظمنين النجاح شوي يعني
شدي حيلج بالامتحانات وايد وحاولي تسجلين عن التيوترن في المكتبه واستغلي وقت بريكاتج في هالشي واي شي سألي السير او المس عنه وما بيقصرون فيج
وبالتوفيج خيتي انا تميت سنتين في اللفلات واللحينه الحمدلله جنرال في وحدة اعرفها 3 سنوات في اللفلات
وان شاء الله انتي ما اتمين الا سنه يعني =)
رد مع اقتباس
