عنوان الموضوع : أماكن تعطي منح دراسيه للبدون(تم تعديل العنوان) تعليم الامارات
مقدم من طرف منتديات الضمير العربي

السلامــ عليكمــ
شحالكم .. اخباركم
انا دوم ادخل المنتدى بس عمري ما حطيت موضوع وما توقعت اني بكتب هالموضوع .. بس شسوي
فكرت وفكرت مالقيت حل غير اني احط موضوعي هني واعرف انكن ماشاء الله ما تقصرن

امممم والله ويد ترددت احط ولا ماحط

بنات انا بدوون وطموحي اكمل دراستي فالجامعه لكن ظروفي الماديه ما تسمح اني اكمل رسوم الجامعة كلها لانه وايد علي
انا دخلت الجامعه لكن ماظن اني اكمل ونفسيتي تعبانه جدا .. لدرجه اني ماييب درجات حلوة مع اني كنت شاطرة !!! .. و رحت داومت عسب اكمل المصاريف بس ما قدرت اوفق بين هالشيئين نفسيتي تعبت وما كنت اقدر ارقد واكل وجان اطلع !!..حتى ادرس شي ماحبه بس عشان اوفر !! ولاني كنت اداوم !!


ياليت خواتي اذا تعرفوون اماكن او شركات تعطي منح " للبدون " حتى لو مبالغ صغيره تفيدوووني

تعبت وانا ادور وادور مب محصله

ياليت تفيدووني .. لاننه تسكرت كل الابواب في ويهي وماعندي غيركم

ولكم مني جزيل الشكر

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
والله ماعرف شو اقولج الصراحة
الله يعينج الصراحة انزين ليش مادخلت جامعة الامارات تراها حكومية وولو كنتي بدون يستوي تدرسين فيها..والله يسهل امورج.خلي ايمانج بربج قوي ولا تفقدين الامل...واحتسبي الاجر ..وان شاء الله خير

__________________________________________________ __________

>>>> الرد الثاني :
هلا اختي
فديتج ما خليت مكان ماجربت واتصلت .. اتصلت بهم بس قالو ما ناخذ" البدون " ..مع انه نسبتي حلوة وعلمي !!!!..يمكن لانه ماعندي واسطه ^.*؟؟

ويزاج الله خير عالمرور الطيب

__________________________________________________ __________

>>>> الرد الثالث :
خلي ايمانج بربج قوي ولا تفقدين الامل...واحتسبي الاجر ..وان شاء الله خير

__________________________________________________ __________

>>>> الرد الرابع :
ان شاء الله خير ... بس اخاف ما اكمل ... حتى ما قمت اذاكر لانه اعرف اني بودر ^^

يعطيج العافيه ختي عالمرور

__________________________________________________ __________

>>>> الرد الخامس :
اذكري ربج والله يفرجها علييج بالاستغفار وقيام الليل والله ايسرلج اوورج ياارب
ان شاء الله البنات يسااعدووج بالتوفيق