عنوان الموضوع : احب المواد العلميه شو اسوي؟ تعليم الامارات
مقدم من طرف منتديات الضمير العربي

السلام عليكم ورحمه الله وبركاته

حبيباتي انا احب دراسه الرياضيات و الهندسه و الفيزياء والكيماء واااايد
شو التخصصات اللي اقدر ادرس هالمواد؟ وفي اي جامعه؟

طبعا غير مجال التدريس.

فيدوني خواتي لاني صدق محتاره

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اختي تقدرين تصيرين مهندسة معمارية او ديكور وبعد مهندسة اتصالات وشبكات وهاي الامور وبعد تقدرين تصيرين صيدلانية عشان الكيمياء وبالنسبة للجامعات

في عندك جامعة الشارقة او عجمان اظن بفلوس اذاتقصدين جامعة خاصة

وجامعة الامارات معروفة والتقنية

__________________________________________________ __________

>>>> الرد الثاني :
تقدرين تدرسين رياضيات وتكونين معلمة للماده ف جامعة الإمارات

وعندج جامعة الشارجه عندها تخصصات لهالمواد

بالتوفيق

__________________________________________________ __________

>>>> الرد الثالث :
الجامعات وااايده فبلادنا ما شاء الله
بس انتي حددي تبين جامعه حكوميه والا خاصة

كليه الهندسة حلوه ،،
هندسة الكترونيات او اتصالات أو حتى ديكور

موفقه غناتي ــ


سبحان الله وبحمده ،، سبحان الله العظيم

__________________________________________________ __________

>>>> الرد الرابع :
لازم تحددين شو تحبين اكثر يعني التخصصات الطبية او الهندسية يعني لو كنت تحبين الهندسة بتدرسين رياضيات وفيزياء ولو كنت تحبين التخصصات الطبية ( طب وصيدلة وطب اسنان وتقنيات حيوية ومختبرات طبية وتغذية علاجية ) في هذه التخصصات بتدرسين كيمياء وبايولوجي ( احياء) اكثر

__________________________________________________ __________

>>>> الرد الخامس :
دخلي تخصص مطلوب البلاد ^^

الهندسه بانواعها مطلوبه

و ربي يوفقج